السلام عليكم ورحمة الله وبركاته
ان شاء الله ناوية اسافر مع اسرتي ( انا وزوجي و3 اطفال اعمارهم 12 - 9 - 6 ) في شهر يونيو (6) لاوروبا لمدة 16 يوم تقريبا ، والسفرة بالاساس للاطفال فقررنا نروح 3 أيام ( ليلتين ) ليوروبا بارك بألمانيا ، لهالسبب احنا مضطرين نختار المناطق الثانية تكون قريبة منها لانه تنقلنا بكون بالسيارة
الاستفسارات :
- نحجز على اي مطار ( الذهاب والعودة من نفس المطار ) ؟
- شنو الاماكن السياحية في سويسرا الي تصلح للاطفال وبأي منطقة ؟
- شنو الدولة الثالثة الي ممكن نقعد فيها غير سويسرا ؟
- ابي الاماكن السياحية بأي منطقة تقترحونها ( ثلوج / حدايق حيوان / مدن العاب / تأجير قواري وسياكل وقوارب ............. الخ )
لاحظوا انه معانا اطفال والتنقل بكون بالسيارة فيفضل ماتكون المناطق بعيده وايد عن بعض
ومشكورين يا اعضاء المنتدى لا خلا ولا عدم
وصولكم جنيف
يومين
والسكن في ضواحيها
ديفون وتواريه
5انترلاكن
اكتشاف انترلاكن والسنتر
والذهاب للزحليقه والشلالات وبلاوسي
وزيارة لوزان والقمم الثلجيه
2 يومين رست لزيارة يورب بارك
5 ميونخ
زيارة معرض بي ام دبليو
والالومبياد وفي البحيرة القريبه من مدخل البرج بلوره بلاستيك يدخل فيها الشخص والتدحرج فيها
والحديقه الانجليزيه
ساحات كارلزبلاتز ، ومارين بلاتز
ومدينة الليقو جميله للاطفال
م باقي يومين !!
1//حابه ترجعون لجنيف ؟
للعلم انها تبعد 6 ساعات ونص تقريبا
أو
2/ تنزلون للوقانو علشان فوكس تاون وتزورون كومو الايطاليه
و ميني ايطالي ؟!
وترجعون من ميونخ !!
لكم حرية الاختيار