Maleka
22-06-2022 - 12:13 pm
مرحبا
حبيت آخذ رايكم تنصحوني بالسفر لسويسرا بداية شهر 7 مدة 10 آيام طبعا قبل رمضان؟
شلون راح يكون الجو ؟
وجم ميزانيه احتاج ؟
شنو افضل فندق موقعه استراتيجي وقريب ع اغلب الاماكن ؟
وين مناطق حلوه اروح لها وشنو اشهر المراكز التجاريه اللي لازم امرها ؟
تكفيها 10 ايام او وايد عليها ؟
اكوا بلد قريب عليها ينفع نروح له بالقطار من سويسرا ؟؟؟
كم ساعه من قطر لسويسرا ؟
ياليت تفيدوني لاني محتاره لسفرة الصيف بين سويسرا وفيينا والمانيا واسبانيا وتركيا شالافضل من بينهم للسياحه والتسوق والاستجمام ومن ناحية الجو والميزانيه!!!!!
مرحبا
مراحب
حبيت آخذ رايكم تنصحوني بالسفر لسويسرا بداية شهر 7 مدة 10 آيام طبعا قبل رمضان؟
شلون راح يكون الجو ؟
الجو بيكون روعة ،، شهر يوليو
وجم ميزانيه احتاج ؟
تعتمد على مدة الاقامة وعدد المسافرين
شنو افضل فندق موقعه استراتيجي وقريب ع اغلب الاماكن ؟
وين راح تسكنين لاجل نقول الفنادق
اذا في سويسرا عندك منطقة ديفون هادئة وجميلة
اسعار السكن فيها رخيص
اما السكن بجنيف مكلف جداَ
وين مناطق حلوه اروح لها وشنو اشهر المراكز التجاريه اللي لازم امرها ؟
سويسرا للاستجمام والاستراحة والاستمتاع بالطبيعة
تكفيها 10 ايام او وايد عليها ؟
عشرة ايام تكفيها ان شاء الله
اكوا بلد قريب عليها ينفع نروح له بالقطار من سويسرا ؟؟؟
موقع سويسرا استراتيجي صح
شمال المانيا
شرق النمسا
جنوب ايطاليا
غرب فرنسا
كم ساعه من قطر لسويسرا ؟
طيران احتمال خمسة ساعات او ست بالكثير
والمعلومة المؤكدة تكون من موقع الخطوط القطرية لكن جاوبتك كتوقع سريع
ياليت تفيدوني لاني محتاره لسفرة الصيف بين سويسرا وفيينا والمانيا واسبانيا وتركيا شالافضل من بينهم للسياحه والتسوق والاستجمام ومن ناحية الجو والميزانيه!!!!!
للسياحة والاستجمام سويسرا
التسوق والسياحة اسبانيا مع سويسرا
راح يعجبك التسوق فيها وعلى مسئوليتي
روعة مدريد