السلام عليكم ورحمه الله وبركاته
انا اخوكم فارس الشهري
مستجد بالمنتدى كمشارك ، لكن عتقي كمتابع
قبل ابتدي برفع التقرير
احب من هالمنبر الشامخ
اشكر كل عضو / عضوه رفع بهالبوابه تقرير
لاني استفدت منكم جميعا
واحب اشكر كل مشرف وكل عضو فعال
على الجهود المبذوله لجل هذه البوابه (مميزه ومفيده)
ع راسي كلكم يا بعدي انتم
دبي دار الحي
شارك الغيه في سما دبيه
كان تبغي تشوف الناس في جنه
..
سلم وحيه حاكم دبيه
محمد اللي مديم للعلا فنه
..
عانق النيم فوق يبغيه
مادري وين تفكيره مودنه
..
كل هالشيه لا ولاشيه
لو تعرفونه عن شي(ن) مخفنه
..
وبنت الدبيه توها بتيه
هو عشقها وهي ترذى الفخر منه
..
وسما دبيه شمس(ن) وفيه
يبني اجيالها بالدين والسنه
..
فارس الحيه فيه نذريه
وفيه لزومه ترا الارواح يفدنه
..
من بغى شيه يرخص بشيه
في العطى دايم(ن) يعطي بلا منه
كل عام والامارات بخير وبشوخ وبرفعه
كل عام وكل عضو وعضوه بالمنتدى اماراتي بخير
عسى ربي يعيد افراحكم سنين وسنين
وانتم بخير وبشرف وبعافيه وبطيبه قلوبكم
( عشاق للامارات منذو الطفوله
بسم الله نبتدي
بالتقرير
تاريخ الرحله : من 27/11/2011 الى 02/12/2011 (من افضل الاوقات لمن يريد السفر والاستمتاع بدبي)
خط السير : ذهاب( الرياض - دبي ) عوده ( الشارقه - جده )
الخطوط الناقله : ناس للطيران اجمالي التذاكر للفرد الواحد 931 ريال
عدد الافراد : 3 شبان ضراف
الميزانيه : 6000 ريال لكل فرد شامله تذكره الطيران
ابتدت رحلتي بتوديع الوالده يوم الاحد الساع 1 ظهرا
اقلاع رحلتي كان بتمام الساع 3 عصرا
قصيت البوردنق مثل الشاطر
جلست بالكرسي( كامرتي نيكون D7000 بجمبي شنطتي قدامي محفظتي وجوالي وجوازي بيدي
تم الاعلان عن فتح البوابات
توكلت ع الله واقلعنا
اترككم مع مناظر لن تمحى من البال اجواء فوق الخبال
الصور خلال دخولي المجال الجوي لمدينه دبي
منظر لدبي من السما العالي
وصلت المطار انتظرت اصحابي
لاني جاي من الرياض وهم من جده
فرق الوقت بيننا نص ساعه
بما ان هاي رحلتي الثالثه لدبي واصحابي الاولى لهم
فكنت المرشد السياحي
ههه مارست تخصصي خلال هالرحله
باكلوريس تسويق وحاليا موظف بالهيئه العامه للسياحه والاثار
طبعا خلال التقرير راح اعلمكم شلون عانيت معاهم
اقلهم نروح يمين ازين يقولون لا يسار واذا مشيت ع كلامهم يقولون انت غلطان ليش ما خبرتنا
طبعا عانيت لجل احجز فندق قبل الرحله
حصلت الشركه المشغله لفندق الماريوت
طلبت غرفتين وصاله لمده خمس ليالي
طلع المبلغ لليله الواحد 1750 درهم
وبعد ما اظهرت بطاقه العمل تم خصم السعر ليصبح 1100 درهم
توكلنا ع الله وحجزنا خمس ليالي والفكره كانت ليلتين بالماريوت واذا ماناسبنا غيرنا
اتجهنا للفندق بالمترو بعد شحن بطاقتي بمبلغ 20 درهم
الفندق : ماريوت
الموقع : دبي مارينا ( مرسى دبي)
جدا مميز قريب من المارينا مول ، ابن بطوطه مول ، الممشى ، المارينا ، مول الامارات(اربع محطات بالمترو)
المترو يبعد عن الفندق سيرا على الاقدام 10 دقائق
تصنيف الفندق : اربع نجوم
عدد الطوابق : 55 طابق
المبلغ : لمده خمس ليالي (5500 درهم بعد الخصم غير شامله الافطار) تقسم ع ثلاثه = 1834 درهم
الاوقات : الدخول الساع 3 عصرا ، المغادره الساع 12 ظهرا امكانيه تأجيل الخروج حتى ساعه ونص
خدمات الفندق : نادي صحي ، مطعم ، خدمه الغرف 24 ساعه جدا مميزين فيها ، بار والعياذ بالله
اترككم مع صور الفندق
الصور الداخليه مب من تصويري
ماخذها من النت
ولكن هي مطابقه تماما اللي كنت ساكن فيها
للمعلوميه غرفتي رقم 702 (مطله على جزيره النخله وليست على المارينا علما بان المطله ع المارينا اغلى ب200 درهم
طلبت غرفه بالطابق 40 ولكن للاسف الغرف فل والفندق شبه محجوز
اطلاله غرفتي
اطلاله المارينا
صور الغرف مثل اللي سكناها تماما
تقييمي للفندق
ممتاز جدا
للشباب اللي ما يدورن الخنبقه وللعوائل
مميزين بالخدمه وبالنظافه وبالاحترام
بس مشكلتهم طلبت غرفه مدخنين وقالو اوكي بس دخلنا ماحصلنا الطفايه ههه
صراحه حطيت هالفندق ضمن الفنادق اللي انصح فيها اصحابي ( من وجهه مظري ع الاقل )
قررنا ننام لجل نقوم بدري ونفلها
تحياتي لكم
وانشوفكم بباقي التقرير
ابن امه يشوف التقرير ولا يرد
اعرف انو منتدى مو للسواليف
بس ارائكم بالبرنامج في قادم الايام يهمني
رائكم بالتصوير يهمني اكثر واكثر واكثر
تشجيعكم بخليني اطرح كامل التقرير خلال ساعتين
اترككم برعايه الله
همسه للمشرف احقيه تعديل تقريري او ترتيبه