1. السلام عليكم ..

السلام عليكم ..

في البداية قرأت هنا عن عروض شركة رحلة الإيمان للعمره .. وفعلاً اتصلت بهم وحجزت في زمزم جراند من الثلاثاء إلى الخميس سويت ملكي بقيمة إجمالية (2200) ريال وكنت متخوف وبصراحه من إني أحول لشخص ما أعرفه فلوس السكن ..
ولما شفت الحساب باسم شركة حولت لهم ولما وصلت الاوتيل ماخذت إجراءات الدخول يمكن أقل من دقيقتين وكان موظفي استقبال الفندق بشوشين ورهيبين بصراحه .. بس اللي عرفته إن مافيه غرف تطل بشكل مباشر على الحرم .. مجرد إطلاله جانبيه صحيح تشوف الكعبه اذا حطيت راسك بشكل موازي على الشباك لكن ماهي مثل ماكنت متوقع لما يقول لك إطلاله على الكعبه ..
شكراً رحلة الإيمان على رقي تعاملكم وحسن اسلوبكم .. وأتمنى يكون لكم مكتب أو تعاون مع مكاتب سياحيه كبيره في الرياض (مثل الصرح ولا الطيار) لأننا بصراحه شعب خواف وزلابه وما نثق في اللي مانعرفه بسهوله ونبي كل شي يكون بفواتير ورقيه ومكاتب نعرفها ..
ملاحظه ودي توصل للمسئولين عن برج زمزم / التكاسي اللي أسفل البرج وضعها مزري من ناحية الأسعار وسألت سواق عن هالشيء قال إن الأمن حقين البرج (بعضهم مو كلهم) يرفضون يدخلوننا لمداخل الفنادق السفليه الا بفلوس .. وسألته كم قال أحياناً ياخذ (50) ريال عن الدخله الوحده .. فطبيعي مثلاً لما قلت له ودني العزيزيه الجنوبيه اللي هي مشوارها ماياخذ (10) ريال .. قال لي بوصلك ب (80) ..!! ..
بس الله يجزاه خير سكيورتي شافني أدور بينهم قال لي اطلع للنفق (يمكن مسافة 50 متر تحت الابراج) وخذ لك سياره بالسعر اللي تبي وادخل خذ العائله محد يقول لك شي ..
خاتمه : والله محد طلب مني أكتب شي .. لكني يوم جيت أحجز شفت الشباب كلهم يتكلمون عن رحلة الإيمان وهذا اللي خلاني أثق فيهم ..