أمونه
السلام عليكم
انا حبيت اعدل الاسم فقط وهو ان المكان المقصود هو مجمع ( جمعة سنتر ) امام فندق ميرديان الخبر على الكورنيش
وهو يحتوي على عدة محلات للماركات
اما بخصوص الشنط فليس عندي اي فكرة عنها للاسف
وتقبلوا تحياتي

امونه
الجمعه سنتر
هادي - مريح
واشوف ان تخصصه فساتين!
وبشكل عام ماشوف فيه شي من الزود
لكن
زوريه
انا احب محل الشرابات فيه -الدور الارضي
ووجوه و محمود سعيد
بالمره
ترا مافيه مطاعم كما المتوقع!
لكن فيه محل يبيع معجنات من الفرن قدامك وشغله حلو
بالتوفيق

هلا اختي فعلا الجمعه سنتر فيه محلين للماركات الاصليه .... عندك جوتشي في داخل المجمع وبلغاري خارج المجمع .... والاسعار طبعا معروفه ...
وفيه داخل المجمع يمكن محلين اوثلاثه للشنط التقليد لكن انا اشوف انها سيئه جدا .... واسعارها ماقدر احكم عليها بالضبط لكن اشوفها جيده..

مرحبا ..
الجمعة سنتر متخصص أكثر شي لفساتين السهرة والأكسسوارات والجلابيات
أمَّا المحل اللي تسألين عنه مافيه شي زود أبدًا ، بالعكس ..
تبين شنط تقليد -نخب أوَّل- تلقينها في محل موجود بالخبر مول وفينيسيا مول
مكانه بالخبر مول -> الدور الأرضي اول ماتدخلين تلفين يسار من عند المغربي وتمشين بعدها سيدا
محل مميز وواجتة كله شنط ..
اما في فينيسيا بالدور الثاني مدري وين بالضبط لكن اظن من جهة اليشمك للجلابيات

والله انكم صادقين مافي ذاك الزود رحت له
ميزته هادي بس
واللي يبي فساتين سهره ممكن يروح له لأن كما هو ظاهر امامي ان اغلب المحلات هناك فساتين سهره
فيه محل شنط بس ماحصلت شي يسوى عنده
فيه بوتيك لقوتشي - وبولغري