حياك الله اختي ام كيان الحقيقة زين ما خترتو من الفنادق في لوقانو سكنت فيه العام الماضي وكان رائع جدا بس اهم شي اكدو عليهم بان تكون الغرفة مطلة تماما علي البحيرة والشي الثاني الله يعينكم على الصرف لانه يقع في نفس شارع الماركات العالمية الي تدوخ وتخليك تصرف بدون ما تفكر ....
Hotel International au Lac
Via Nassa 68 - Piazza Luini, 6901 Lugano
احداثياته هي
N46 0.018
E8 56.954
وهذا موضوع كامل عن الفندق من موضوع مشرفتنا الغالية
https://artravelers.com/p/re/321026
وكذلك هذا موضوع مفصل عن طريقة استخدام القارمن من موضوع اخوي الرئع جدا
https://artravelers.com/p/re/297618
دعواتك وبالتوفيق يارب
تحياتي

الاخوان ماقصروا
اضيف شغلة صغيرة وبخصوص فندق جنيف
الفندق من الداخل ممتاز ورائع جدا
لكنه من الخارج المنطقة اللي فيه جدا سيئة خاصة في المساء عبارة عن مركز تجمع للافارقة وبنات الليل
طبعا كلا في حاله لكن لابد ومن الامانة ان ننوه عن هذي النقطة لكم حتى لا تتفاجأون بالمناظر الغريبة
وعلشان تنتبهين تسكرين عيون زوجك وتتأكدين ان باب غرفتكم بالليل مغلقة والمفاتيح عندك
الله يوفقكم ويسهل دربكم
والمخطط العام للرحلة ممتاز واختياركم لخط السير اكثر من رائع والفنادق الثانية جدا ممتاز خاصة اطلاتهم رائعة
باقي تشتغلين على موضوع البرنامج اليومي وتضبطينه وتعرضينه على الشباب لاعطاء الرأي فيه

يعطيك العافيه والله يوفقك cadillaca من جد شرح وافي للقارمن ....
ويسلمو على الملاحضه بالفندق طمنتي ربي يعافيك...
وهل الشرح علي القارمن 700 ينطبق علي قارمن 1410
وينطبق علي جهاز الايفون لاني ركبت خريطه الايقو والتوم توم فيها لاوروبا
وهل الايفون يشتغل عن طريق الاقمار الصناعيه .. والا لا زم شريحه عشان النت >>تكفون خبروني
ويعطيك العافيه والله يوفقك aboaziz على التنبيه جدا رائع>>>زين انك علمتني عشان ماتفاجا >> وانتبه ..
ويسلمو على الاشاده بالمخطط اسعدتني ..والبرنامج قريب ان شاء الله
بس اخلص من موضوع القارمن ((اشتريه والا))والايفون ((يشتغل على الاقمار الصناعيه والا))وخرايطهم الجيده وكيف استخدمه ...

يالربع ياغالين خلوا عنكم القارمن عليكم بجهاز tomtm جهاز سهل ومتوفر بجميع سيارات الايجار باليوم سعره
من 5 يورو الى 7 يورو تقدر تدخل اسم الفندق والشارع وهو عيه الباقي وتقدر تكتب اسم المدينه وتختار وين تبي وهو
عليه الباقي

يسلمو جريحك والله يوفقك ... فكرت بالعرض اللي كتبته وحسبتها .. لو نستاجر .. بتجي التكلفه نفسها او اقل بربع تقريبا .. فقلت افضل شي نشتري اذا بستاجر..
.. سوالي هنا وش تنصوحنا فيه وماهو الافضل بالنسبه للخرايط ((برنامج (الايقو والتوم توم)على الايفون )) والا(( نشتري قارمن 1410))..ونريح من الموضوع
>>>>وعندي سوال ثاني >>>لما نستاجر سياره من لوقانو .. وين نستاجر منه وهل تنفع ((بطاقه التسوق مسبقه الدفع من الراجحي)) لانو يجي منها نوعين (محفور) و(عايدي )...
او نطلع ((فيزا الراجحي الفضيه... اللي يعطونك ثمانين بالميه من الراتب)) عشان ماننحرج هناك..واللي سبق وجرب شي يخبرني ..

اسمعي وانا اخوك
كل واحد له رايه الخاص وحسب تجربته,
بالنسبة لي مافيه شي يعادل القارمن , انا جربت هناك قارمن 1390 شريته من دار موجه بسعر 850 من على الدائري الشرقي مخرج 10 (يشمل خرائط اوربا الحديثة , وخرائط الشرق الأوسط), والحمد لله ماواجهت مشاكل معه , وميزته انه يعمل على الاقمار الصناعيه ويفكك من النت ومشاكله وحساباته , وكان معي الأيفون استفدت منه في ترتيب الرحلة وتنظيم الأماكن والتاكد من الأحداثيات
وكان يعمل على النت _هناك اشتراك مع ال-stc-للنت لمدة اسبوعين ب350 ريال على نفس الرقم ,_ يعني مايحتاج تغير الشريحه_ البرنامج اسمه wisepilot وهناك نقطة مهمة خاصة بالنسبة لاحداثيا الفنادق والاماكن المهمة بالنسبة لكم
عليكم التأكد من صحة الأحداثيات بادخالها في قوقل ماب أو الآيفون أو كليهما معا ثم التأكد من صحة الأحداثية
فقد وجدت ان بعض الاحداثيات لاتوصل للمكان المقصود ,
وتروحون وترجعون بالسلامة

ماقصروا الرجال قبلي
لايقارن الايفون بالقارمن
ومع ذلك كنت محمل توم توم بالايفون
رغم ان معي القارمن
مخليه احتياط واحتجته وانا كنت امشي
القارمن ففيه مواقع كثيره تشرحه
وهذا اخونا رائع جداً شارحه
https://artravelers.com/p/re/297618
ونصيحتي خذ كل الاثنين القارمن وتوم توم
لاني قد جربت الايفون لوحدة صار يسحب البطاريه وكثير يفصل مع الاقمار الصناعيه
بالتوفيق

يعطيكم العافيه
طيب موضوع الفيزا محد افادني فية

بالنسبه للفيزا يجب الارقام تكون بارزه (محفوره)
وبالنسبه للطمطم ميزته بدون احداثيات فقط يكتفى باسم الشارع ورقم المبنى ويوصلك للفندق
وايضا ميزته حتى الرادار ينبهك عليه وايضا جميع التكاسي سيارات الايجار الان يوجد بها طمطم