ابشر
كنت مع احد اصحابي(معرفة اتريوم) وخلنا نسميه( خالد)
كنا نروح ونجي يمنه ويسره
وفي مره من المراري كنت احدثه عن صديق لنا في الجبل وخلنا نسميه (بدر)
وفجاه جاني تليفون من (بدر)انه في جاكرتا راجع من الجبل وبيرجع السعوديه
من المرجله والاخوه اني اسلم عليه ونسهر ولو ليله مع بعض
تواعدنا في سارينا في المكدونالد
طبعا اعرف بدر من اصله وفصله اما خالد معرفه جديد
قلت ل خالد لي صديق جاي من البنشاك وش رايك نروح نسلم عليه ومنها نطلع اي كوفي نسولف ونعزمه ونودعه
وافق خالد على المشوار وكانت الساعه10 مساء
رحنا سارينا وقربنا من المكدونالد ومن برا اشرت له على بدر اوه شفه هناك
فجاه طاح(تطايح) خالد وقال االكاحل يعوره ويبي تكسي الحين الى فندقه
قلت طيب خلي نسلم على بدر اولا
قال لا بسرعه تكسي وابي مويه حاره وثلج لكي يعالج (كاحله المصاب)
اوكيه قمت اعضد له(اوه ياثقله) لين المواقف واصر على اللي برا قرب موقف الباصات وليست اللي بالداخل .............اخذت تكسي ووديته الفندق ودقيت على بدر ان الوعد في الكوفي شوب وليس سارينا يعتي 12 ليلا
قام خالد يعالج نفسه بمويه حاره بالملح وبثلج وخرابيط ما فهمتها (علاج عجز)
رحت ل بدر وفي الساعه 2 دقيت على خالد وقلت انا بمرك انا وبدر نتطمن عليك
رفض وقال انا خارج الفندق ورحت الى ربع لي(اي له)في الالسون
قلت ماشي
سافر بدر بكره
صرت اقابل خالد وهو متحسن ولكن يشتكي شوي من مفصل رجله
مرت الايام وطبعا علاقتي ب خالد معرفة سفره اما بدر اعرفه من زمان
في يوم من الايام دعاني بدر ل زواج اخته
رحت الزواج وسلمت عليه ,,,,,,,,,,,,,,,,,,,,
واو
فجاه مع اللي يستقبلون الضيوف هذا ابو خلود(خالد) همسة في اذنه(بعد ان مر علي سريبو طاري................ماهو سريبو برونكوس)هاه تعرف بدر ............همز يدي وقال اسكت وبعدين اعلمك
جلست وشوي جا خالد وقال لاتجيب طاري للموضوع اطلاقا
الصراحه انشق بطني اشد من بارون في اللقافه
خلص الموال(العشا)
صديت بخالد في غفله من بدر
قال
موضوع الكاحل كان للفرار من الاخ الاكبر بدر
يمكن لو بارون ما تطوف عليه
المهم سنه يامجرم وانا رسايل كيف رجلك ؟؟؟؟؟؟؟؟؟ واعطيه اوصاف التمارين وتقوية الاربطه. ........... واذا الموضوع اخوين ما علمو بعض وين رايحين ؟؟؟؟؟؟؟؟؟؟؟؟؟؟؟؟؟؟ واحد رايح الشرقيه والاخر في دوره في جده

معاناة أخي العسل ( بارون )
بالمناسبة لك رسالة على الأماكن أتمنى تكون معبرة عن رد أطول

بصراحة اخوي المطر موقف الاخوين مضحك واحراج
شكرا بارون على الموضوع

وعليكم السلام ورحمة الله وبركاته اخوي بارون الله يجزاك خير بسلام النظر وعز الله مقامك

اخوي بارون
انا ماعرف اتكلم إلا والمركى تحت يمناي... والمهيلة ..والبرحي قدامي
حط مراكي وحنا نغرد
اخوي المطر سالفتك والله سالفة انا اتوقعت الرجال متسلف منه فلوس وهاج منه
ياشباب عندي سالفة طويلة حبيتين تحبون تسمعونها قولوا لي ولا دخيلكم لاتعبوني في كتابتها
هاه وش الرأي يالبارون
نقول بسم الله ...
اخوكم ابو تركي

المطر
شاكر ومقدر اهتمامك بالموضوع ... وتبيين الصوره المراد ان يخرج بها
والسالفه وانا اخوك رايقه من قلب
لكن انت عارف انه في اي مجلس بالعالم ... حتى في خيام الهنود الحمر ...اذا واحد قال سالفه لازم الشباب الحاظرين يعلقون عليها ... اللي يستفسر زياده واللي ينبسط عليها ..واللي راقد وما يدري وين الدنيا ,,, واللي مشغول بخشمه وكيف يقدر يمسح اللي طلعه منه بدون ما احد يدري (او يشوفه احد )
يعني الزبده بطبق حركات المجالس هنا
وانا عندي تعليق بسيط ...
الحين اذا بدر اخو خالد
وانت تعرف بدر من فتره طويله ..فأكيد انك تعرف اسم الرجال كاملا
طيب هل انت ما تعرف اسم خالد الكامل ..وهو رجال معك في السفره

بمراكي وبدون مراكي قالطين يعني قالطين بزدوع ولا بليا زدوع شاربين قهوتكم شاربينها
وعلى قولك يا حبيبنا البارون سوالف العمة تقرقش بالبطن والله العظيم صرت استحي اسوالف عن العمة عند ربعي واهلي من كثر ما غثيتهم بها إالى درجة واحد من الجماعة يقول لي انت عنز بدو طاحت بمريس
ما عندك الا اندونيسيا يالقروي وبيني بينكم انا حاس انها عقوبة من الله
واحد من الربع راح لامريكا قبل 8 سنوات تقريبا ويوم رجع ما يجلس في مجلس الا لازم عندنا في امريكا وحنا كنا نسوي في امريكا وامريكا امريكا حتى وصل الامر للعياره عليها والطنازه
وانا والله منيب بعيدا عنه في اندونيسا الجو أحسن من هنا والاندو عندهم وانت ما عندكم حتى واحد من الربع قال لي ما تحس انك ملحوس مثل رفيقنا راعي أمريكا
والله شايف كذا ( برايك ياحسن ) ومن يومها سوالف الاندو تقرقع بقلبي لين شفنا مجلس العم بارون
طبعا هذه مداخلة بسيطة والسوالف جايتكم قدام
اما حبيبنا المطر وسالفته فأنا شايف الموضوع طبيعي يا البارون يقولك الرجال ان بدر معرفته به سطحيه على عكس خالد بس العجيب في الأمر الصدفة المحضة اللي خلتهم يتوافون على بعد عشرات الالاف من الكيلو مترات لكن رب صدفة خير من الف ميعاد

انت ياللي اسمك بارون .... مدري هارون
انت ما عد عندك شغل .... بس جالس كذا بطالي عوطلي
ومسوي لنا زحمة في البوابه .... وخايف من التونز

خ
والله يا حبيبي هارون اقصد بارون انك منسم ههه قايلك لا تتحرش ببرنكوس تراه اقشر
وهاتي هاتي يا ماس من برونكوس
اقول وين الماس اللي يصب القهوه فجنالي فاضي