غريب الحب
الطلبات
1-دفتر العائلة الاصلي حقك اللي اضفت فيه زوجتك وصوره منه
2-بطاقة الهوية الوطنية وصوره منها
3-سدد 200ريال رسم الجوازفي بنك الرياض او الراجحي
4-صورتين شخصية للزوجة
5-رح للجوازات وعبي النموذج وخذرقم وامسك سرا وثاني يوم تستلمه وبس

أولاً ..
ادخل موقع الجوازات و قم بتعبئة النموذج و طباعته ..
ثانياً ..
سدّد عبر بنك الرياض أو الراجحي رسوم تجديد الجواز و اعتقد أنها 150 ريال بعد التخفيض الأخير ..
ثالثاً ..
أحضر صور شمسية معالم الوجه تكون فيها واضحة أربعة في ستة خلفية بيضاء ..
رابعاً ..
أحضر دفتر العائلة و صورة منه ..
خامساً ..
لا يردّك الا باب الجوازات ..
بالتوفيق ,,

مثل ماقال الاعضاء الكرام
والافضل تروح هالايام حتى لا تقع في الزحام بعد انتهاء الدراسة .

الله يوفقكم بس بالنسبه لصورة حجاب ولا كيف ..؟
معليش... بالنسبه لنموذج ايش هوه في نموذجين نموذج استخراج جواز ونموج اضافه .. ياليت تفيدوني

بالنسبه للصوره أكيد تكون محجبه وتقدر تصور عند أحد المشاغل النسائيه
والله يسهل أموركم

بردقان
ياخوي ياليت ترد علي اليوم او اي احد يعرف .. البطاقة الي عندي بطاقة الاحوال القديمة ينفع ولا لازم اغيرها ولا ش السوات ..
وبالنسبه لنموذج الي اعبيه نموذج استخراج جواز جديد صج علي ولا انا غلطان لاني اشوف عدة نماذج فمادري اي واحد فيهم .. ياخواني بكره رايح تفكون جاوبوني..
ياجماعة الخير الي مطلع زواج سفر لزوجة يشرح لي النموذج .. يعني الحقول الي موجوده لازم اعبيها كولها وش دراني بميلاد امها وابوها .. .. يعني تفكون اشرحو لي الحقول احسها حوسه وخايف الخبط فيها ...

غريب الحب
اخوي لازم البطاقة الوطنية الجديدة ... ماتأخذ وقت يوم بالكثير
عب لاستمارة بالجوازات بعشرة ورتاح
صورة الزوجة محجبة وخلفية بيضاء (########### )
مع بطاقة العائلة وطبعاٌ البطاقة الوطنية الجديدة
ايه نسيت وهذا مهم سدد الرسوم ببطاقة الصراف او الانترنت على كل جواز 150 ريال .
وسلامتك ...

مشتاق سفر
ياجماعة الخير المشكله البطاقة الوطنيه يقولون تاخذ اسبوعين
يعني ضروري منها ..
تعددت الاجوبة ناس تقول عاتي بالبطاقة القديمة وناس تقول الجديدة ...

الله يصلحكم ياخوان الي قالو بطاقة وطنيه ممشورتوني اليوم على غير سنع
رحت الاحوال قالو لي جب خطاب من الجوازات انك بتطلع جواز الشغلة تصريف طلعت للكتبه الي برة يبون فلوس قالو خذ صلح اوراقك ورح ادخلك ماعليك منه وفعلا سويت الي قالي وسويت اوراقي ودخلت وعطاني رقم بدوني مايسئلني جبت اورقه ولا لا يعني نفس الموظف الي قالي رح جب ورقة من الجوازات ..اخذت رقم وهنا المشكله قدامي 400 رجل وفوق كذا الدور مايمشي الا بالقطاره واناظر الا والتسليم بعد 14 يوم بيني وبينكم قلت عمري ماسافرت ..
وانا راجع قلت ليش مامر الجوازات اشوف ممكن تمشي معايه وفعلا رحت الجوازات وعبي من هنا وسدد من هنا ولقيت واخذت رقم حصلت قدامي 200 رجل قلت يالله مش مشكله لو ماخلص الا بعد الظهر اهم شي اخلص لاني كنت خايف يقولون لازم بطاقة وطنيه رحت سئلت الموظف قالي عبى النموذج فقط ... قلت مش مشكله المهم شوي الا والدور ماشي مليون مادريت الا ودوري وصل اغلبهم مشو واعطيه اوراقي على طول ختم قال بكره تعال استلمه