الله يحييك في ديرتك بين اهلك واخوانك
اسعد الله اني موجود فيها هالحين عشان اقهويك لاوصلت بالسلامة
عموما اتقد انك بتجيها من الرياض
الطريق الاول يبدا عن طريق مكه اول ماتنزل من طلعة الزدية بيجيك مفرق ضرما ,, اطلع معه واقضب الخط لاتروح يمين ولا يسار لي تطب في شقراء ,, بيجيك مخرجها بعد مركز القراين اطلع يمين مع المخرج وراح تتوسط الديرة طبعا راح تمر بقرى ضرما ومرات والقراين
اما الطريق الثاني الي انا افضله هو طريق صلبوخ ,, بمعنى امسك طريق الدايري وخل جامعة الملك سعود على يمينك ورح سيده لايردك الا مخرج شقراء بعد حوالي 180 كلم طبعا راح تمر بقرى حريملاء ورغبة والقصب ثم يجيك المخرج ,, وانا افضل هذا الطريق لأنه سيدين كله تقريبا
توصل بالسلامة ان شاء الله ونورت الديرة

اتحيا ودوم يالحر بيض الله وجهك ماقصرت
بجي من الرياض
الطريق الاول بعد الزديه المسافه من مفرق ضرماء لشقراء كم ؟
والثاني اكيد تقصد الي يمر الدرعيه من المخرج بعد 180 ك لين شقراء كم ؟

يا هلا ومرحبا امسك طريق القصيم اول ما تطلع من الرياض ب40 كلم يجيك مخرج صلبوخ اطلع معه ولف يسار الين يجيك حرف تي ثم لف يمين وسلامتك ...... اول ما تجيك حريملا ثم رغبه ثم القصب ثم المدينه الهادئه شقراء

الاول بعد مفرق ضرما حوالي 160 او 150 كلم
والثاني اي نعم هو الي يمر مخرج الدرعية
والمسافه بعد المخرج حوالي 12 الى 15 كلم
حياك الله

ترى الطريق انتهو منه تقريبا يعني سيدين (كن مطمئنا)

الحر + honda
شو و و و كرن ماقصرتو كفيتو ووفيتو
بجي باقرب فرصه لي يوم
وتراي ماقلط إلا على حاشي عساه بس موب غالي مابي اكلف عليكم : )