نشر في الخبر

شقق او اجنحه فندقيه في الخبر

أمونه

23-08-2022 - 03:32 pm

السلام عليكم ورحمة الله
اذا سمحتوا ابغى شقق او اجنحه فندقيه نظيفه وجديده وتكون مو بعيده عن فندق الانتر
وهل أجنحة اعالي قريبه من الانتر ؟؟
لان سمعت الكثير يمدحونها
وممكن تفيدوني عن اماكن تستحق الزياره هناك ترى لي ززمان عن الشرقيه

التعليقات (9)

فاررسه

23-08-2022 - 06:34 pm

اهلا وسهلا حبيبتي امونه حياج الله
والله اختي بالنسبه لشقق جنب الانتر مره مره مافيه البندريه مافيها شقق مفروشه بس تقدرين تروحين الخبر الشماليه هي اقرب شي للبندريه وفيها شقق كثير والا تشوفين فندق شرفه الخليج وهذا تقرير عنه
https://artravelers.com/p/re/109164
وهذا روابط فيها اماكن تستحق الزياره بالشرقيه سواء الخبر والا الدمام
https://artravelers.com/p/re/271636

صاحب الكلمه

23-08-2022 - 07:35 pm

فاررسه
الأخت فاررسه .. ماشاء الله تبارك الله عليك .. اشك في أنك تسوقين وتفرفرين كثير بالخبر ههه
معلوماتك وافره وصحيحه ماشاء الله ..
الأخت أمونه .. كلام الأخت فاررسه صحيح فندق الأنتر يقع في حي البندريه بالخبر وجميع العمائر هناك للآيجار السنوي ولا توجد شقق أو أجنحه فندقيه .. وأقرب شي من البندريه منطقة الخبر الشمالية مقابل الواجهة البحريه .. وفيه شقق كثيره هناك وأن شاء الله تلقين مرادك ..
ونتمنى لكم طيب الإقامه ،،

فاررسه

23-08-2022 - 08:36 pm

صاحب الكلمه
ههه اكيد بعرف كل شارع وكل مكان بالشرقيه مو بس بالخبر لاني ولدت وعشت وتربيت فيها وامووت عليها واللي يعشق مكان لازم يعرف عنه كل شي

صاحب الكلمه

23-08-2022 - 09:37 pm

سبحان الله من ولد بهالمنطقة أو حتى عاش فيها مستحيل يقدر يتأقلم يعيش في غيرها .. وأنا نفسك كذلك مستحيل أقدر أغيب عنها فتره .. والله يعينا جميعاً ..
وبالنسبة للأخت أمونه أنا جبت لك رابط لبعض الشقق في الخبر وأتمنى أنها توفي بالغرض وأعذرينا على القصور
https://artravelers.com/p/re/208512

MARZOUQ

23-08-2022 - 10:38 pm

سبحان الله من ولد بهالمنطقة أو حتى عاش فيها مستحيل يقدر يتأقلم يعيش في غيرها .. وأنا نفسك كذلك مستحيل أقدر أغيب عنها فتره .. والله يعينا جميعاً ..
صادق اخوي انا صار لي ثلاث سنوات في الرياض بس ما قدرت اتاقلم من الرياض ودي ارجع اليوم قبل باكر
يعطيج العافيه مشرفتنا على مساعدتك لزوار البوابه مشاء الله عليج تعرفين الديره شبر شبر عيل لو انج تسوقين كان :3v7q4: يحطونج مشرفه على المنتدى بكبره

أمونه

23-08-2022 - 11:39 pm

شكرا لكم
بس ماقلتولي اعالي هل تعتبر بعيده عن الانتر
بالنسبه لمقولة
سبحان الله من ولد بهالمنطقة أو حتى عاش فيها مستحيل يقدر يتأقلم يعيش في غيرها
كل شخص ينولد في اي مكان مايقدر يعيش في غيره

فاررسه

24-08-2022 - 12:40 am

أمونه
العفو حبيبتي وبالنسبه لشقق اعالي اول مره اسمع فيهاا بس حتى لو كانت موجوده مو قريبه من فندق الانتر والفندق صاير بمنطقه كلها عماير تاجير سنويه بس

فاررسه

24-08-2022 - 01:41 am

صاحب الكلمه
يعطيج العافيه مشرفتنا على مساعدتك لزوار البوابه مشاء الله عليج تعرفين الديره شبر شبر عيل لو انج تسوقين كان :3v7q4: يحطونج مشرفه على المنتدى بكبره
الله يعافيك اخووي مرزوق ماقصرت
الله يعينك وان شاء الله ترجع الشرقيه بسرعه

قلم و فكر

24-08-2022 - 02:42 am

اعالي اذا كان المقصود الي على طريق حمود الي ينتهي بمستشفى سعد هو في العقربية و اقرب ماله مطعم مرحبا وهو يبعد عن البندرية خمس اشارات تقريباً .
بس ترى اعالي نزل مستواه شوي ولو جدد الاثاث لأصبح من خياراتي الاولى .....
دمتم سالمين

الخبر المسافرون العرب

شقق او اجنحه فندقيه في الخبر