نشر في لندن

شريحة الجوال منوين اطلعها

برنسيسة قطر

12-04-2022 - 11:47 pm

السلام عليكم ورحمة الله ..
عندي استفسار عن شريحة الجوال انا سمعت ان شركة فودافون هي من افضل الشركات في لندن..
اللي حابة أعرفه وين ممكن الاقي محلهم المعتمد لاستخراج الشريحة وشو المطلوب مني وكم سعرها ..
ياريت تفيدوني ..
وجزاكم الله خير ..

التعليقات (9)

hamad2006

13-04-2022 - 02:42 am

شريحة في كل مكان من محطات والاسواق ومتوفر وبدون اي شي بس فلوس ((( مثل العصير))
وفيه كرت اسمه الفابلو هذا يتصل على الدوحة بارخص من الجوال
وسعر الكرت الفابلو بو خمسة باوند ينبع بثلاثة ونص باوند ((( 3 كروت 10 باندو )))
ويتخزن الرقم السري في الجوال
على طول على الرقم مالهم وتدخلين الرقم المطلوب الاتصال عليه والجوال يحسب مكالمة داخلية

برنسيسة قطر

13-04-2022 - 03:43 am

مشكور أخوي ..
وجزاك الله خير..

برنسيسة قطر

13-04-2022 - 04:44 am

بس ممكن اخوي توضح لي اكثر يعني احفظ الرقم في جوال القطري ..
واستخدمه ..
وبغيت اعرف شتقصد تقصد يحسب مكالمه داخلية ..

المسافر سعد

13-04-2022 - 05:45 am

hamad2006
:smile002:
نعم اختى ماقاله اخي hamad2006 صحيح وزيادة بالتوضيح
خذي الشريحة ويتفاوت سعرها حسب مكان بيعها من 3ونصف الى 10 جنيه
ثم قومي بتعبئتها ب: 5 او 10 او كما تحبين
وللمكالمات الدولية كما قال اخي
واستعملي جوالكي القطري واحتفظي بشريحتك القطرية لحين العودة
اخوكم : المسافر سعد

رائد التميمي

13-04-2022 - 06:46 am

مشكورين على التوضيح
ومشكورة اختي على الموضوع

برنسيسة قطر

13-04-2022 - 07:47 am

مشكور أخوي ..
ماقصرت كفيتوا و وفيتوا ..

hamad2006

13-04-2022 - 08:48 am

مشكور اخوي المسافر سعد
اختي هذي مثل الكيوكارت لي في الدوحة تستخدم حق الاتصال الدولي بس لي في لندن يستخدم في الجوال فيه رقم موجود على الكرت وبعدين تحطين الرقم السري مال الكرت ويتخزن في نفس الجوال
يعطيك تقريبيا 40 دقيقة اتصال حق الدوحة بو خمسة باوند وتتصل على طول

da422

13-04-2022 - 09:49 am

هلا والله..
يعني لما استخدم (الكرت الفابلو) ما يحتاج شريحة لندنية؟؟؟

برنسيسة قطر

13-04-2022 - 10:50 am

مشكور اخوي ..
سهلت علي ووايد ..

لندن المسافرون العرب

شريحة الجوال منوين اطلعها