abud7im
وعليكم السلام ورحمة الله وبركاته
يالغالي انت نفس الحالة اللى مر فيها حبيبنا The sunrise ونفس المعهد كمان وهو متواجد هناك لذلك هو أفضل واحد يقدر يساعدك لانه مر بنفس حالتك
اذا ما رد عليك فسوف نرى ما يناسبك
مع خالص حبي

تسلم لي اخوي ملبورن على الرد والله يعطيك العافيه
وانا بانتظار اخونا The sunrise او أي واحد من الاخوان يقدر يفيدنا بخصوص عوائل في برايتون
بس ان شاء الله مايطولون لانه مابقى على السفره شي

افضل طريقة انك تسكن مع عائلة عن طريق المعهد هو المفروض يحجز لك واذا تعذر ذلك لابد من احد الاخوان الموجود في برايتون يحجز لك عند عائلة ويأكد لك الحجز او انك تسكن في فندف لحد ماتحصل عائلة مناسبة وعلي حد علمي فيه فندق رخيص للطلبة وفيها طلاب سعوديين بس ماعرف اسمه

اخي الكريم
هذه الجريده تصدر كل يوم جمعه في برايتون ويكون بها اعلانات متعدده ومنها عوائل
امل ان تفيدك
http://www.friday-ad.co.uk/Editions/G|Brighton|K,B,F,A,C/SArea/Local/Web/Home.asp

وعليكم السلام ورحمة الله وبركاته
انا صار معي نفس الشي ,, المعهد قالوا لي ان العايله متوفره لكن بعد 15 يوم من وصولي ل برايتون
ف حجزت على فندق RAMADA لمدة 15 يوم وبعدها رحت للعايله ,, بس كان الفندق غالي ومايسوى
الفندق 3 نجوم ومافيه لا ثلاجه ولا مطبخ وياخذون 100 باوند باليوم
طبعاً كنت مجبر على هذا
اشوف اليومين هذولي العوايل فل ,, كم مره يجون طلاب يبون يسكنون عندنا بالبيت وتقولهم عجوزي ما عندنا غرف >> انا فالها غرفه كبر قريح وبالحالي
بس انا شفت فنادق متوسطه المستوى ب 45 باوند باليوم .
اهم شي تمسك بالعايله اللي حصلتها ,, لان اخوياي الحين يبون يغيرون العايله ما يقدرون لانها ( فل )
انت متى جاي ان شاء الله ؟ وهل بتدرس بمعهد ( Embassy CES ) ؟ والعايله متى متوفره لك ؟

ايه على فكره ترى المعهد ب 29 اكتوبر بيتغير ب نبدأ بالمبنى الجديد قريب مره من برايتون ستيشن ,, وتقدر تسكن بسكن المعهد ,, كثير من الطلاب يحترون التاريخ هذا عشان يسكنون بسكن المعهد

برايتون العرب ومجموعه انسان شكرا على ردودكم والله يعطيكم العافيه
اخوي The sunrise انا جاي ان شاء الله ب20 اكتوبر والدراسه تبدأ 29 معهد Embassy CES
المعهد قالو ممكن نشوف لك غرفه بسكن المعهد بس انا بما ان لغتي ضعيفه ودي اسكن مع عائله من البدايه بس المشكله قالو مافيه الا بديسمبر
طيب اخوي The sunrise عجيزكم الي ساكن عنده ماله خوات ؟
كانك تعرف عجوز من هنا والا من هنا شف لي تكفى قبل اروح واتوهق
وبالنسبه للمعهد اخوي مادري السعوديين الي فيه كثير والا شوي
والله يعطيك العافيه

abud7im
حلو طيب ,, اسكن بسكن المعهد لين تتوفر العايله ,, وضعك احسن مني بالاول لاني ما لقيت سكن عند عايله واضطريت اسكن ب فندق
اها ب 29 بتبدأ يعني بتبدأ بالمبنى الجديد على طول ,, عجوزي عندها بنات بس ما ادري أذا كانوا بسكنون طلاب عندهم ولا لا ,, بس انا متأكد ان عجوزي تعرف اكثر من بيت يسكنون عندهم طلاب ابشوف وارد عليك بكره
بالنسبه للسعوديين والعرب بشكل عام موجودين بس بعدد قليل يعني من 100 شخص تلقى 5 عرب
وقليل جداً السعوديين اغلب العرب من عمان
بصراحه انا اشوف انه ما في شي يخليك متوتر ,, لان المعهد قالوا بيسكنونك وهذا ممتاز واظن انك يمكن بعد ما تسكن بالمعهد تنسى شي اسمه عايله لان حتى بسكن المعهد كل اللي حولك طلاب ويبون يتعلمون زيك ف تتكلمون مع بعض على طول ,,
ابسأل العجوز واشوف ,, يمكن تعطيني العنوان هل هذا كافي ,, لان البيوت اللي تسكن الطلاب معروفه وكل بيت يسكن طلاب يعرف عناوين البيوت الثانيه اللي تسكن طلاب ,, ف يمكن اذا عطيتك عنوان ورحت لهم يقولون ان ما فيه غرف فاضيه ف يمكن ايضا انك تروح من بيت الى ثاني الين تلقى البيت اللي عنده مكان لطالب اضافي ,,
بالتوف فيق اخوي

السلام عليكم ورحمه الله وبركاته
كل عام وانتم بخير
حياك الله اخوي The sunrise كل عام وانت بخير المشكله بسكن المعهد لازم تدفع لهم الفلوس مره وحده مثلا لو بتسكن ترم لازم تدفع فلوس الترم كامل عشان كذا انا ودي اسكن مع عائله على طول عشان ارتاح من وجع الراس والسكن في الفندق صعبه جدا
انا بنتظارك اخوي ان شاء الله ماتتأخر علي
والله يعطيك العافيه