أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
تكملة سافر مع كاكا الى اوربا بالسيارة رومانيا
الحين يالربع وصلنا الى الحدود الرومانية من جهة البحر الاسود , وخلونا نريح قبل ماندخل الجوزات ونخلص من البلغار ............. اتبع كاكا 6 قريبا
كاكا ،، انا مدري وش اللي معجلك ..؟؟ انت اشبلاك صرت مطيور ..؟؟ اركد وتعوذ بالله من الشيطان ، الحين الوافي شرا لنا 3 كيلو لحم ، ونبي نسوي غدانا قبل ما ندخل الحدود الرومانية ، ادخل يسار يسار جهة الشاطيء ودوروا لنا مكان زين ، ونزلوا عزبتنا ومعاميلنا ، وخلونا نضبط غدانا ، وإذا تغدينا وصلينا الظهر والعصر جمع تأخير ، نتوكل على الله قبل الغروب ، نخلص من الجمارك والجوازات ، ثم نتوجه إلى أقرب مدينة ، وعسى يمدينا قبل المغرب ، ودنا ندخلها بسفر ، أزين من دخلة الليل .
الوافي ، اللحم وين هو فيه ..؟؟
في الثلاجة طال عمرك .. نزله نزله وخل هشومي ينزل الفرشة والمراكي ، وقرب المعاميل خلني أركب القهوة ، سم طال عمرك ، سنايدي والله الوافي ، إيه كذا الشقردية والله ، خابرك من أوزنغل . كاكا ، يازين ذا البحر ويا زين ذا الديرة وياشين أهلها ، تعال تعال ، استند على المركا وخلني أعلمك ببعض ما اعرف ، يوم تقول ان أهل ذي الديرة ما يحبون العرب ، العلم وانا خيك عندي ، أنت خابر الجبل الأسود ..؟؟ الله الله طال عمرك خابره ،،إيه هذا طول الله عمرك وراه ديار ، صار فيها ما صار في سنين ٍ مضت ، هشومي ساعد الوافي ساعده ، سم طال عمرك ، سنايدي والله هشام . سمعت ياكاكا ..؟؟؟ سم طال عمرك معك ، كمل ، أقول صار في ذيك الديار أمور ٍ أكلت الأخضر واليابس ، وجوها الفزاعة ( العربو ) من كل ديرة ، وتعرف ربعنا إذا حلوا بديرة ، يا بصمة في الوجه سودا ، يا علومٍ غانمة تبيض الوجه ، والربع اللي راحوا لذيك الديرة ، عز الله الا علمهم غانم ، ودارت الإيام ،والناس ماتحكي الا عن ( العربو ) وفعايلهم ، انت تسمع ..؟؟؟ ويوم الله راد ، وارتفعت راية( العربو ) وصار لهم شان ، اخنزوا جماعة( التثليث ) ، تثليث هذي غير عن ( تثليث اقحطان ) ، الله الله يالامير صدقت والله ، وتراهم يسمونهم ( التشثنك ) صدقت يا كاكا اسمهم ( تشثنك ) ، والمقصد ان ( العربوا ) صارت صورتهم سودا في عيون أهل ذيك الديار طبعاً قوم ( التشثنك ) ، وما حولها ، لأن (العربو) تنقلو من منطقة إلى منطقة ، وكل ما حطوا ارجولهم بديرة صار لهم اعلوم ، وعز الله ان العيب ما هو في ربعنا ، العيب في ( التشثنك ) خابت لياليهم ، لكن ربعنا ( العربو ) مثلما قلت لك ( فزاعة ) من نفس نامونة راعين العيون الزرق اللي انت خابر يوم اعلمك عنهم من ورا ( ارتفون ) وافهم ما بين السطور . الله يعطيكم العافيه يا النشاما ، قرب المعاميل يا الوافي ، وخل هشام ينزل الماء ، وواحد منكم نبيه يذوقنا الغدا ، ابشر طال عمرك حاضرين ، أنا باسوي الغدا ، الله يعطيك العافية يالوافي ، واياك طال عمرك. شفت يا كاكا ..؟؟ هذولي الشباب الصلع إذا أبعدتهم عن المدن والخرابيط اللي فيها غدوا ذيابة ، صدقت والله ، عسى الله يهدينا واياهم . نرجع لموضعنا ، سم ، اقول ( التشثنك ) هذولي منتشرين بذا الديار ، من بلغاريا إلى رومانيا ، إلى مقدونيا ، إلى ألبانيا ، والجبل الأسود وصربيا ، وكرواتيا ، وسولفينيا ، والبوسنة ، سمعت ..؟؟ الله الله معك ، إيه كان فيه دولة واحدة يسمونها ( يوغسلافيا ) وكانت ست جمهوريات متحدة فيما بينها ،وهي ( كرواتيا ، سلوفينيا ، البوسنة ، صربيا ، مقدونيا ، الجبل الأسود ) ولكن يوم طاحت الشيوعية على ايام الاتحاد السوفيتي الله لا يعيده، انهارت الشويعية في كل بلدان العالم ، فالله قصم يوغوسلافيا وفرقهم وصاروا دويلات ، ولكن بقي لكل منهم عرق ، فالتشثنك بينهم ترابط ، حتى بعد التمزق اللي صار لهم ، ولكنهم قسمين ، قسم ( كاثوليك ) وقسم ( ارثوذكس ) وما يتباغون ، لكن هذولي متعصبين وهذوليك متعصبين ، ولكنهم ضد ( العربو ) يد وحدة ، انت سمعت ، سمعت سمعت طال عمرك ، فالمقصد ان اللي يصيب ( التشثنك ) في أي منطقة من هالمناطق ، كأنه صاب الجميع ، مثل ما يحصل عندنا يا لعرب ، حنا بدول الخليج تحترق قلوبنا على إخواننا في فلسطين ، وفي العراق ، وهكذا ، وهم على ماقال ( عدو عدوي صديقي ) فالعربو ، صار منهم ما صار في يوغوسلافيا السابقة ، وهذا الشيء ما كان يرضي ربعهم في المناطق القريبة منهم ، انت سمعت ..؟؟ فمن هنا كان الكره لهم ، هذا بالنسبة ( للعربو) الشرفاء ، أما العربو ، راعين الشواطي والمراقص والخمارات الله يكرمك والسامعين ، فترا ما منهم خوف ، ولكن يكرهونهم في كره ( عربو ) الشرفاء ، والأمر الثاني يكرهونهم من تصرفاتهم السيئة ، وسلامتك يا كاكا ، الله يسلمك ، وازيدك من الشعر بيت طال عمرك ، ترى ذولي ( التشثنك ) هم الأصل القديم اللي كان لربعنا الأولين صولات وجولات معهم ، فهم يكرهون العربو أبا ً عن جد ، وكره العربو متوارث عندهم ، لأن تاريخهم مليان طال عمرك بعلوم اجدادنا ، صدقت والله يا كاكا ، للحديث بقية ، خلنا الحين نضبط الدلة ونتوكل على الله. اتبع كاكا وساز نور وربعهم
صبحكم الله بالخير ياذيابه.....
ماشاء الله عليك ياميرنا كل ذا العلوم عندك واحنا ماندري....
عطنا وكمل من ذا العلوم الطيبات....واحنا معك نسمع....
زين قهوتك وقهو الذيب كاكا اللي جنبك....
وازهل الغداء...انت امر وحنا نطامر...
مادام البحر حولنا اعرف ان الوافي محد قده.....
وتلقاه متشقق بس مايبين عليه.....رومنسي الاخ
يالوافي.... سم ياكاكا.... اقول خل عنك التفاكير وانتبه لغدانا لايحترق ويحرقنا :112: بعدها الامير
افا عليك لاتخاف في يدين ذيب....
الا قولي كيف الرومان في تعاملهم...عساه طيب
اقصد ذا اللي يشتغلون في الجوازات والجمارك.....
لاني اكره شي عندي في السفر هو الجوازات والجمارك....
ماحب اسألتهم ولا تفتيشهم.... :112:
بصراحه يرفعون الضغط.....
الله يعينا عليهم....
ويشهي اقرب مدينه زينه وبنريح فيها....؟
الغداء ترى على وشك يارجال والذيب هشام ماقصر عاوني في ذا الغداء الزين....
الا اقولك يالوافي..... وشهو ياهشام....كنت اقول وش ذا اللي ورطنا مع ذا الشيبان
ولكن عز الله كلامك سليم انهم رجال تحطهم على الجرح يبرى.....
ماقلتلك ياهشام انا مجربهم قبل...حطهم على يمناك...
ايه يالوافي بس لو يلعنون ابليس ويفكونا من الحشره اللي حاشرينا....
ههه
ويش عندك يالوافي تضحك الله يكفينا شركم.....
لا ابد ياميرنا ....تذكرت شي وضحكت
خلك منهم ياسازنور انا اللي فاهم ويش يدور في ذيك الروس...
شباب ودهم يشببونا معهم.....
انت ابو الشباب ياكاكا بيك....
والا لاياهشام......اكيد اكيد
اقول ولموا غدانا لا بالي تحت السيد.....
~الوافي~
من كاكا الى رفقاء الدرب الذيابه مع الف تحية .................. اتبع كاكا . يالامير طال عمرك ...... سم يكاكا ........... علومك اللى بين السطور قرينها , وحركت مشاعرات احسب انها من سنيين ماتت , وان كاكا نشدت لا تنسي البواردي كليب المطيري ....... حول الجبل اللى فى ذكراه يحيونه , وان صعت من ارتفن وشرقت دور على تراب خطاب هناك يذكرونه , سوالف تجيب الهم والغم , ما هو مكانه نجيب اعلومة ................ اتبع كاكا . اسكت يكاكا وتراك خبل ان كثرت , والقهوة خلها محكورة و الا تحط المبيظ مثل اللى الحين بعض العرب يسونه ................ ابشر يالامير وتدلل ....... والبحر الاسود ناظر وتمتع مع جوا رازقهم الخالق بجنه الدنيا والله لا يحرمنا الاخره ومن يسمع .......... اتبع كاكا . يازينكم يالصلعان ويازين طبخكم ........ حاضر يكاكا وتدلل .......... تسلم انت وخوك هشام ( الظاهر منا طق وهرب ) ما عليك فيه يكاكا وسر ........ حاضر يالامير ....... انتم شفتم وشلون تعامل الرومان , والنفوس الطيبه ... حتى بتفتيشهم راكدين ....... ايه يالوافى .......... لا ويسلونك ان كان معك ممنوعات من ذا الخبول يبلعونها ....... لا تلومهم يكاكا ....... الاتراك عليهم مسيطيرين والديره خربوها باللى يجبونه معهم من ذي الممنوعات ....... يه يكاكا علومك واجد انت والوافى ....... خلصو خلونا نلحق بالسفر , لا نجى الديره فى ليل ........ حاضر يالامير و مدينة كوستانتا ماهى بعيده ياقربها من 70 ....... وترنا يالامير نبي نخليها على يسارنا ومن بعدها نروح الى ممايا القرية هناك مقعدنا , ونجيب الخبر للى يطلبونه ........ .................... اتبع كاكا . كاكا يكاكا ........ سم يالامير ........ ذي ممايا دخلنها واين تبين نروح فيها ........ ابشر يالامير ......... من الديره كلها فنادق , وتشوف الاوربيين من هولندا وبلجيكا والفرنسيين بالديره مخيمين , مثلنا يدورون الرخص وللبحر يعبدونه اعبادة , وا غير عليه متبطحين ...... والفندق اللى فى بالي وكيد سكنته ...... يناقله سفوي 5 نجوم واللى يملكه عائلة رومانية تركية مختلطة ....... باخر الطريق وبالخور على اليمين تشوفة , وتراه كان سعره من 70 دولار وحوله , والديره الحين تغيرت , والمطاعم فيها كثرت , وشارع البحر من جميع الانواع يزدحم .... وفيه طرق ما تدخلها السيارت , للمشاه مخلينها , ونظامها مثل فارنا والحين احسن , والمافيا فيها ما كثرت , يجيها من اوكرانيا الكثير ............. وسوق الاحد فيها البظاعة الروسية متوفره ...... وحرص من الغجر قام عددهم يكثر , وترى عملتهم لي يسمونها , والصرف متوفر والسوق السودا اكثر , وحرص تراهم يغشون , عملتهم كثيره بين الفلوس ورق خالي يحطون , لا تسلم فلوسك وانت ما عديت , واهل الفندق تراهم يصرفون , قل صرف بالا نجليزي وكلهم يفهمون ................ اتبع كاكا . كاكا يكاكا ....... مرر يالوافى ودايم الدوم وانت وافى ....... بقولك ترانا اخذنا موافقة الامير , ونبي نروح من بعد الشارع العام , وللخور نتوجه ..... يمدحون هناك جت سكي , يؤجرون .... نبي نلبس السديرية ونركب وبالخور المفتوح نلعب ....... انا معكم , بس بطالع فيكم ..... والركوب ما قدر عليه شايب , خايف اتكسر ........ اركب يكاكا لا والله بالمشعاب بصنك , ما تشوفني انا الامير , ما تشوف وانا الامير مثلك مفشح على واحد ................. اتبع كاكا. وانتم يالصلعان , ان كان تبون تسهرون , ترانى بري منكم , يم مبنى الشرطة الكبير , لا تبعدون , ترى مبتغاكم عندكم , والامير ماني معلمه , بقول يم المطعم التركي بشارع الممشي بيجلسون ........ اتبع كاكا . كاكا يكاكا ....... سم طال عمرك يالامير ....... الصلعان وراهم ما يقمون ......... مغير البارح على التلفاز سهار ............... ابشر اروح اجلسهم ....... عجل يكاكا والريوق بالفندق الساعة عشر يشلونه ..... و حنا ورانا ممشي ...... اه اه يظهري ....... سلامتك يالامير ....... هذا من طقطاق البحر اللى امس ركبته ....... يزين شكلك عليه يالامير ....... كاكا انت قمت تخربط ........ لا والله يالامير ...... امزح معك ............... اتبع كاكا . اركبو والحين يم بخارست غرب نبي نتوجه ........ بعيده من 300 ك وتزيد عليها بعد .......... والطريق زين ومستوي وفيه خطيين وخط واحد بعد ....... وتراهم ما يحطون بين الحارتين حواجز ...... حارتين للي رايح ومثلها للى جاي , ما بينهن فاصل ........ عرفنا العلم يكاكا ........ وقبل ما تروح مر على كوستانتا , ومن السوبر ماركت نشتري حاجتنا , تراها بالطريق , ما تاخذ منا وقت .......... حاضر يالامير .......... تابع كاكا . كاكا يكاكا ............ سم يالامير وش تامر فيه ....... اقول الديره اهلها اهل فقر و فيها مطاعم مثل مطاعم اهل تركيا ........ و العالم بالشارع ماغير طاحين بالشوي ........ لا لا يالامير كلش ولا هذه ........ شفيك يكاكا , ............. ليش ما ناكل من ذا الشوي ......... يالاميرطال عمرك ........ كله لحم خنزير ....... والديره مافيها نظافه , وانحش عن المطاعم اللى بالطريق وما تشوفها راقيه ..... من شوفتك للمواعين والملاعق تعرف نظافة المطعم ...... وبخارست .......... يالامير فيها مطاعم طيبه من عربي ومن تركي منتشره ....... والوجبات السريعة هم منتشره , غزاهم العم سام ......... وعليهم سيطر , الديره كبيره بالمساحة وموقعها طيب .......... اتبع كاكا . تابع تكملة 6 فى رومانيا .............. اتبع كاكا .
رد على رحلة تفاصيل اخر الفرسان تم ارسال الرد بصفحة اوربا مثبت
من كاكا الى كاتب الرحلة اخر الفرسان ...... وانشالله فيه فرسان غيرك ............ اتبع كاكا . سرد جميل ورحلة اجمل , ولكن خربه شيين الاول وهو وضع صورة لداخل الغرفة ولهذه الصورة بالذات ............... وحتى لو انك اعتذرت للمشرف فان هذا , يبرر نشرك الصورة , مع لو انك نزلتها وسكت , كان افضل لك ....... وبعدين ليس هناك من لا يعرف ما هى نظام الغرف بالفنادق من المسافرين باي درجة كانت .... اتبع كاكا. ثانيا وهو الاهم / لقد قلت بان قبرص يعتبرون بدو اوربا ومن هذا المنطلق سوف تكون لى معك اكثر من وقفه اتمناء ان يتسع صدرك وتقبل الحوار ,وكذلك تصحيح المعلومة لجنابك ........ انت اورت كلمة بدو كحشو كلام , واتوقع من خلال قولك بدو بانك تترفع عن هذه اللكمة مما تحمل من الكثير من المعاني ... ولا اعلم ما علاقة البدو كما قلت فى تقريرك بالموضوع ...... ياخى اتق الله ....... على العموم اوربا منتشر فيها ما يسمى جبسي او سيقان على حسب لهجة اهل الدولة ( هم يسمون عندنا بالخليج الصلب وعند اهل الشام النور وعند العراق الكواولة ....... وهى معروفة باوربا الشرقية كافة ...... اما قولك انهم بدو ....... لا ادري من اي مصدر جبت هذه المعلومة ... والعجب انك تحط صور من التاريخ لهذه الدولة التى تعتبر من اقدم ما سكن فى اوربا مع اليونان ....... راجع التاريخ ولا تعطي معلومة ( ولا تعطي معلومة لنفس ما فى يعقوب .. وافهم المقصد يافارس ) اما البدو والذي اعتز وانا منهم بانهم تاريخ بالجزيرة العربية و منهم الكثير من سكن بالمدن واصبح حضري وهذا لم يسلخة من قبيلتة وعزوته , والتي يفتقدها الكثير ........... اتبع كاكا . اتمناء بان تصلح المعلومة ولا تجيب ما كل ما تسمع ويمشي مع هواك ..... ولا تتكلم عن تاريخ وانت تجهله وخلك برحلتك افضلك ......... انت لم تتعلم من ما تسمع من الانباء و الكتب ....... ولو تعرف هذا لما ربطت تعاملهم مع العرب بشان , قضيتهم وموقف العرب منهم ..... راجع التاريخ واو اسأل ما هو عيب قبل ما تكتب ....... اتبع كاكا .
مساكم الله بالخير يالربع إيه يالوافي ، عسى عمرك طويل ، عمك ساز نور وان كان شايب إلا انه راعي خبرة بهالحياة عسى الله يكافينا شرها ، ابشر بالعلوم الغانمة لو تبيني اسولف عليكم من الحين لين الفجر . طيب يا كاكا ، ذكرونا إذا وصلنا بخارست نمر طال عمرك على المركز الإسلامي واللي يسمونه ( Islamic cultural centre Semiluna ) وهو ( مسجد الرحمن ) ودنا طال عمرك نصلي فيه مع الجماعة كل الفروض ولو تشوفون لنا سكن قريب منه يكون طيب لعلنا نتعرف على إمامه ونشوف إذا هم بحاجة شي ، ترى فيها اجر كثير. وانت يالوافي ياراعي الميزانية ، نباك انت وهشام تشترون أغراضنا من محل يقال له: ( Bux & sons Srl ) وتراه قريب من ( مسجد كرنقاش ) انشدوا عنه ولا تشترون اغراضنا الا من ذا المحل ، سمعتو ..؟؟ تراه محل إسلامي 100% وودنا تكون شريتنا منهم دعم لاستمرارهم . وبعد فيه محل اسمه ( دنيا راميز ) انشدوا عنه واشتروا منه لو نقص عليكم شي خابره في ( أراد ) لكن والله مدري هل بخارست موجود بها ذا المحل أو لا .. لكن انشدوا عنه أغاديه موجود ان شاء الله. تعالوا تعالوا ، اجلسوا هنيا وخلوني اعلمكم ببعض اعلوم رومانيا ، صب الشاهي ياهشومي انت وصلعتك واسمع العلم : رومانيا سلمكم الله ، في القرن الخامس عشر الميلادي طاحت جمهورية مولدافيا وفالاخي ( واللي هي ) أساس رومانيا الحالية اللي حنا فيها ، طاحت تحت الحكم العثماني وبقيت تحت حكم الخلافة حتى عام 1878 م ويوم اشتعلت الحرب بين الاتراك والروس وتمت اتفاقية ( سان ستيفانو ) لأنهاء الحرب ، حصلت رومانيا على الإستقلال عن الحكم العثماني ، زين ..؟؟ أيامها كانت رومانيا عادها ما تكونت ، ما زالت جمهوريتين صغيرتين ، وسووا بعض الاجراءات من أجل الوحدة فيما بينهم وفعلا صارت الوحدة خلال ثلاث اسنين ، من عام 1859 إلى 1862م ، واتفقوا من يومها انهم يسمونها ( رومانيا ) وجعلوا مدينة ( بخارست ) عاصمة لرومانيا ، المهم طالت اعماركم ، بعد حول عشرين سنة تقريباً تحول الحكم في رومانيا إلى الحكم ( الملكي ) ، ثم اشتعلت الحرب بن رومانيا وبلغاريا عام 1913 م ، وكلهم من دول البلقان طبعاً ، ويوم انشبت الحرب العالمية الاولة بقت رومانيا محايدة ، ما ادخلت في حرب ويوم الله راد في عام 1916م دخلت رومانيا الحرب بجانب حلفاء الحرب بذيك الديار ، المهم ان الحلفاء هذوليك عطوا رومانيا مكافأة على اشتراكها معهم بالحرب سمعتوا ..؟؟؟ والمكافأة انهم زادوهم في مساحة الأراضي الرومانية وفي عدد السكان ، عطوهم قطعة من الأراضي الروسية ، وقطعة من هنقاريا وقطعة من بلغاريا ، ثم رجعوا عام 1940م وتنازلوا للروس عن القطعة اللي عطوهم الأحلاف ، هذا متى ..؟؟ مع بداية الحرب العالمية الثانية ، وبقيت رومانيا محايدة مثل المرة الأولة ، بعدها أعلنت الحرب بعدها بسنة على الاتحاد السوفيتي ، يعني في عام 1941م ، ودخلت مع جيرانها في حرب ضد الروس ، ولكن تجري الرياح بما لا تشتهي السفن ُ ، الاتحاد السوفيتي كان جبل ما يتزحزح ، احتلها في غمضت عين عام 1944م ، وقامت الحكومة الشويعية في رومانيا ، واسقطوا الحكم الملكي ، عام 1947م ، وصارت من يومها جمهورية شعبية ، كان فيه واحد اسمه ( تشاوتشيسكو ) هذا كان سكرتير للحزب الشيوعي الروماني عام 1965م ، بعدها طمر على كرسي الحكم وخذاه وصار ريس لرومانيا عام 1974م ، وبقي في الحكم خمسطعشر سنة 15 سنة ، من 1974إلى1989 م ، لكن الرجال ما كان مضبوط في حكمه ، كان شرس وشديد على الشعب وصار فيه أحزاب معارضة ، المقصد ان الرياجيل لا حقوه وطاردوه إلين اذبحوه هو وزوجته والمصور يصور ، وصار القاصي والداني يشوف ذبحته في الشارع على التلفزيون ، وحطوا مكانه واحد يقال له ( أيون اليسكو ) وصار حاكم لرومانيا سبع اسنين إلى عام 1996م يعني قبل 9 سنين تقريباً ، ثمن جا بعده الريس الحالي واللي اسمه ( إيميل كونستانتينسكو ) وصار ريس للدولة ، وطبعاً هالرجال عنده ديموقراطية ، سوا اصلاحات وتعديلات في السياسة والاقتصاد واوضاع الناس ، وهو اللي وافق على ان رومانيا تندمج مع الاتحاد الأروبي ، ولكن قال لهم ياجمعة الخير ترونا نحتاج وقت ولا حنا مندمجين معكم رسمي الا من عام 2007م وهذا حنا اليوم في ديرتهم ، وان حبيتوا بكره نمر على ( إيميل ) أغاديه يعشينا بكره والا يغدينا بكيفكم صب الشاي يا هشام ، صب جعلك العافية انت وصلعتك المحب ساز نور
عز الله ان مامايا زينه....
وريحنى وتمشينى....لاهنتم ياذيابه
ولو ان كان ودي نمر على سوق الاحد ونشوف ذا البضايع الروسيه....
ولكن ماهي مشكله خيرها بغيرها.....
واذا كانو يغشون في الدراهم على كذا لازم الواحد يشيك دراهمه زين.....
ماقول الا ناس ماعندهم ذمه...لانهم مايخافون الله....
والله الله هدوا في طريق بخارست لا تنسى ياكاكا بيك....
الطريق مافيه حواجز بين الخطين....
الله يستر لا يدعمنى احد....يكون راقد والا شي...
ومسجد الرحمن في بخارست ان شاء الله مارينه يالامير.....
اتبع كاكا وسازنور وهشام
~الوافي~
تكملة رحلة رقم 6 سافر مع كاكا بالسيارة الى اوربا رومانيا
العلوم واجد يالامير....... ومن بعدك ما نبي نسولف فيها ........ و رايك يالامير سديد .......... بالمسجد اللى فى بخارست جمعنا وصلينا .......... و شاشسكو راح طعم جحوش ........ وهذه فعل يمينه ........ و بقالتك الراي عندك بكل تقدير , والمزانية ....... حطيتها عند الوافي ....... امين ما ضنتي يبي يفلي فيها ...... والاصلع الثاني مع كل تقدير , قام يتمشي ويصور مباني الديرة القديمة ....... وتراي وصيته يالامير يدير بالة من سيارتهم اللى يسمونها داسيا , لكلها قصات قديمة ............. اتبع كاكا . يالوافى مع كل تقدير , ترى الطرق صارت زينه ....... وارقام على الشوارع يحطونها ......... وطريق رقم 1 نبي ناخذه شمال لديرتن سموها براشوف العتيقة ..... مصياف العرب من زوار الديره ........ صح لسانك يكاكا ....... ورقم الطريق عارفينه ....... يمشي مع اجبال ووديان والخط السريع مهم بذا الطريق عارفينه .......... وانتبه يكاكا ..... ترى الطريق فيه لفات و تقاطع لسكك الحديد و القضبان الحديدية بالخط بارزه ....... انتبه لا تعور موترك ..... وعلامات السكك الحديد مثل حرف الاكس حمر نوبن يحطون اشاره ونوبن , بقق عيونك لا تطيح فيها ........... اتبع كاكا . كاكا ......... نعم يالامير ........ الحين براشوف وقبلنا عليها وشوف وش خططك فيها ........ الديره يالامير زينه وبارده والامطار عليها متفاوته وفوق بالجبل هناك فنادق وتمشي لمحبين الغابات والرياضه , وتحت هناك الكثير من الشقق تاجير لبعض العرب , والمطاعم كويسة والديره رخيصة .......... و الجلسه فيها ما تمل , واهل المدينه انفوسهم زينه , ولو ان الغجر عددهم فيها زاد ....... والامان متوفر والشرطة منتشره وما فيها خطر ..... لاكن تلاحظ بان الجوع هالكهم والديره فقيره وما فيها نهظه تذكر ............ اتبع كاكا . يه يكاكا زانت علومك ....... خلنا نريح هنيه يومين بذا البراد ونسمر ....... والسيارات نبي نحرص عليها , وبعده الى سبيو نبي نمشي ومنها الى هنغاريا خطنا نبي نعبر ......... اتبع كاكا . وش عندك يالوافى اشوفك مستعجل ........ ايه والله يالامير ....... احس لديره ام العيون الزرق قربنا ....... ولا ابي بذي الديار اطول ....... وخطوط ذي الديره ما تطورت ...... شادين حيلهم يسون , لكن تركة اسنين من الشوعية , وش يخلصون ........ كلك عدل يالوافى انت واخوك الاصلع اللى ماله بينه و شاطر يطامر بالسيارات و روحتن مع الذيابه تعجل وطلب ......... اصبر يكاكا يالله الخيره ....... خوينا معنا بالطريق وعليه نبي نصبر وعلومه قدام تبي تجينا ................ اتبع كاكا . كاكا يالله مشينا .......... والطريق رقم واحد / 13 نبي نسلك يم سبيو طريقنا ........ حاضر يالوافى ......... وتركد , ترى الطريق يمر على قري وجبال وتبي تشوف فيه العجب ......... وش يكاكا .......... تشوف البط والوز اجوال تمشي , يرعونها رعى الغنم ....... بالطريق تصادفك ...... حاسب عنها لا تدعمها ....... من وقت الشروق او قبل المغرب ............. تنتشر بالطريق فى القري ...... وكلن لحضيرته يتوجه ........ مدربه تدريب , وحضيرتها ما تضيعها ........ والراعي من وراها يحوشها ....... يزين منظرها وانت توقف وهي تعبر ........... اتبع كاكا . يالامير .......... وش يكاكا ........ ما تبينا نشتري منهم من ذا البط ........ الله مناسبه , نسوي عليها كبسه ....... اجل اسفط على جنب واشترها بثمنها ........ حاضر يالامير ............ شوف الفاضي كاكا يالوافي ....... وش ياهشام .............. حنا مسافرين ولا نساوم على ذا البط .......... اقول اسكت ياهشومي يالاصلع ...... خلاص بيطلع شعري يالامير ....... انت مستعجل ......... يكاكا يكاكا ........ سم يالامير ....... بالله اطلب منهم اللى يسمونه مليكو او زاكفص ....... عرفت قصدك يالامير ....... الاسم ماني ناطقه عدل ........ ماعليك يالامير الحليب واللبن الطازج بدخل بمطبخ ذا القروي واشر عليه ويبي يفهمه ...... وتراه بيعطينا ولا هو رادنا ........ طيبين اهل القرى وما خربوهم اهل المدينة ........ والجبن يكاكا تراهم بالبيوت يسونه من حليب البقر يضبطونه ......... حاضر يالامير ........... اتبع كاكا. هذه سبيو اللى يذكورنها يكاكا ....... نعم يالامير ....... وتراه مدينه حيه ...... وحبها ....... لي فيها ذكريات زينه .............. مدينه قديمة على جديدة وقامو يطورونها ....... ومطاعم الوجبات السريعة فيها متوفره ....... ماهى ديرة مدور المتعه .......... والبنك فيها ...... من عملتهم نبي نصرف ........ ولا نبي نكثر منها ناخذ حاجتنا واللى يكفينا لطريقنا ....... وترى عملتهم ان دخلنا هنغاريا محدن يبدلها , متدنية قيمتها , ومحدن يبها ....... والهنغار على المديه مسيطرين , البضايع اكثرها منهم , وهل المدينة فى هنغاريا يحبون يشتغلون , مثل المدن اللى تقع على الحدود ...................... اتبع كاكا . الحين من بعد الكبسة الطيبه من يد الوافى وخوية الاصلع ....... واين تبينا نمشي يكاكا ....... ابشر يالامير .................... الى منطقة سبس طريقنا و منها الى مدينة هندورا , مفرقنا الى الحدود اراد على الطريق 7 توجهنا الى هنغاريا يالامير ...... .......... اتبع كاكا . الحمدالله على السلامة يالربع وارد دخلنها والحدود قدامنا ........ خلونا نريح ونسوي شاي ومنها الى هنغاريا نعبر ............. شورك شور يالامير وما فيه خلاف .... وبعدين نكمل . اتبع كاكا 7 فى هنغاريا ........ سافر مع كاكا بالسيارة الى اوربا هنغاريا
يا جماعة الخير فهمونا شسالفة .... اميركم ساز نور ؟؟ والله والنعم
بس وين الاجزاء الاولى وين احصلها ... اتبع كاكا .. اتبع كاكا .. لا يكون بتضيعنا يا كاكا بس واحنا وراك
كاكا اقترح عليك في كل جزء حط روابط المواضيع السابقة والله اسهل بدال اللف والدواران وزحمة وضياع ..
بالله رايحين اوروبا بالسيارة والله من المشاوير .. وشموتركم يا جماعة ؟؟
وماهي المصاعب التي واجهتكم
