jenteel
23-07-2022 - 10:47 am
السلام عليكم ورحمة الله وبركاته
بسم الله ماشاء الله توكلنا على الله
اخواني انا ان شاء الله في شهر يوليو تقريباً يوم11.
1-طبعاً اللي ابغى اعرفه هل تنفع ايطاليا لشهر عسل .
2- كيف راح يكون الجو في يوليو.
3- ايش افضل المدن اللي تنصحوني ازورها.
4-كم تقريباً راح تكلف الرحله لمدة 10 ايام شامله سكن ومصروف.
5- اسعار الطيران المعقوله كم تقريباً وماهي افضل شركة طيران.
6-السؤال الاهم اني انا من عشاق اوروبا ، لكن ودي اقولكم ان اللغه الانقليزيه عندي صفر على الشمال ،ممكن اقدر
اخارج عمري مثلا بقتناء قاموس او كتيب فيه بعض الكلمات المهمه .
7-هل فيه مشكله في النقاب وماهي نظرتهم وهل فيه تمييز عنصري واضح.
الله لايهينكم ويعطيكم العافيه
مرحبا اخي والف مبروك مقدما....
الجو بيكون حر بس مايقارن بحر الخليج يعني الحراره ممكن توصل 30 -33 درجه في اواخر الشهر يعني اخف شوي من اغسطس والجو في بدايه الشهر امطار لانه بيكون بدايه الصيف ...والحراه بدايه الشهر اواخر العشرينيات ........
روما بتكون احر من ميلان شوي طبعا ..
اذا تحلي رحلتك الشمال اليطالي مع سويسرا
ميلان محطه الوصول والمغادره جنيف او ميلان شوف اللي يناسبك....
الميزانيه حدود 25-30 الف ريال يعتبر متوسط
ميلان ليله وبعدها رح فينيسيا ليلتين - او تروح جاردا ساعه عن فينيسيا تسكن فيها ليلتين تروح الصباح وترد المسا الى فينيسيا ومدينه روميو وجولييت فيرونا قريبه من جاردا وجاردا تقع على بحيره وشبه جزيره صفيره سير ميوني ...
بعدها زلامسي النمسا ليلتين و انترلاكن سويسرا 3 ليالي والليله الاخيره في جنيف او ميلان محطه العوده ...
النقاب انصح ملون افضل من الاسود مافيه شي بس نظرات استغراب بس طنشو ومعليكم من احد .......