حمد لله على سلامتك و سلامة عائلتك الكريمة و في انتظار تقريرك عن الوردة

حمد لله على السلامة ... هلا ... يا هلا

الف الحمد لله على السلامة
منتظرين التقرير بالتفصيل الممل

1. شكرا اخواني لتشجيعكم الرائع,,,ونبدأ بالجزء الأول.....


2. التنفيذ: كان بعمل حجوزات مبدئية على الخطوط الاماراتية بسعر 3100


3. وحجز على الخطوط السعودية بسعر 2900


4. جهة السير: جدة – ابوظبي – مانيلا


5. عدد الاشخاص: بالغين وطفل(4 سنوات)


6. التفاصيل:

شكرا اخواني لتشجيعكم الرائع,,,ونبدأ بالجزء الأول.....

الفكرة: كان السبب لأختيارنا الفلبين هو العشق لشرق اسيا عموما...وصورة سابقه تكونت بأذهاننا بعد لقاءنا بسائح جنوب افريقي بتايلاند ويعمل طيار بخطوط الكاثي باسيفيك وكان يوضح لنا مدى صدمته بشواطئ بوكيت مقارنه بشواطئ الفلبين الرائعة..على حد قوله
التخطيط: كالعادة بحكم انشغال زوجي (صاحب الاشتراك بالمنتدى)كان علي مهمة البحث والتحري وجمع المعلومات ووضع قائمة مبدئية وهذي للأمانة تعبتني كثير ببوابة الفلبين لأنه المعلومات جدا ضئيلة خصوصا عن الفنادق بالشواطئ ,ولأن الأغلبيه ترفض حتى مجرد التفكير بسفر العائلة للفلبين (؟؟؟؟؟؟؟)

التنفيذ: كان بعمل حجوزات مبدئية على الخطوط الاماراتية بسعر 3100

وحجز على الخطوط السعودية بسعر 2900

وكان همنا الترفية يكون حلو لأنه الرحلة طويلة..ودورنا حجز على خطوط الأتحاد وكان الوضع فل,حتى وفقنا بأحد الأيام على حجزمؤكد على الفئه ماقبل الأرخص وحجز انتظارعلى الفئة الأرخص والحمد لله تأكد الحجز الثاني وكان السعر 2640 ريال..وكنسلنا الحجوزات السابقة

جهة السير: جدة – ابوظبي – مانيلا

عدد الاشخاص: بالغين وطفل(4 سنوات)

الفنادق: حاولنا نحجز على الفنادق من السعودية اقلها الاربع ايام الاولى ودرنا عالمكاتب اللي كان كل الفنادق عندهم فل...وبالوقت الحرج صباح اليوم اللي فيه الرحلة حجزنا عن طريق موقع اسيا ترفل ولأول مرة لمدة ليلتين بفندق مانيلا اوتيل وليلتين بفندق ماندرين ..

التفاصيل:

بحول الله كان السفر يوم الأحد الساعه4 العصر من مطار الملك عبدالعزيز الرائع؟؟؟
وقصينا البوردنج من قبل الموظف على مقعدين جنب بعض والثالث لحاله:111:...يابن الحلال كيف ؟؟حاول بالله؟ومافيه تجاوب اعتذر الموظف بكل جلافة عن عدم توفر المقاعد وبعدها توجة زوجي للسوبر فايزر اعطاه البوردنج وحكاله المطلوب الرجال سأل بأستغراب من اللي عطاك البوردنج وخلال ثواني وبدون طلبات عطانا البوردنج الجديد ثلاث مقاعد جنب بعض:icon_chee...معناها خوينا السابق شاري دماغه...
قبل صعود الطائرة كان معنا عربة الاطفال حبينا نعطيهم العربة باساس ترجع لنا بأبوظبي لأنه راح نحتاج لها.. الأنتظار لمدة 5 ساعات لابد من عربة واخذنا من الموظف سابق ذكرة (شاري دماغة)ورقة الشحن باساس انها من جدة ابو ظبي طلع معطينا من جدة مانيلا ,كلمنا الموظف اللي عند بوابة الطائرة وهو بدورة كلم موظف الاتحاد اللي قاله انه راح نلاقي عربات بمطار ابو ظبي(وطبعا حن ماصدقناه قلنا هذا واحد ثاني شاري دماغة)مساكين متعودين على مطاراتنا بالسعودية ..واصرينا تكون معنا العربة ,كتب لنا ورقة شحن يدوي وصعدنا الطائرة..
تم الاقلاع بعد تأخير تقريبا نصف ساعة الى ساعة الاربع...وكان طيران الاتحاد للأمانه راقي و تعامل ممتاز اكل حلو وترفية ولا اروع لكل العائلة..
الوصول لابوظبي حول الساعة 8 واول ماوصلنا سألنا عن العربة خذنا الموظف وعطانا عربة من عندهم (طلع صادق خوينا الثاني)وكانت عربات لماركات حلوة مثل شيكو ومذر كير ,وراح زوجي يسأل عن عربتنا لقاها انشحنت مع اغراض مانيلا..وكان موظفين المطار رائعين في تعاملهم..والمطار كان صغير بس حلو ...وجلسنا بكوستا كوفي مع اخذ لفه عالمطار ,,ومن حماسنا للرحلة مر الوقت سريع
وكان الاقلاع حوالي الساعة2 فجرا وكانوا يدخلون اللي معهم اطفال للطائرة قبل الكل (اللي ريحنا من سرى ماله حد)
الغريب بعد الاقلاع طلبنا بطانيات واعتذرت المظيفة انها بتعطينا بس بطانية وحدة للطفل لأنه عندهم عجز بالبطانيات..وبعدها اعلنوا هذا الكلام وانه بيعدلون التكييف عشان مافيه بطانيات ...وفعلا كانت الرحلة دافية وزيادة عن اللزوم بالنسبة لي لأني من محبي البرد(على عكس زوجي اعجبه الجو) :112:
ومادري ليه هذا العجز هل هم تفاجأوا بالرحلة...؟؟؟؟؟
كانت الرحلة ممتعة مع الأفلام الحلوة والتعامل اللي احلا...والوصول مانيلا كان الساعة 3 عصرا تقريبا..
وهذي هي المقدمة التفصيلية والباقي بنقسمة على حسب المناطق(مانيلا – بوهول – سيبو – بوراكاي )
كل منطقة بتقرير..وشكرا للجميع واعذرونا على الأطالة ..هذي اول مرة نكتب فيها تقرير واذا ربي سهل الجزء الثاني بيكون مدعم بالصور..

الحمد الله على السلامة
ونحن في انتظار التقرير عن الوردة وعن شواطئها والتي أتمنى أن تكون مدعومة بالصور

ألف حمدلله على السلامة ....
بإنتظار التقرير ...

الحمد لله على السلامه
وخطوط الاتحاد رائعه جدا
وبانتظار باقي التفاصيل

الحمدلله على سلامتك اختي
واعتقد ان هذا التقرير ينفي ما يردده البعض عن الأختطافات والقتل والسرق ويثبت ان هنالك مبالغه كبيره اظهرها البعض لأسباب لا تخفى على الكثيرين
بالتوفيق اختي في كتابة التقرير ومتابعين معك
تحياتي

الشكر لكم اخواني ,والشواطئ لها نصيب من التقرير ومدعومه بالصور ان شاء الله ,بس يبيلي اظبط التنزيل حق الصور,وبالنسبة لطيران الاتحاد فهو رائع وزيادة على كذا كان ارخص طيران!!!!!
ولي عودة ان شاء الله