الاخ الفاضل عالى مستواه ...
بعد خصم يوم الذهاب ويوم العودة راح يتبقى 10 أيام فعلية لقضائها باأندونيسيا
وهي بصراحة مدة قليلة جدا جدا على دولة بحجم أندونيسيا ولاكن عندك أحد خطوط
السير التالية مع توزيع الايام بين المدن والجز :-
جاكرتا يومين > جزيرة بالي لمدة 4 أيام > بنشاك الجبل 3 أيام > جاكرتا يوم واحد !!
أو خط السير والتوزيع التالي :-
جاكرتا يومين > بنشاك الجبل 4 أيام > باندونق ولمبانق يومين > جاكرتا يومين !!
طبعا وصولكم راح يكون يوم السبت والافضل والانسب والاريح لكم بعد رحلة مدتها
9 ساعات الراحة بجاكرتا لمدة يومين على الاقل علشان تخف عليكم زحمه الطريق
للجبل بنشاك ,,,
وبالنسبه للسكن أبشر راح نساعدك باأختيار الافضل لاكن ياليت تحدد المدن اللي
ترغب بزيارتها بعد ماتستقرون على خط سير معين أنت وصاحبك ,,,
تحياتي وتقديري لك ...

ما شاء الله عليك يا ابن السعوديه على الرد السريع
بالنسبه للراحه في جاكرتا ما اظن فيه راحه مادام الرحله كلها ايام انا مفكر اول ما انزل في مطار جاكرتا احجز على اي طيران على جزيرة بالي لأن نفسي اروح لها من كثر ما اسمع عنها وودي اقعد فيها من 3 ايام إلى 4 ايام ونفس الشي بونشاك الجبل ودي اقعد فيها لايقل عن 4 ايام عشان كذا بخلي جاكرتا يوم واحد ان شاء الله يكفيني للتسويق قبل العوده
يعني بالي 4 ايام > بونشاك 4 ايام >بونشاك يوم او يومين.
بس السؤال هنا الرجعه من بالي سمعت فيه مطار في باندونق هل هي قريبه من بونشاك او جاكرتا اقرب ؟
واذا نزلت في باندونق بلقا تكسي يوديني للجبل وبكل سهوله او من جاكرتا افضل ؟

عالي مستواه
صحيح يوجد مطار في مدينه باندونق لاكن الاقرب لك للجبل بنشاك هو مطار العاصمة جاكرتا
لذلك أنصحك باأن يكون أقلاعك وعودتك من جزيرة بالي الى مطار جاكرتا مباشرة وحين وصولك
لمطار جاكرتا تتوجه مباشرة للجبل بنشاك ,,,

كذا تمام يعني يصير خط السير بالي 3 ايام>بونشاك4ايام>جاكرتا يومين
طيب استفسارات بتنل عليكم الله يعينكم وبالأخص ابن السعوديه وان شاء الله منتوا مقصرين معي .
اول شي افضل طيران من ناحية الجوده والسعر من جاكرتا إلى بالي والعكس ؟
سمعت فيه بكج من كاها اقدر اخذه من مطار جاكرتا اول ما اوصل ويكون الحجز سريع وتنصحوني بالبكج والا اروح على عماها وارتب نفسي هناك احسن ...؟
وبالنسبه للرجعه من بالي افضل وقت ارجع فيه من بالي اي وقت الصباح الليل عشان مايروح علي اليوم ععلى الفاضي لأني بطلع من بالي لبونشاك من طريق جاكرتا؟
الفلل في الجبل اقدر احجزها من كاها والا لزم افر في الجبل وادور بنفسي ؟
وفي جاكرتا شنو انسب الفنادق وافضلها من ناحية السعر والنظافه وافضل طريقة لحجزها ؟
واخيراً انا وصاحبي كم بتكفينا الميزانيه من غير التذاكر لأننا خلصنا منها وحجزناها ومن غير التسوق يعني حق السكن والمواصلات والأكل والبرامج الترفيهيه؟
وسوري على الإطاله ويعطيكم العافيه على كل حال

عالي مستواه
ج1- طيران اير اسيا وسعر التذكرة للشخص ذهابا وعودة يترواح من 110 الى 140 دولار ,,
ج2- الافضل لك حجز السكن حين وصولك لمطار جزيرة بالي فالمكاتب السياحية كثيرة جدا جدا ,,
ج3- طبعا الافضل الفترة الصباحية ,,
ج4- مكتب كاها لاتتوفر لديه حجوزات الفلل بالجبل بنشاك والافضل أنك تبحث بنفسك حين وصولكم ,,
ج5- عندك فندق أكماني وكذلك فندق مارلين بارك وحجزها يكون عن طريق مكتب كاها اللي بمطار
جاكرتا الدولي ,,
ج6- بالنسبه للميزانية أحسب حسابك على مبلغ يومي 200 دولار للشخصين أذا كنت بالعاصمة
جاكرتا والجبل بنشاك ويشمل للنقاط التالية :-
السكن > الاكل والشرب > المواصلات > رسوم المزارات السياحية ..
أما أذا كنتم بجزيرة بالي فاأحسب حسابكم على مبلغ يومي 250 دولار للشخصين ويشمل للنقاط
التالية :-
السكن > الاكل والشرب > المواصلات > رسوم المزارات السياحية ..
وكذلك أحسب حسابك على مبلغ 50 دولار قيمة عدد فيزتين أثناء وصولكم لمطار جاكرتا الدولي ..
وكذلك أحسب حسابك على مبلغ 30 دولار قيمة ضرائب المغادرة للشخصين ..
وبالتوفيق أن شاء الله ,,,

عالي مستواه
نقصت الايام صارت 9 ؟!!
شوف بعطيك رأيي الشخصي
1- لاتضيع وقتك في جاكرتا , ولافيه تعب ولاشيء
2- روح ع بالي قبل الجبل ,,, واذا مالك في السواحل شطب ع بالي

الله يعطيكم العافيه ياشباب ماقصرتوا واسمحولي بغثكم شوي بالأسأله...!!
بالنسببه للأيام انا شايل اول يوم انزل فيه لأني بطير من جاكرتا لبالي وبيضيع هاليوم من المطارات وجز الفنادق رحلتي بتبدأ من 4/9 وبقعد ثلاث ايام في بالي 4-5-6/9 في 7/9 برجع لجاكرتا ان شاء الله بخلي رحلتي الصباح وهاليوم بيروح علي من المطارات وروحتي للجبل والبحث عن السكن في الجبل وبقعد في الجبل 8-9-10-11/9 وفي 12/9 بنزل لجاكرتا هاليوم بعد بيروح نصه بالطريق والبحث عن السكن في جاكرتا بس شرايكم احجز من مكتب كاها اذا رجعت من بالي في المطار حق يوم 12/9 واريح راسي عشان اذا رجعت من الجبل يكون السكن جاهز قدامي واستغل نص اليوم تقريباً وفي يوم 13/9 لزم اطلع من للمطار الظهر يعني يومي ماراح استفيد منه احس الأيام قليله مره الله يعين

مساءك ورد
اشوف انك اول ماتوصل جاكرتا ترتاح
وثاني يوم تكون رحلتك على بالي على رحلة الساعة التاسعة صباحا يصير توصل الظهر هناك وعندك 6 او 5 ساعات قبل الغروب ممكن تستفيد منها اما التوجه لشاطئ كوتا او شاطئ جمبران وتناول الغداء مع مشاهدة الغروب وبما انكم اثنين انصحكم تسكنون في كوتا في احد الفنادق التالية
ميركوري
كوتا سي فيو
استانا راما
طبعا 4 ايام في بالي اشوفها مناسبة لان 3 ايام مايمديك تلحق وتستمتع بنشاطات بالي وجمالها
بعدها ترجعون على جاكرتا على رحلة الساعة 10 او 11 توصلون جاكرتا الساعة 1 وتتوجهون على طول للجبل تقعدون فيه 4 ايام واخر يوم ترجعون جاكرتا ترتاحون وتطلعون للمطار او انكم تخلون اخر يوم لكم بالجبل وتطلعون من الجبل للمطار على طول
مشكلتكم اجازتكم قصيرة جدا ولو ان الاجازة 15 او 14 يوم كان هناك مجال كبير في ترتيب رحلتكم بشكل احلى واجمل لكن في ظل عدد الايام التسعة احسكم انكم في سباق مع الزمن
اتمنى ردي فيهمن الفائدة لك ولصديقك ولا يهون الباقين واكيد فيه من بيجي ويحط لك برنامج يناسبك اكثر
كن بخير

ماقصروا الأخوان الأعضاء بالردود ...ماشاء الله عليك حريص على كل صغيره وكبيره وهذا يدل على أن تكون سفرتك مميزه....كل التوفيق لك أخى الكريم .تحياتى.