monyat_1
اشكر لك طرحك للموضوع واعتقد إن إندونيسيا لا تملك الكثير من الشركات "كلها ثلاث شركات " والحقيقة وبما أني جربت الثلاث أعتقد جازماً بأن سمباتي هي الأفضل لعدة أسباب ذكرتها في السابق . . ولتعلم أني قد استفسرت كثيراً من أهل البلد عن الشركات فوجدت أوسعها انتشاراً وأكثرها استعمالاً في مناطق السنده هي سمباتي أم وسط جاة فهم يستخدمون بروكسل ويعود ذلك إلى قوة الإرسال في منطقة عن أخرى . .
والشمس لا تحجب بغربال فسمباتي شركة جديدة وممتازة جداً ومتفوقة على متهاري وبروكسل بمراحل .

1. بس ما يشتغل في جاوا بارات ما يشتغل الا منتاري وسمباتي

طبعاً ما عندي زيادة عن كلام الاخ عصويد هو جابها باختصار وانا بحاول افصل اكثر على قد ما اعرف
سمباتي ومنتاري وبروكسل واعتقد ام 3 واسماء اخرى
وايضاً تسمى بتيلكوم سال و ستيلندو وإكسل كوم وفية اعتقد شركات اخرى ايضاً بس ما جربتها
والاحسن عندي سمباتي لان بروكسل ما يشتغل الا في جاكرتا وما جاورها

بس ما يشتغل في جاوا بارات ما يشتغل الا منتاري وسمباتي

وميزة سمباتي يرسل رسائل دولية ب500 روبية حتى لو كان الرصيد ما فية الا1000 روبية، مثال اذا كنت في الجبل واتصلت على تلفون ثابت في الجبل تلقى سعر المكالمة اقل من انك تكلم احد في جاكرتا
اما منتاري ما يرسل الا ان كان فية فوق السبعين الف تقريباً(والاكيد فوق 200الف) بس ميزة الرساله الدولية ب350 الله يديم الرخص والمكالمات الداخلية فية رخيصة مقارنة بالسمباتي (ملاحظة) بعض المرات لو كان فية ثلاثين الف تقدر تكلم دولي يعني تصانيف ، والله شغلتهم توجع الراس
طبعاً الكلام اللي ذكر من واقع تجربة لاني شريت منتاري وسمباتي وقارنت بين الاثنين
وقد يكون كلامي فية بعض عدم الدقة .
اما تجربتي للاخ بروكسل فية لا تتجاوز الاشهر ومن اكثر من اربع سنوات يعني يمكن يكون تحسن الأن .
حبيت اني اشارك بالموضوع لان الموضوع دائم يطرح للنقاش.
مونييت ماشاء الله عليك عيني عليك باردة يأخي مدري من وين تجيب هالمواقع كل يوم متحفنا بموقع حلو

والله يأخوان من ناحية شركة سيمباتي... أرى انها دعائية وماخذه ضجة إعلامية أكثر من اللازم... صحيح انها تغطي أكثر مدن إندونيسيا تقريبا.. لكن عند مقارنتي لها لشركة بروكس إل... اقتنعت ان بروكس إل أفضل من سيمباتي لإنه سيمباتي أرسالها ضعيف في بعض الأماكن... والا شو رايكم ياماسات .... والا محد يوافقني

باقوس : حياك الله والله زمان ما سمعنا صوتك ولا شفنا مشاركاتك أعتقد إن كلامك في الصميم ومعلوماتك أكثر دقة ولا تنسى الموقف الي مشيته عليك
أول حبيب : وش قصدك ضعيف في بعض الأماكن ؟؟؟؟ وضح
الأماكن الي تقصد مو ضعيف فيها الإرسال إلا معدوم
أما بالنسبة لشركة بروكسل أعتقد إنها تغطي وبشكل كبير وسط جاوة وشرقها منطقة سوربايا وأسمران وباقندران وغيرها .
أما منطقة سكا بومي "وهي منطقة باقوس المفضلة "
فشركة سمباتي تغطيها بشكل أفضل وبعض المناطق ما فيها إرسال أصلاٍ للبروكسل . . كذلك هناك ميزة جديدة طرحتها شركة بروكسل وهي كروت تعبئة بقيمة 25 ألف فقط وهذا يحسب للشركة .
واعتقد وأنا غير متأكد أن قيمة الرسالة في بروكسل أقل من سمباتي وحده ب 500 والثانية ب 600 وأنا ماني متأكد .
أضيف من مميزات سمباتي إنها أرخص من بروكسل وبطاقات الشحن متوفرة في كل مكان وبدون فوائد ولو شحنت ب 150 تاخذها 140 بخلاف بروكسل والي تاخذ 10 ألف على كرت التعبئة يعني 100 ب 110 ألف ربية ، وغير متوفرة إلا في محلات الاتصالات .
خبر حلو للأخ باقوس : هناك طريق سريع ينشئ حالياً بين بلابوان وجاكرتا وهذا يختصر الكثير من الوقت ومن المسافة وهم شغالين فيه على قدم وساق يعني راح يخلص قريب .

سيمباتي...
الرسالة المحليه... 300 روبية
الرسالة الدولية... 500 روبية
هذا اللي اذكره لأنها اخر شي شريتها
مشرفنا saya بالنسبة للعشر آلاف ماهي مقدمه ولا مأخره .... دافع دافع والا لا
والله يبشرك بالخير عن طريق بلابوان راتو .... بس متى بيخلص .. يمدينا نروح عليه والا لأ
تحياتي ،،،

ماشاالله عليكم ياعمالقة أندونيسيا حتى الجوال عارفين مناغيزة00
بس تبون الصراحة أرى إن شركة سمباتي الأفضل لأني أستخدمتها ولقيت فيها اللي أبيه تغطي كامل أندونيسيا وتلاقيها شغاله في كل مكان وأبراجها فول وين مادحدرت خصوصاً في الأماكن اللي يصعب وصول الارسال لها;);)00 وسلامتكم

وأزيدك من الشعر بيت يا عاشق المندي أنا أكلم فيها من سنغفورة . أما البروكسل لازم تصير تحت البرج علشان تسمع واضح . . وتبي الصدق وبدون مبالغة كل شركاتهم دمار وخايسة .

اخوي عصويد انا منقطع لي فترة على بالي نسيت
اما بالنسبة للطريق السريع فوالله اني اسمع بة ايام سوهارتو امد الله في عمرة يا رجال قل بيوسعون (الشارع) معليش لأن كلمة طريق كثيرة شوي اقول خلهم يوسعون الشارع متر يارجال وزين بعد، تبي جلن تول كثيره مرة.
الشاهد / ان السمباتي فية بطاقة شحن ب50 الف
ونصيحة ابعدو عن المنتاري .
واخيراً قيل لولا اختلاف الاذواق لبارت السلع.

حبيب قلبي باقوس لالالالالالالالا
فيه طريق سريع وأنا واقف عليه وإذا رحت لجاكرتا مرة ثانية شف منطقة تمن ميني تلقاهم يشتغلون فيه وأنا شايفه وشايف جسور يعني مو أي شغل لا شغل يحبه قلبك . وتحياتي لك