سؤال مادري عنه بصراحه لكن نصيحه ... لا تأخذ T mobile هالشركه اخذت شريحه من عندهم بفيينا ويوم جيت اروح لالمانيا قالوا لي الفندق انها تشتغل هناك وفعلا اشتغلت يوم خلص الشحن جيت بشحن ياهو ياناس ابي اشحن لقيت محلات لهم نفس الشئ لكن قالوا شريحتك من النمسا مانقدر نشحنها لك ابدا غيرها قلت استخدم جوالي السعودي احسن لي

تبي نصيحتي الشريحة حلوة للاستقبال فقط اما الاتصال فتكلف
اذا بغيت تتصل على السعودية اتصل من محلات الكبائن ارخص بكثير

الأخوان نكبة زمانه ومصعب يعطيكم العافية على هالمعلومات المفيدة جدً

مصعب
أنا أؤيد كلام أخوي مصعب اشترى شريحة وخلها للأستقبال وارسال المسجات فقط ، واشترى من اي محل اتصالات او انترنت كافي بطاقة اتصال من هاتف ثابت ب 5 يورو أنا شريتها وكنت اكلم فيها لمدة أكثر من ساعة على السعودية .

الله يعطيكم العافية
و صراحة ماقصرتوا...
بس وش رايكم وش الشريحة اللي أشتريها

يعطيك العافية اخوي سلوم على المعلومات القيمة هذي

سلام,
بالنسبه عن السؤال والله ما ادري اذا فيه ولا لا....
اذا مافيه الله يعينك تاخذ شريحه لكل دوله اذا كنت مطول فيهم.
بس حبيت اقول معلومه: انه البطاقه اللي يتكلم عنها الأخ سلوم للثابت فيه زيها للجوال ( الموبايل). اذا كان جوالك من نفس الدوله . وتطلع عليك ارخص المكالمه.
لأنه اذا كلمت بشريحتم والله مره غالي: من المانيا للسعوديه ( الدقيقه 2 يورو)
اما اذا استخدمت البطاقه تطلع عليك ( 50 سنت يمكن)
6 يورو تكلم فيها حوالي ربع ساعه.
والبطاقات بعد تختلف اسعارها. فيه بطاقات غاليه. وفيه بطاقات مخصصه للدول العربيه اسمها تيلي ارابيا teleArabia
مع العلم ان المكالمه باستخدام البطاقه يكون سئ بعض المراتب. يعني الصوت يقطع وكذا.
انا اول ما استخدمتها كانت رهيبه . بس الحين والله كرهت استخدمها , ما اقدر اتكلم. صرت استخدمها اذا جيت با المح لأحد يكلمني. ههه
تشوز

اهلين بالطيبين
احب افيدكم عن استخدام الجوال بحكم وجود شركتين في السعوديه راح اتكلم
عن جوال الاتصالات السعودية بالنسبة للتسعيره في دولة سويسرا
لأني بزورها ان شاء الله في 9/9 سبتمبر راح تكون التسعيره كالتالي
شبكة ***صن رايس الدقيقة الصادرة داخليآ 2.39ريال
رسم المكالمة الى السعودية الدقيقه 7.62ريال
سعر الرساله 0.93هلله
شبكة ***سويسكم داخليآ 2.99ريال
الى السعودية 9.19 ريال
الرساله0.98هلله
شبكة ***اورانج داخليآ 1.85ريال
الى السعودية 10.03ريال
الرساله0.94
اما استقبال المكالمات فأذا استقبلت مكالمه من السعوديه راح تكون التسعيره
بالكامل عليك 2.90 ريال للدقيقه يضاف عليها 15%
ملاحظه/// بعض الشبكات تحسب عليك رسوم استقبال الرسائل حتى **رسائل موجود
وشكرآ