اخوي..
في محلات غاليه وفي رخيصه..
في: أولادنا+المخازن(روعه ملابس اشكال والوان تجنن)
وفي غيره بس هذا عندي احسن شي .. وأسعاره مناسبه

أخوي حدد طلب ملابس رجالية أوولادية للأطفال وهل تقصد بالثوب الدشداشة أو سائر الملابس مثل القمصان والجينز وما إلا ذالك لكي نستطيع مساعدتك وخذها مني الكويت أرخص من البحرين انا أكثر من عشرين مرة زاير البحرين وأستطيع ان أحكم لك الكويت ارخص .

اخوي انا ابي ثياب ودشاديش و غتر وجينزات ولادي ورجالي وكل شي
انا جاي الكويت للثياب
وماشفت ولا شي منهه للحين
والحين خامس يوم انا في الكويت ومصدوم

بالنسبة للدشاديش أسأل عن البلوكات للاقمشة هو سوق كبير لاقمشة الدشاديش وكذلك الأقمشة النسائية بالعاصمة بالقرب من سوق المباركية أسأل عنه والكل بيدليك أسعار على كيف كيفك الرخيص والمتوسط والغالي
بالنسبة للجينزات والتيشيرتات والأحذية عندك مجمع العدساني بمنطقة حولي وعندك المخازن الكبرى بالعاصة بالقرب من المثنى اسعار جيدة وبضاعة طيبة كما يوجد بكل مول ومجمع تجاري بالكويت محلات للجينزات والأحذية وغيرها مثل المارينا مول وسوق شرق والفنار والمهلب - حولي والكوت - الفحيحيل
وبالنسبة للغتر عندك سوق المباركية والمحلات اللي حواليه بالعاصمة إسأل أي شخص وسيدلك كل الأنواع والاسعار موجودة طب وتخير وأي مساعدة إحنا حاضرين

الملابس الشعبية تلاقيها في سوق المباركية وبالتحديد شارع الغربلي
اما الملابس الأخرى ستجدها في سوق عقارات الكويت ((المسمى سوق المخازن)) خلف البلدية

مجمع جليب الشيوخ رخيص ومناسب جدا

اخوي ما انصحك بمنطقة جليب الشيوخ( مشاكل وازعاج) نصيحة عندك المباركية كل ما تبيه موجود فيها

ام وهابي
ههه
حلوه ام وهابي
يعني لاس فيقس

بروحه الولد مصدوم مالقى ملابس بتودونه جليب الشيوخ شنو ناوين عليه
انا بنت الديره مادلها :s
وان شالله الشباب وفو وكفوو
روح سوق المحاميد ارخص شي