1. استكمالاً لرحلة الأردن ..


2. قلنا للسائق نبغي غيرها ..


3. قال 200 دولار !! 200 دولار لأجل ليله وحده !؟


4. عطيناه الفلوس وطلعنا ..

استكمالاً لرحلة الأردن ..

وبعد وصولنا إلى الحدود السورية .. كانت الزحمة مش ولا بد .. وماكان مني إلا أني اطلع 5 دولارات واحطها في الجواز .. لكن صديقي أول مرة يزور سوريا يوم شافني احط ال 5 دولارات في الجواز زعق علي .. قالي يالحبيب شفيك .. بيلبسونك قضيه رشوه قلت له تعال وراي وشوف .. يوم وصلت لكونتر تسليم الجوازات شلت ال 5 دولارات من الجواز وحطيتها في مخباي ( متعمد ) .. وإلا أشوف الشرطي يغمز لي بعينه .. وانا بالعاني ابغيه يغمز علشان رفيجي يشوف .. وبالفعل عطيته ال 5 دولارات وخلصت جوازاتنا بسرعة البرق ، وانتهينا وطلعنا من الجوازات للجمارك .. نزلوا العفش كله .. والضابط الي هناك قام يفتش في الاغراض .. ويفتحها .. وكنا شاريين كريمات من البحر الميت وطين وقام يسأل هذا حق ايش ؟ وانتو ليش جايبين هذه الكمية لسوريا ؟؟ ومن هاذي السوالف .. الصراحة لوع جبدنا .. وهو متعمد يلوع جبدنا علشان نعطية بخشيش .. لكن معصي .. وقام يتمعن في الكريمات على أمل انه بنقوله خذ لك وحده لكن بعد معصي وبعد فترة مشانا وتوجهنا إلى الشام ..
وصلنا إلى الشام وكان المطلوب أو الاتفاق هو الاستراحة في سوريا يوم واحد واليوم الثاني الذهاب إلى لبنان .. والاستراحة كان مخطط لها في بلودان او الزبداني .
وعند ذهابنا إلى السائق الخاص بنا .. قال لنا ان بلودان والزبادني في هذه الفترة خاليه جداً وممله ولا يوجد بها احد .. ومن الأفضل لكم السكن في الشام وأخذ شقة سياحية .. قلنا له توكل على الله شوف لنا شقة بس لمدة يوم واحد .. قال اقل مدة في عقد الشقة السياحية 3 أيام .. !! قلنا له يوم واحد بس قال خلنا نشوف وبنشوف صاحب الشقة ايش يقول ..
رحنا اول شقة كان مستواها متدني وكان سعرها 100 دولار !! افا شقة مكركبه وسعرها 100 دولار !!

قلنا للسائق نبغي غيرها ..

شاف لنا شقة ثانية وثالثة ورابعه وكلهم دون المستوى !! والي لفت انتباهي ان اصحاب الشقق يتباهون بجمال الخادمات الموجودات في الشقه وصغر عمرهم !! لكن بالفعل نحن لانهتم لشكل الخادمة او غيرها .. لان مدة مكوثنا في دمشق يوم واحد بس !! لكن نبحث عن نظافة المكان فقط ..
تذكرت ان لاحد اقربائي شقة في سوريا في منطقة التل .. ولكن السائق قال لنا ان منطقة التل منطقة غير آمنه ويكثر بها الدسكوات والبارات وبعيده عن الشام !! فأتصلت في قريبي فكان هاتفه مغلق !!
بحثنا حتى مللنا .. وقال لنا السمسار ان هناك شقة ملكية !! بس غالية
قلنا نشوفها وان شاء الله تراعينا بالسعر ..
وبالفعل رحنا للشقة وشفناها ..
كانت عادية لكن فرشها نظيف ومرتبه ..
جلسنا مع السمسار .. بعد ان تعبنا من البحث عن شقة .. وقلنا له كم سعرها ؟؟

قال 200 دولار !! 200 دولار لأجل ليله وحده !؟

قال لنا انتوا وين بتروحون في يوم واحد !؟ وليش زايرينا يوم واحد بس ؟! قلناله لان احنا في طريقنا إلى لبنان .. وقلنا نخلي سوريا نقطة استراحه لنا .. فقالي تحمل .. أنت ماتشوف الاخبار !! هناك 70 قتيل في لبنان امس ومنهم 8 سعوديين !!!
عسى ماشر !! امس شايف الاخبار مافي شئ !!
الشباب الي معاي صادهم رووع .. وتروعوا .. قالولي مانبي لبنان بنقعد في سوريا خلاص .!
قلت للسمسار شوف حبيبي .. احنا رايحين ومتوكلين على الله .. وانفجار انفجار .. كلنا لها .. محد يموت في غير يومه !!
قالي السائق اسمع نصيحة اخوك .. لاتروحون لبنان اجلسو في سوريا افضل لكم .. والله لبنان مش أمان .. !!
قسماً بالله رسم لنا صورة سيئة عن لبنان ..
والشباب قامو علي ..
الاول يقولي .. خلاص نكنسل حجزنا من لبنان ونرجع من دمشق .. والثاني يقولي نخليها آخر يوم لبنان بس .. علشان المطار !!
قلت للسمسار .. أسمع .. علشان الشباب بنخليها يومين بس .. اليوم وبكرة والي بعده احنا ماشيين .. تبغي زين ماتبغي كيفك ..
بس لازم تراعينا بالسعر ..
قال .. علشانك انا باخلي سعر الشقة 180 ..
ويمين يسار يمين يسار توصلت معاه اتفاق ان نعطيه 170 دولار !!
قالي توكل على الله .. ووقعنا العقد ..
عطيته 400 دولار ..
بحركة بسيطة مارجع لي شئ !!
شلون
قالي شوف
0دولار فيها 5000 ليرة !! حلو
قلت له حلو
قالي انا لي من 5000 .. 2000 ليرة صح
قلت له صح
قالي بقت 3000
قلت له حلو
قالي الخدامه في اليومية تاخذ 1000 ليره !!
يومين 2000 ليره !!
بقت 1000 ليره .. عموله المكتب
مع السلامة
انزين تعال .. مانبي خدامة !! قال لازم .. العقد السياحي معاه خدامه !!
اوكي .. أمرنا لله ..
طلبنا عشى .. وتعشينا ونمنا .. واليوم الثاني بدت جولتنا ..
الساعة 10 صباحاً .. اتجهنا إلى سوق الحميدية .. سوق الغثى والملاغه وعوار الراس !!
ومن ثم دخلنا إلى المسجد الاموي
داخل المسجد
هذا قبر نبي من الأنباء مادري من صراحة .. نسيت
وهذا مقام رأس الحسين ! وتكثر فيه الطائفة الشيعية !!
هذه عربة المنجنيق
وكانت تجرها 60 خيلاً !! حسب ماسمعت !!
رسم جميل على احد جدران المسجد الأموي
ولاننسى قبل الخروج من سوق الحميدية زيارة معلم من معالمها الرائعه .. (( بوضة بكداش ))
سوق الصالحية .. وهذا النصب التذكاري لحافظ الأسد
وفي سوق الصالحية .. كان هناك موقف ضريف .. حيث اننا يوم ذهبنا إلى احد محلات بيع الجلابيات النسائية .. كنا نسأل عن السعر .. وما كان من البائع إلا يقول .. أنت اختار الي يعجبك ولا يهمك السعر ..
خذنا الجلابيات المطلوبة .. وبعد نص ساعة تقريباً من الاختيار .. كان السؤال عن السعر !
انا نصيبي من السعر 8400 ليره !!
صديقي الأول 12000 ليره !!
صديقي الثاني 9200 ليره !!
انا كنت جالس اتكلم بالتلفون إلا البائع يقول حق صديقي ..
حسابك 9200 ليره !!
قاله .. ياخي احسبها لنا 9000 ليش ال 200 ليره
خلصت مكالمتي بسرعة ورحت للبائع
قلت له شوف .. اسعارك غالية ومبالغ فيها جداً جداً ..
0ليره راح تصير 4500 ليره
0ليره راح تصير 7500 ليره
0ليره راح تصير 5000 ليره
عجبك كان بها ماعجبك باطلع
قالي مايصير ومادري ايش .. وبعد عوار راس وحنه ورنه .. قالي اوكي توكل على الله وانا بعتك علشان انت اول واحد تشتري مني هذا الصباح !!!

عطيناه الفلوس وطلعنا ..

وانا متأكد 10000000% أنه بعد باعنا البضائعه وهو ناصب علينا بمبلغ محترم بس الله المستعان .. والشباب الي عندي مستانسين ومنبسطين اني سويت لهم خصم وعرفت اتعامل معاهم .. مع العلم اني ما اعرف اتعامل معاهم لان السوريين للاسف يبيلهم صدر وسيع وقوة تحمل !!
بعدها ذهبنا مباشرة إلى منطقة الجولان ..
وكان السائق يشير إلى صاحبي .. ويقول لي إذا راح يقفونا راح يقفونا بسببه !! لانه ملتحي وملتزم !! قلت له روح الله لايعوق بشر .. توكل على الله وعلى مسؤوليتي ..
وفي الطريق قابلنا موكب منظم ورائع
كما تلاحظون جبال الجولان وعلى قممها ثلوج
قررنا نذهب إلى منطقة عين جن .. وهي قريبه من الحدود الإسرائلية
في طريقنا إلى عين جن
كما تلاحظون وجود الأسلاك الشائكة
والعجيب في هذا النبع انه ينبع من وسط الجبل والماء بارد جداً جداً ..
وبعد ذلك رجعنا إلى مطعم وجبات سريعه تقدم البروستد والمشويات !!
وقدم لنا المقبلات الرائعه .. حمص ومتبل ولا احلى .. وبروستد مقلي بزيت مخزن من 10 سنوات كما اعتقد !!
وبعد الغداء الذي كان الساعة 5 والنصف مساءً أكملنا مسيرنا إلى الجولان المحتل
أثناء طريقنا للجولان أو كما تسمى القنيطرة
مارأيكم في هذا المنظر الرائع !!
نقاط التفتيش الدولية UN
ورجعنا بعد ذلك إلى الشقة وأتفقنا مع سائق لكي يوصلنا إلى لبنان وكان الاتفاق هو 100 دولار ، ونمنا من الساعة العاشرة ليلاً حتى 8 صباحاً موعد مغادرتنا سوريا ..