1- ىسويسرا + النمسا = تكرار لنوعية الانشطة لمن يبحث عن الطبيعة والسياحة خارج المدن
2- بما ان العدد 10 اشخاص ماشاء الله السكن راح يكون غالي في سويسرا. وقد تجد شيء مناسب في المناطق الفرنسية قرب جنيف
3- اذا كانت الميزانية وفق حد معين اتوقع ان النمسا خيار افضل لكم .
اما الميزانية اعذرني عن التوقع او اعطائك رقم فأنا لم اكن يوما مسؤولا عن ميزانية عائلة في السفر لاني إما اكون جزء منها او مسافر مع مجموعة اصحاب.

اذا كانت المدة 10ايام ماتكفيك انك تجمع بين دولتين عشان كذا انصحك بسويسرا وماراح تندم

10 ايام اعتقد كافيه لزيارة دوله واحده فقط ...وسويسرا والنمسا عندهم نفس الطبيعه..لكن النمسا ارخص شوي...
هذا برنامج لمدة 10 ايام في النمسا
2فيينا
4زيلامسي
2سالزبورغ
2ميونخ
او 10 ايام في سويسرا
2جنيف
4انترلاكن
4مونترو ..والعوده تكون منها لانها قريبه من جنيف ..ومنها ممكن تزور انسي الفرنسيه وشامونيه الفرنسيه وكذلك يمكن زيارة لوزان السويسريه

شكرا على الردود للجميع ..
أبي أعرف رأيكم بخط السير كالآتي:
الوصول فيينا(يومين)>>>زيلامسي(3 أيام)>>>زيورخ(3 أيام)>>>جنيف(يومين) وأرجع لدولتي بعدها
بس بصراحة ودي أزور أنترلاكن بس ما أدري شلون!!!!
وبالنسبة لتأجير السيارة هل يعطوني دليل للمناطق وللطرق لأني أول مرة أسافر لأوروبا ولا أعرف شي وأخاف أتورط بالتأجير؟؟
وآسف على الأطالة عليكم جزاكم الله خير بس حبيت لو تعطوني سعر تقريبي للشقق بكل منطقة أزورها.

اخوي كيف استخرجت الفيزآ؟ وكم تستغرق؟ حنا ماشاءالله بارك الله نفس العدد وعلمني ايش يصير معكم

نصيحتي لك دام ماعندك الا 10 ايام وانتوا عددكم 10 اشخاص اولا السياره لازم تاخذون باص بسواق مايعطونك لهالعدد سياره انت تسوقها لانه اكبر شي السياره حقت 9 اشخاص هذا اولا
ثانيا احنا عائله 9 اشخاص تبغى نصيحتي خلي الوصول والعوده ميونخ واختار رحله الوصول الى ميونخ الصبح او الظهر ومباشره اول ماتوصل الى زيلامسي واجس فيها 7 ايام وبعدها روح الى الريف الالماني قريبه جدا حدود 200 كلم عن زيلامسي تسكن هناك مثلا في قارمش 3ايام ومنها تروح يوم كامل او يومين الى ميونخ تتسوقون وترجعون لان بوقتكم بميونخ فيه مهرجان للبيره والاسعار للسكن طايره وما انصح تسكنون الثلاثه ايام في ميونخ بس لوبغيت ممكن اشوف لك اسعار الشقق هناك ولازم تاخذون شقتين لان كل شقه لاربعه الى خمسه اشخاص واذا ناسبكم السعر تروحون ميونخ واذا ماناسبكم تسكنون في قارمش وماجاورها ومنها الى ميونخ للتسوق تبعد 90 كلم فقط عن ميونخ