السلام
أعرف شقه بغرفتين
صاله
3 حمامات
بموقع فوق الممتاز
يؤجرونها يومي ب 40
خليني أكلمهم بخصوص شهري كم يطلع
وأرد لكم خبر
شكرا لكم

مشكور اخوي عالتجاوب وبالنسبه للشقة ياريت فعلا يكون الإيجار الشهري يفرق عن اليومي ويكون مناسب لان بهالسعر بيطلع الايجار الشهري 1200 دينار وبصراحه جدا جدا عالي يعني العشر شهور بيكلف 12000 دينار بصراحه كثير عالي على شقة غرفتين .. انا توقعت كالعادة ممكن الاجار الشهري يكون بحدود 300 دينار اتوقع هذا المتوسط بس عموما ننتظر تفاعل اخوانا الكويتين وعسى خير ..

حياج الله ام شهاب
وين تبين اي منطقه .. ؟؟ وان شاء الله نسألج ونقولج ..
بس ليش ما اتجرين شقه غير مفروشه وانتي اتأثيثينها من سوق اليمعه ولا بنتا .. لان عماير الشقق المفروشه ما ادري مو مريحه ..
وانتي واختيارج واحنا حاضرين

مشكوريين عالتجاوب ولا زلت بانتظار اذا ممكن حد يكون جرب يستأجر لمدة سنة أو أقل شويه وينقلي تجربته أو أسماء وارقام شقق تتعامل بالاقامة الطويله نوعا ما ....
Q8ya حياج الله اختي بالنسبة للموضوع فهو بصراحة لزوجي بيحضر دورة بالكويت لمدة 10 شهور تقريبا واتوقع المنطقة ( الشويخ - المباركية ) انا ما ادري اذا هالمنطقتين يعني واحد بس كذا مكتوب بمقر الدورة ... اما بالنسبة لشقة غير مفروشة فلا لا المسألة بتصير وايد صعبه وما اتوقع بتكون مريحه ابدا خاصة اذا فرشناها من الأماكن اللي ذكرتيها للتأثيث .. واحنا محتاجين شي مريح ونظيف ومع خدمة بعد لان رجال بروحه والاقامة بتكون شوية طويله فلازم يكون مرتاح بالسكن وطبعا بين فترة وثانية بنزوره فاحنا بعد نبغى مكان لايق ومرتب ... وعاد السموحة منكم ولا زلت بانتظار الردود واكون شاكرة لكم .

السلام عليكم أختي الغالية با النسبة لوضعكم أفضل منطقة هي بنيد القار لأنها قريبة من الشويخ والمباركية ومنطقة نظيفة وكلها فنادق وشقق مفروشة حلوة ومرتبة وأسعارها معقولة وعلى حسب المدة اللي قلتيها ممكن من 300 دينار الى 550 دينار شهريا وشي طيب والله أعلم وحياكم الله با الكويت ودعواتكم .