الاماراتيه ممتازه و السنغافوريه ممتازه .. شوف اسعارهم واللي تناسبك اكثر واحجز عليها ..بخصوص سير الخطوط السنغافوريه
دبي - سنغافوره ترانزيت - سيدني او ملبورن او برزبن
الامارات لو رايح لسيدني بتوقف ترانزيت في بانكوك لو راجع من سيدني بتوقف في بانكوك
لو رايح لملبورن او برزبن راح توقف في سنغافوره ..
بالتوفيق

© LadyBird
شكراا جزيلا lady bird علي النصح الطيب
انا كده فهمت انه الخطين يجب ترانزيت من دبي اذا راح اطلع من مصر؟؟؟؟وبعدين ممكن اختار مباشر لسيدني مثلا ام لا؟؟؟؟
وياريت اعرف اد ايه تكون مدة الترانزيت في دبي ومن ثم سنغافورة؟؟؟
وشكرا جزيلا لتعبكم

محمد حربي
الامارات لازم ترانزيت في دبي سواء من مصر ولا الكويت ولا السعوديه .. ومافي رحله مباشره لها من اي دوله غير دبي ..
وبخصوص الوجهه لو كانت سيدني (القاهره - دبي - بانكوك - سيدني) - لو كانت ملبورن ( القاهره - دبي - سنغافوره - ملبورن او برزبن) وترانزيت للاماراتيه في 3 ساعات وفي اكثر .. تقدر تشيك على موقعهم
والخطوط السنغافوريه .. بعد نفس الامارات لها ترانزيت في دبي

• والترانزيت تقريبا ساعه

© ladybird
عفوا اخوي
يوجد رحلات مباشرة بدون توقف من دبي لكل من سيدني و ملبورن وبيرث
ويوجد بعضها توقف في كولالامبور "ما تغير الطائرة"
الرحلات على الاماراتية كثيرة ومتعددة ويتم تغييرها حسب الموسم
يجب عليك اخي السائل الدخول لموقع الاماراتية والبحث حسب التاريخ المناسب لك
ولا تستعجل الخيارات كثيرة ويومية وبعضها رحلتين في اليوم

المتقد
هلا اخوي
هو كان يسأل اذا في رحله مباشره من مصر .. طبعا مافي السنغافوريه و الامارات لازم ترانزيت في دبي
واكيد في رحله مباشره وفيه رحله يكون فيها ترانزيت واحد وبعض رحلات الاماراتيه يكون فيه محطتين للتوقف ..

طيران الامارات لازم ترانزيت في دبي وتختلف مده الترانزيت على حسب الرحله وعلى حسب حجزك بالنت لانك انت اللي تختار وتحدد على حسب المتاح واللي يناسبك
وكذلك طيران الامارات فيه رحلات تطلع من دبي دايركت لبرسبن من غير توقف نهائي وفي رحلات تتوقف في دول شرق اسيا وتختلف يستحن انك تدخل موقع طيران الامارات وتاخذ فكره عنهم وممكن ايضا في حجزك للرحله اللي تناسبك انك تشوف نوع الطياره اذا ايرباص او جامبو وتقرر
الطيران السنغافوري للامانه ماجربته بس الكل يمدحه وارخص من طيران الامارات لكن مده الترانزيت في سنغافوره مو اقل من 5 ساعات
يعني لك القرار اما رحله على طيران الامارات تكون محطه واحده نرانزيت وهي دبي وبعدها دايركت للوجهه
او على الطيران السنغافوري لكن في هالحاله يفضل تتوقف في سنغافوره للاقامه ليلتين للراحه ولك حريه الاختيار
ملاحظه اجميع شركات الطيران او اغلبها اذا كانت مده الترانزيت اكثر من 8 ساعات فالشركه مجبره على توفير اقامه او مكان للراحه لحين موعد الرحله القادمه

هلا باختي فرحة عمر
للمعلومية توي جاية من استراليا على الخطوط السنغافورية وكانت ترانزيت في سنغافورة 9ساعات وماوفرولنا مكان اقامة ولاشي اخذنا على حسابنا في الفندق اللي بالمطار وطقيناها نومة لين قربت الرحلة
وعموما بالنسبة للطيران السنغافوري ممتاز في الخدمة ودقيق جدا في المواعيد لكن هناك ملاحظتين عليه
1- العفش اللي معاك والشنط في الذهاب لديك 30كيلو فقط اما عند العودة فلك 20كيلو فقط يعني قرار زي الزفت وتوهقنا فيه بصراحة واخذوا منا فلوس على كيلوات زايدة كان عندنا زيادة 11كيلو وبالنهاية تغاضوا عن 6كيلو ودفعنا حق 5كيلو فقط كل كيلو ب25دولار طبعا هذا في مطار سدني اما في مطار سنغافورة صادفنا وحدة حبوبة وتغاضت عن الزيادة ومشتنا (اشوا خلت ختامها مسك )عن سنغافورة ولاكان شنيت حملة عليهم .
2- الملاحظة الثانية حرصهم الزايد عن حده في الحضور مبكرا للمطاروطبعا هذي قراراتهم فحنا متعودين الحضور قبل بساعتين فقط لكن الطيران السنغافوري يجب الحضور قبل ب3ساعات وعلى كذا لو جيت وباقي ساعة كاملة على الاقلاع ممنوع تدخل خلاص يكونون مقفلين الكونترات ومافيه دخول للشنط ولابوردنج ولاغيره والموقف هذا حصل لنا لاكن الحمدلله وصلنا على آخر لحظة .
لذلك اللي بيروح على السنغافورية ينتبه لقراراتها جيدا .لايتوهق