هلا والله اخوي ...
حبيبي نصيحتي لك اخذ لك فندق السفير انا عاجبني زرته وهادي وو ممتاز ..
شفته لك تكلفة الافامة فيه ل5 ليالي 775 دولار شامل الضريبة ...
وهذا الموقع بتاريخ اللي انت طلبته
Booking.com: Safir Heliopolitan Hotel, Beirut, Lebanon - 24 Guest reviews. Book your hotel now!
ومن هالموقع تقدر تختار الفنادق بالمزانية اللي انت حاطها ..
وتقريبا المصروف اليومي انت تحدده احتمال احتمال اذا بدون تسوق بس اكل وتمشي اماكن وزيارات يكون مصروفك اليومي بحدود 200 دولار او 300 دولار مايزيد
انا اعطيك الاماكن وانت نسقها مع التاكسي او السائق اللي بتاخذه
اول شي الزيارات واللي تكون من الصبح الى العصر
1زيارة منطقة فاريا والاستمتاع بالثلج والتزلج .. 2- زيارة الشوف ويتضمن " مغارة كفر حيم ، دير القمر ، قلعة موسى ، بيت الدين "
3- زيارة متحف المشاهير + مغارة جعيتا ..4- مقام السيدة حريصا ويكون الصعود له بالتلفريك 5- زيارة منطقة صيدا وفيها القلاع الاُثرية التاريخة
وبعدها كل زيارة يكون الغدا بأحد المطاعم منها ( منويلا بجونيه عجيب على البحر والاكل روعه ، مطعم منير برمانه ، قصر فخر الدين برمانه ، البلد بالسولدير ، عبدالوهاب الاشرفية ، مطعم الحان " بحري بطريق صيدا مره وانت راجع من صيدا ")
ولاخلصت مر احد المجمعات القعده حلوه فيها من المغرب لي الليل وادخل لك السينما و تسوق فيها " وهي ستي مول ، ال abc الاشرفية
الليل مالك غنا عن قهاوي السولدير وعندك روتانا كافيه ، والبتي كافيه " لكن بتلقى فيه زحمه من الحين اقولك هو الوحيد )
وموفق خير
وموفق خير

انا انصح اذا يروح السفير ياخذ الرقم من موقعهم ويكامهم انا متاكد راح يلاقي ارخص انا راسلتهم وتكلفتهم كا التالي

• Deluxe Single room ( City View ): $132.00 net per night
• Grand Deluxe Single room (Partial Sea View) : $149.00 net per night
• Superior Single room (Highest floors) : $165.00 net per night

والاسعار شامله الفطور والضرائب.

مشكور اخوي زين على تجاوبك معي وباخذ بنصيحتك بعين الاعتبار
وبالنسبه للفندق حلو بس انا ودي بسعر اقل
وياريت تساعدني في هذه
وحسب كلام الشباب هنا مادري اشوفهم يمدحون فنادق بجونيه يقولون ارخص بس مادري مستواها كويس او لا
انا يهمني بالفندق يكون نظيف ومستواه معقول
انا اهتمامي بالفندق مو ذاك الزود لاني بالسفر اطلع من الصباح وارجع وقت النوم بس يعني اهم شي يكون نظيف ومايكون رخيص مره او غالي مره يعني بالمعقول
فئة 3 الى 4 نجوم
وبالنسبه للجدول سويت له برنت وباخذه معي حلو

اخوي زين وشرايك بالفنادق هذه
napoli, بيروت
le marly, بيروت
royal garden, بيروت
grand versailles, بيروت
beverly residence, بيروت
mayflower, بيروت

اذا تبغي فندق رخيص وحلو عليك ب colony hotel في جونية مو اكثر من 50$ في اليلة

o2pac2000
مشكور اخوي على
اذا عندك رقمهم تساعدني كثير
ولو اني افضل السكن بالحمرا افضل

اخوي هارفي
مشكور ياغالي
اذا تقدر تعطيني رقمهم اكون لك شاكر

هياف الخيّال
هلا اخوي ماعرفهم للأسف انا اللي شفتهم " الهوليدي ان ديون ، الشيراتون ، الموفمنبك ، لرويال ، لفاندوم ، بلام بيج ، كراون بلاز ، السفير "

انا انصح اولا بريفيو موقع ممتاز مقابل الروشة ومجمعات المطاعم وعلي البحر تطلع من الفندق وتمشى وثانيا سفير