1. ودخلو للتلفريك الي شالنا يمكن اكثر من 40 نفر وكان في شويه تدافع

السلام عليكم
مباشر من شقق اكسيلور جنيفا
خل اقولكم مأساتي بدايه المأساه اني انا مسوي فيها المعلمه توحه ومخططه للسفره وقايله لزوجي انا المخ وانت العضلات >>>يعني البنك المركزي
وقائده للرحله وعامله برنامج مايخرش الميه
البرنامج من بدايته خار وخالص والمسأله زيطه
و زوجي يتسم ولسان حاله يقول اذا رأيت نيوب الليث بارزة فلا تضنن ان الليث يبتسم
اول يوم تمام وصنا الفندق الي هو شقق اكسيلورر والي انا الحين اكتب لكم منها الفندق هو احلى ما في الموضوع مثل ما وصفه اخونا بو عزيز راقي وراهي وكل سكانه خليجين
ريحنا وبعدها رحنا ايفيان وتمشينا على البحيره وكولو تمام
قال زوجي ها بكره وين بتودينا يا قائده الرحله قلت بكره منطقه عجيبه وركزو على هالكلمه
اسمها شاموني قال شنو فيها قلت وشنو مو فيها كل شي يقولون العرب المسافرون تهخبل
رحنا والطريق اخذ كثر من ساعه المهم وصلنا ولقينا طوابير على التذاكر وكان حر قلنا ميخالف لاجل الورد ينسقي ما ادري شنو
اخذنا التذاكر قالو دخولكم بعد ساعه و 45 دقيقه قلنا ومالو نبي نشوف المون بلا
انتضرنا بالشمس لان المقاه مليانه جا دورنا صفينا تقول غنم من كثر الطليان الي ما عندهم ريحه الذرابه والرقي

ودخلو للتلفريك الي شالنا يمكن اكثر من 40 نفر وكان في شويه تدافع

صبرنا ورحنا وبعدها بمرحله رحنا للثلج انا توقعته مثل قمه كابرون ولقيته العكس بس نشوف الثلج عن بعد
وبنه وبينه اسور تمنعنا من الوصول المهم تعب واحد من عيالي وبدا يرجع توجهنا للنزول ولا يقولون لا مافي نزول يا حلوين الا بعد 2 ساعتين ونص والولد المريض قالو خلاص ينزل بس المريض والباقي ينتظرون ها اشلون وبعد اقناع قالو ينزل هو وامه طيب والباقي يجلسون الا وقتهم طيب شيسون بهالمكان التعبان والله قعدنا بالمقهى داخل زحمه وقرف ليما وصل دورنا على الساعه 6 مساء ونفس الزحمه بالتلفريك ما وصلنا الا على الساعه سبع وربع
اليوم الثاني قلت اليوم غير طبيعه وبراد نبي نروح منطقه تهبل ركزو على كلمه تهبل
قال وشي قلت قشتاد وحطينها بالنفيقيشن ومشينا ومشينا ومشينا ليما طلعت روحنا وصعدنا جل والله طو ل الطريق اقرا قرآن وخايفه الطريق وعروبعد اكثر من ساعتين وصلنا ولقينها قريه عاده وفيها تلفريك للثلج طبعا كرهت الثلج من عقب شاموني وكل فريزرات العالم ونزلنا
قا زوجي بكره اخر طلعه لك وراح يصير انقلاب ابيض وياخذ الاماره مني يرضيكم ؟؟؟
عطوني اماكن حلوه تونس العيال فيها زحليقيات العاب اي شي يونس
عيالي تعبو من الطرق