- نجيب مؤشر الفاره على علامة التعجب اللي جمب كلمة الغاء مجاني
- راح يطلع لك المربع فيه كل التفاصيل
- شروط خاصة
- غير مسترد
السلام عليكم
اليوم اقدم لكم شرح الحجز من عمالقة الفنادق اجودا و بوكينج
اتمنى الموضوع ينال اعجابكم
الحجز من BOOKING
1
2
3
4
5
6
7
8
الصفحه هذي نفس اللي فوق .. لكن بشرح نقطة شروط الحجز
9
0
اتمنى يكون الشرح سهل
الان راح اتكلم عن اهم النقاط اللي لازم تتنبه لها في عملية الحجز من BOOKING
شروط الدفع
موقع بوكينق اغلب المرات يكون له عدة اسعار لنفس الغرفه
يعني مثلاً اخترت غرفه في فندق .. الغرفه هذي معطيك لها الموقع سعرين
السعر الاول 800 والثاني 950 .. كل سعر له شروط معينه لازم تنتبه لها
نشوف الصور ل3 شروط وقد تختلف من فندق لاخر
الغاء الحجز مجاني
نجيب مؤشر الفاره على علامة التعجب اللي جمب كلمة الغاء مجاني
راح يطلع لك المربع فيه كل التفاصيل
الغاء مجاني .. والمقصود بكلمة مجاني .. انك تقدر تلغي حجزك قبل وصولك للفندق بيوم او يومين او 3 او اكثر على حسب شروط الحجز وهي مثل مانشوف بالفندق اللي بالصوره انك تقدر تلغي الحجز قبل يوم واحد من الوصول ولا راح يكون عليك غرامه .. والسطر اللي بعده مكتوب انك ماراح تدفع عربون .. يعني الدفع بيكون كله بالفندق لما توصله .. بعض الفنادق تطلب دفع مسبق لليله الأولى وبعضها ياخذ 50 % من مبلغ الحجز كامل وهو غير مسترجع عشان كذا لازم ننتبه لكل الشروط نشوف الصوره
وبعض الفنادق تعطيك مهله تلغي حجزك قبل وصولك باسبوع .. مثلاً انت حاجز في تاريخ 27 جولاي ..
مسموح لك الى 20 جولاي تلغي الحجز بدون رسوم .. لكن لو الغيت الحجز بتاريخ 21 او بعده هنا راح ياخذون غرامه منك وهي تختلف على حسب شروط الفندق .. نشوف هالصورتين لفندقين مختلفين .. ونلاحظ اختلاف الشروط
اعتقد واضحه التعليمات في المربع الاصفر ولاز ننتبه لها زيين
السعر في الالغاء المجاني غالبا يكون اغلى شوي من الاسعار اللي عليها شروط خاصة او السعر الغير مسترد .. وراح اشرحها الان
شروط خاصة
شروط خاصة يعني عليها عرض لكن بشروط .. السعر هذا اقل من سعر الالغاء المجاني .. لكن مثل مانشوف بالصوره انه في حالة الغاء الحجز او عدم الحضور راح ياخذون سعر الليله الاولى والسطر الثاني مكتوب انه بيتم سحب مبلغ الليله الاولى اول ماتحجز
الغرفه من الموقع وهو غير قابل للاسترجاع
غير مسترد
غير مسترد يعني تدفع ويكون المبلغ غير مسترد حتى لو الغيت الحجز بعد ساعه لأن السعر هذا عليه عرض .. مثل مانشوف بالصوره مكتوب لو الغيت حجزك يسحبون المبلغ كامل حتى لو ماجيت والسطر اللي بعده مكتوب انك راح تدفع السعر كامل اول ماتحجز الغرفه من الموقع وهو غير قابل للاسترجاع
طبعاً الافضل بين الثلاثه هو النوع الاول ( الغاء مجاني) لانه يعطيك مرونه ولو غيرت رايك بالفندق او اجلت سفرتك او غيرت خططك تقدر تلغي بدون اي رسوم
صحيح ان السعر بيكون اغلى من طرق الحجز الاخرى .. لكن انت هنا تضمن انك ماراح تخسر لو الغيت حجزك ..
لكن لو فيه واحد متأكد 100% انه بيسافر اكيد الافضل له ياخذ السعر الغير مسترد ويوفر مبلغ زياده
الضرائب
الشغله الثالثه المهمه وهي الضريبه على سعر الغرفه
الضريبه تختلف من فنادق دوله الى اخرى والموقع مايضيف الضريبه على سعر الغرفه في بعض الدول
يعني انت لازم تحسبه وتزيده على سعر الغرفه لأنك راح تدفعه بالفندق
مثلا فنادق دبي عليها ضريبه 20 %
لنفرض ان سعر الفندق باليوم 500 ريال
مثلاً اذا كنت حاجز 5 ايام تكون تكلفة الغرفه لل 5 أيام 2500 ريال بدون الضرايب
حسبة الضرايب كالتالي : 2500 × 20 ÷ 100 = 500 ريال
يعني السعر كامل يكون 2500 + 500 = 3000 ريال
فنادق لندن يكون السعر كامل مع الضريبه
فنادق ماليزيا ضرايبها 16 %
لنفرض ان سعر الفندق باليوم 500 ريال
اذا كنت حاجز 5 ايام تكون تكلفة الغرفه لل 5 أيام 2500 ريال بدون الضرايب
حسبة الضرايب كالتالي : 2500 × 16 ÷ 100 = 400 ريال
يعني السعر كامل يكون 2500 + 400 = 2900 ريال
طيب كيف تعرف ان الفندق عليه ضريبه
شوف هالصوره لأحد فنادق دبي
نجيب مؤشر الفاره على علامة التعجب اللي جمب كلمة الغاء مجاني
راح يطلع لك المربع فيه كل التفاصيل
اللي محدد بالاحمر هذي الضرايب
ومثل ماهو واضح مجموع الضرايب 20 %
مكتوب 10 % رسوم خدمه وهو غير مشموله ,, يعني يقصد غير مشموله في سعر الغرفه
لكن في اغلب فنادق اوروبا دايم يكون السعر مضاف له الضرايب
الغاء حجز الفندق
الان نبي نفرض انك تبغى تعدل حجزك او تلغيه .. او بتطلب من الفندق شيء معين
او بتغير ايام حجزك .. كل هذا تقدر تسويه من الرابط اللي راح يرسله لك الموقع على ايميلك
وتقدر من خلال هالرابط انك تدخل على حجزك وتعدل فيه
نشوف مع بعض
الصوره الجايه من تجربة الغاء حجز مو مجاني .. يعني تلغي حجزك لكن برسوم
ومثل ماقلنا كل فندق وله شروطه .. بعضهم ياخذ اول ليله وبعضهم ياخذ اكثر
نشوف الصوره سوا
اخر نقطه ودي اتكلم عنها هي صور الفندق في موقع BOOKING او موقع الفندق نفسه
الصور اللي بالمواقع غير حقيقيه 100 % .. كلها معدله بالفوتوشوب ومخلينها خورافيه
الصور الحقيقيه تقدر تلقاها في موقع tripadvisor .. الناس اللي سكنوا الفندق يضعون صورهم في هالموقع
ماعليك الا تزور الموقع وتضع في خانة اسم الفندق بالانقلش مع المدينه اللي فيها االفندق .. والموقع راح يجيب لك الفندق.. بعدها ابحث عن كلمة photos بعدها اضغط All photos
راح يطلع لك كل الصور اللي صوروها الناس .. شوف هالصوره
انا بحثت عن فندق Hilton Dubai Jumeirah كمثال .. طلعت لي هالصفحه
طبعاً الموضوع ماهو دعايه للموقع لأنك يمكن تلقى سعر اقل في مواقع ثانيه .. الغرض من الموضوع هو مساعدة اي شخص يرغب بالحجز من هالموقع لأنه سهل وبنسبة 80 % اسعاره الاقل
في الأخير اعذروني على القصور في الموضوع وان شاء الله اكون وفقت لو بشيء بسيط بتسهيل الحجز
واي سؤال عن الموقع انا حاضر ..
الموقع الثاني الشهير ايضا
agoda.com
http://www.hotelspanorama.com
اتمنى الموضوع ينال اعجابكم منتظر الردود
