حياك الله اخوي .. انا دخلت ايطاليا العالم الماضي من سويسرا وذهبت لميلانو ولا فيه اي شيء .. مشكلة صغيرة واجهتني عدم توفر مواقف سيارات كافية بوسط البلد!! بس تبي بصراحة لن اكرر تجربتي للدخول لايطاليا! ..
ما تصدق اذا قلتلك اني يوم دخلت ميلانو حسيت كني بالقاهرة! :112: .. شوارع مهملة ونظافة متدنية وسواقة (ربعنا) .. يعني ايطاليا ماخذه اكبر سمعة اكبر من حجمها!
تحيتي ..

ما عندك مشكله بس احرس كل الحرس على التامين سواء للرخصه او المركبه

السلام عليكم ... ابدا مافيها مشكله .... انا وزوجي تونا رادين من ايطاليا واستاجرنا سياره من اليوروكار وطلعنا فيها من روما لبيزا وبعدها فينيسيا وبعدها قاردا و ميلانو واخيرا كومو سلمنا فيها السياره والطرق كانت كلها سريعه بس عاد عليها رسوم وانصحك لاتاخذ سياره بانزين حتى لو ماحصلت لان احنا صج توهقنا ماكان في سياره ديزل واخذنا بانزين ديلوكس بعد بس نهبتنا بالبانزين.... ونصيحه لا تنسى جهاز النافوجيشن واايد عجيب ويغنيك عن السؤال كل شويه .

تسلم اخوى على الردود

أنا الحين في إيطاليا ومأجر سياره من اليورب كار
وما في أي مشاكل
الشوارع بالمدن الكبيره ضيقه نوعا ما
والهاي وي ممتاز
وسياقتهم مثلنا .............. لا نظام ............ لا حدود سرعه ولا بطيخ

لسة راجعين منها من كم يوم واستاجرنا سيارة ورحنا فيها ميلانو وفينيسيا وفلورانس وجنيف وفرنسا يعني لفينا فيها اسبوعين كاملين اخر شئ سلمنها في مطار جنيف
ايطاليا مشكله شوارعها ضيقة ومانلقى مواقف الا بطلعة الروح والسواقة ياسلام لانظام وتقطيع اشارات ودخول غلط يعني تجربة وعدت خ
واللي استفدنا منه كثير النافيجيتور فادنا في كل المدن الاوربيه

آنا كنت في ميلانو قبل أسبوعين وأجرت سيارة وأتفق مع الاخوة ان القيادة في ايطاليا مثل اللي عندنا والأمور سهالات بس فيه ثلاث شغلات مهمه جدا وراح ارتبها حسب الأولوية من وجهت نظري:
1-التأمين الشامل (Top Insurance) ضروري جدا جدا في ايطاليا
2-النفيغيشن سيستم
3-الوقود ديزل
وفيه خيار رابع لكنه ليس مهم جدا وهو تكون السيارة (أوتوماتيك) عشان تريح راسك من التبديل عند كل اشارة وانت في وسط البلد

عفوا أخواني الأعزاء حاب أعرف كم سعر لتر الديزل في ايطاليا

كنا نعبي دايم تقريبا 70 يورو