أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم بس انا سمعت انه برشلونه خطره جدا لدرجة انه ثلاث شباب انطكو واسرقوهم:120: فشرياكم انا بروح لحالي :1279: فياليت احد يفيدني بها الموضوع ويقولنه عن الأماكن الخطره وأوقاتها
اخي الكريم انا الان في برشلونة لاكثر من 25 يوم والوضع طيب ولله الحمد... والاسبان كل واحد لحاله وانت خلك بحالك ولكن لاتطلع باليل خل الطلعة بالنهار البلد على العموم كئيبة بالليل...هذي وجهة نظري..واتمنى لك التوفيق.
تحياتي
السلام عليكم :
يالغالي انا توني راجع من اسبانيا رحت ماربيا وملقا ورندة " مدن ساحل الشمس Costa Del Soal"
وغرناطة واشبيلية ومدريدوسانسباستيان وبرشلونه.
من ناحية السرقة " سرقة الجوازات او الفلوس " برشلونة في المركز الأول من هذه الناحية وباحترافية فذة
الحمد لله ربك ستر والا كانت راح تنسرق جوازاتنا انا و زوجتي،في عز النهار..!!
ولكن اخي خذ حذرك لاتسمع لأحد هناك وتصدقه .
انا شفت واحد في القندق سرقوه ....جاي من برا محطم (اجنبي )وضايق صدره ...
ويوم كنت في مطعم هارد روك ..طلعت وحده وهي تصرخ ومو مصدقه ....(اوه ماي قود)سرقوها في المطعم ...
لاحظت ان السرقه هناك منتشره ...بعكس ماربيا ...
لكن احنا ماحصلنا لنا شي ...
عموما الحرص مطلوب ...
المره الاولى في ماربيا انسرقت محفظتي لاني كنت لابس شورت سباحة والمحفظة كانت باينة وسهل انها تنسحب فصار الي صار وانسرقت ولين الحين اذكر شكل الرجل لانه صدمني مرتي وبعدين تم يتاسف واجا يحط رجله يعمل انه بيطيحني والحمد لله اناه ما قدر يستخدم الفيزا كارد و قطعتها وكان في المحفظه مبلغ ان شاء الله نار في بطنه.... والمرة الثانية في برشلونة من كم يوم:112::5: اول ما وصلنا طلعنا انا و واحد من الشباب حابين نستكشف المكان ما وعينا الا واحد واقف اونة مظيع في مكان ما فيه زحمة ويبا يعرف وين الشارع الفلاني ومرة وحدة اجو ثلاثة اونهم من الشرطة(مباحث) يقولون انه هذا يبيع مخدرات وطلبو الهوية ونحن على نياتنا عطيناهم وتمو يفتشونا و سألوا عن الفيزا وجلسو اونهم يشيكون على البطاقة ويتصلون ما ادري في مين وكل شوي واح يسالك سؤال ويحاول انه يلهيك والثاني ينصحك انك ما تكلم اي حد في الشارع و يقول احفظ اغراضك عدل لانه في حرامية كثير و موزعين مخدرات ونصايح على شان تصدقهم وكل شوي واحد ياخذ البطاقة و يرجعها لين ما رحنا وهم ينصحونا ورحنا عنهم وانقول الحمد لله انها عدت على خير وجلست افكر على طول في الموضوع وشيكت على المحفظة و انصدم انا الفيزا مش موجودة فاتصلت البنك على طول و قطعتها والحمد لله انهم ما قدروا يستخدمونها لاني يوم سألوني عن الرقم عطيتهم رقم غلط و ما يقدرون يستخدمونها في المشتريات لانه في برشلونة يطلبون الهوية ويتاكدون من الاسم انة مطابق للاسم في الفيزا... الجماعة لين الحين يحاولون يستخدمون البطاقة لان البنك كل يوم يتصلون فيني ويقولون انه في حد يحاول يستخدم البطاقة ويحاول يسحب 200 و 500 300 لين الحين بس البطاقة خلاص ما منها فايدة....هذه تجربتي في معشوقتي اسبانيا فتحملو على عماركم..........
