وعليكم السلام ورحمة الله وبركاته
اليوم الاول الوصول بيكون بتوقيت سويسرا الساعه 14,40 وساعة الاستلام خلوها بعد الوصول بنصف ساعه
وهذا اليوم خصصوه للراحة والتمشي على البحيرة في جنيف ومن الصعب تروحون فيه لانسي
اليوم الثاني ,, الذهاب لباريس والمسافة تقريبا 549 كم والوقت 5 ساعات ,, ولازم تتطلعون بدري اذا اردتوا انكم تزورون الشانز
وبرج ايفيل واسم المحطة اللي بتروحون لها من مكان سكنكم في باريس هي شارديجول اتولي وتذكرة القطار حوالي 12 يورو
واليوم الثالث ,, ديزني لاند واسعار التذاكر للكبار 76 يورو وللصغار 59 يورو
اليوم الرابع الذهاب الى كونستانس والمسافة تقريبا 640 كم والوقت 6 ساعات و20 دقيقة وما عليكم سوى ضبط احداثيات الفندق او العنوان
على الجارمن وهو بيوصلكم
كونستانس بتقعدون فيها اربع ليالي وممكن منها تزورون قرية هايدي والاوت لت القريب منها alpenrhein village
https://artravelers.com/p/re/422088">https://artravelers.com/p/re/422088
وايضا تزورون منها شلالات االراين وجزيرة الورود وحديقة العاب كوني لاند
وهذا تقارير بتفيدكم اكثر
https://artravelers.com/p/re/275744">https://artravelers.com/p/re/275744
في الطريق الى من كونستانس الى انترلاكن ممكن تمرون على مدينة لوزيرن و التلفريك المكشوف والجسر المعلق في ساتيل
https://artravelers.com
انترلاكن هذي بعض التقارير المفيدة لانترلاكن واختاروا الاماكن اللي تناسبكم منها
https://artravelers.com/p/re/108099
لوجانو ,, اليوم الاول بيكون يوم الوصول وممكن تزورون حديقة سويس منيتر وبعده تاخذون لفة في المدينة واليوم
الثاني تزورون الفوكس تاون
ميلان ,, اليوم الاول من وجهة نظري تخصصونه لميلان وتلغون الاوت لت سيرفالي لانه يقع خارج ميلان وزيارة الفوكس
تاون تغنيكم عنه وفي ميلان تاخذون لفة بالباص السياحي وتتمشون في ساحة الدومو و الشوارع اللي قريبة من الساحة
واليوم الثاني تروحون البندقية من محطة ميلان سنترالي الى محطة Venice Santa Lucia في البندقية
والوقت تقريبا ساعتين ونصف والتذاكر الافضل تاخذونها من المحطة قبل بيوم
وهذا تقرير للوجانو وميلان للخبير ابو عزيز
https://artravelers.com/p/re/118105
والعودة بتكون بتوقيت ايطاليا ,, والمطار يبعد عن ميلان 45 دقيقة تقريبا والافضل تكونون في المطار قبل
بساعتين من موعد الاقلاع
وبالتوفيق

وعليكم السلآآآم
لآآآآآآآآآآآزم تزورين آنسي تقدرين تروحين لها وترجعين بنفس اليوم لإنها تبعد عن جنيف تقريباً 50 كيلو آو إذا تسكنين فيهآ ليلة بكوخ وتركبين خيل >>من خلآآآل تجربة
وبالنسبة للميترو اللي يودي الشآنز وبرج إيفل شآرل ديغول ومرة سهل الميترو وإذا حسيتي انك مضيعة فيه انفرميشن يقولون المعلومات اللي تبينهآ والميترو يومين الشخص ب12 يورو تركبينه بكل وقت وتذكرة ديزني للكبآر ب69 يورو
وبالنسبة لحجز القطآر نصيحة لآتحجزين من هينآ تضيعين ويمكن تتوهقين إلآ إذا عرفتي بالضبط الوقت انا حجزت من جنيف إلى باريس من هنآك صح طلع السعر مرتفع شوي وإذا تبين تشوفين الأسعار ومتأكدة من الوقت اكتبي بقوقل القطار الأوروبي وفيه موقع ثآني القطآر الفرنسي
ومطآر مالبينسيا جداً وآآآضح تقولين لأي آحد يوديك له
فيه بشارع الشآنز محل آيس كرريم روعة تلقينه بصفة مآك مايحضرني اسمه الحين ,, ورحلة موفقة

مقدام http://artravelers.com/c/870121" target="_blank">
اله يجزاك الف الف خير
رد مريح جدا وواضح الله يسعدك يارب ويوفقك
بالنسبه لسكني مو بجنيف بمكان قريب لجنيف اللي اهو هالفندق
Residhome Genève Prévessin Le Carré d'Or
بس اذا مثلا وصلنا بدري وفينا حيل وكذا نبي نروح لانسي ممكن الاحداثيات وكيف اروح لها من هالفندق
وبالنسبه لتقارير بقراها واحد واحد اول ماافضى
وسوق سيرفالي نفرض اني مااكتفيت من فوكس تاون
مافيه مجال اروح له ابد سيرفالي بنفس يوم وصولي ميلان مثلا العصر او شيء رحلتي بالقطار من لوقانو الى ميلان بيكون وصولي الظهر تقريبا لميلان
وودي اروح لسيرفالي بباص او شيء بدون حجز مسبق
كيف الطريقه ومالحل ؟؟
وجزاك الله الف الف الف خير

دهآليز
اله ياركوب الخيل بس مااقدر انام ليله باانسي شكلي بحاول ازورها بااول يوم بوصولي
بالنسبه للقطار بحجز من لوقانوو الى ميلان عن طريق ريل اوربا
لان التذاكر تجيني للبيت
الله يجزاك الف خير
ويوفقك ويسعدك ربي
ع الرد
ومحل الايسكريم وناسه بمره اكيد

اليوم الاول بيكون وصولكم لجنيف الساعه 14,40 ويمكن توصلون الفندق الساعه 4 العصر والفندق قريب من المطار
والافضل لكم بعده الراحة تروحون تتمشون في جنيف اما اذا اردتوا الذهاب الى انسي فممكن تروحون لها بالسيارة
وتبعد انسي عن الفندق 44 دقيقة تقريبا واحداثيات المواقف فيها n 45° 53.989 e 6° 7.715
اما الاوت لت سيرفالي فمثل ما اشرت لكم في الرد السابق ان الفوكس تاون يغنيكم عن الاوت لت سيرفالي
لان عندكم يومين فقط في ميلان واليوم الاول الافضل تخصيصة لميلان والتسوق فيها واليوم الثاني بتروحون
فيه الى البندقية ,, لكن اذا اردتوا الذهاب الى الاوت لت سيرفالي ولا تريدون التمشي والتسوق في ميلان
فممكن تروحون لسيرفالي عن طريق القطار من محطة سينترالي في ميلان الى محطة Serravalle Scrivia
ومنها بالباص الى الى الاوت لت والرحلة تستغرق تقريبا 45 دقيقة والاوت لت سيرفالي يفتح لغاية الساعه 9 مساء
اما الباص اللي يروح للاوت لت سيرفالي فهو يطلع من ميلان الساعه 10 صباحا وما اعتقد تلحقون عليه

مقدام
الله يجزاك الف خير
ماقصرت
شورك وهداية الله
الله يسعدك يارب
وهل عندك فكرة عن سويس باس او سويس هاف ووهل بستفيد منها والا لا ؟؟
وكم بتكلفنا ؟؟
بالنسبه لسياره شرايك اي افضل شركة
شيكت ع موقع سيكست لقيت المناسب
لكن ماني فاهمه سالفة التامين وتخوفت احجز من النت خفت اتورط
اللي هو ثلاث انواع اذا عندك فكرة وضح لي بليز

بالنسبة للسويس باس ما تحتاجونها لانه معاكم سيارة
والسويس هاف فير ممكن تاخذونها اذا بتروحون لقمة جونغفرو وقمة تتلس اما اذا مابتروحون
للقمم فما تحتاجونها وسعرها تقريبا 99 فرنك ,, وهي تعطيكم خصومات 50 بالمية على الاماكن السياحية
والتلفريكات والقطارات
بخصوص التأمين فالافضل من وجهة نظري تاخذون تامين مع نسبة تحمل صفر وهو بتلقونه في خيارات
loss of damege waves وهو الخيار الثالث insurance excess e = 0
وممكن تحجزون السيارة من الان واختيار نوع التامين عند استلام السيارة

مقدام
الله يوفقك ياارب ويجزاك الف خير
ماقصرت اخوي مقدام الله يجعله بميزان حسناتك
بنسبة للسويس هاف
شرايك انا ماادري صراحه ووش بروح ووش الي ما اروح له مابع ارتب احسي ضايعه
احنا شخصين وطفل 4سنوات لا بد نزور اماكن سياحيه بس ماادري هل تشمل جميع الاماكن والا كيف
وودنا بتلفريك المكشوف
مع اني خوافه بس ماراح افوته
وودي بالقمم اكيد لابد ازور قمم ثلجيه لكن ووش الافضل ماادري
وودي بزحليقه الصيفيه ويارب نقدر نلحق عليها قبل يسكرونها
وتحملني اسفه ع الاطاله والتاخير نظرا لظروفي مااقدر اشيك ع النت كثير عشن كذا كتبت لي مووضوع ع اساسه اقتبس جدولي
شاكره لك من اعماقي ع تفاعلك معي

باقي على سفرتكم تقريبا شهر والافضل لكم قراءة التقارير اللي وضعتها لكم
عشان تختارون الاماكن اللي تناسبكم وبعد القراءة والاختيار ممكن نرتب لكم الجدول اليومي لرحلاتكم
بالنسبة لبطاقة سويس هاف فير ,, ممكن تاخذونها اذا بتروحون قمة جونغفرو وسعرها 120 فرنك للشخص
وممكن تضيفون الطفل باختيار بطاقة سويس هاف فير فاميلي والسعر الاجمالي 240 فرنك والطفل يكون تنقلاته
ودخوله للاماكن السياحية بالمجان عن اختيار بطاقة الفاميلي ,, وتقدرون تشترون البطاقة من اي محطة قطار والبطاقة
صالحة لمدة شهر وممكن تاخذونها من محطة قطار جنيف ,,
ممكن اعمل لكم جدول مبدئي لانترلاكن
اليوم الاول ,, يوم مغادرة كونستانس والتوجه لانترلاكن بامكانكم المرور على التلفريك المكشوف ولوزيرن
اليوم الثاني ,, زيارة قمة جونغفرو
اليوم الثالث ,, مطل الهاردر كلم وبعده تروحون بحيرة الاوشن سي وفيه زحليقة صيفية ومن ثم البحيرة الزرقاء
اليوم الرابع ,, زيارة مصنع الشوكلاته وبعده مصنع الجبن ومن ثم جبل ميلسون وفيه منطقة العاب للصغار وزحليقة صيفية
اليوم الخامس ,, زيارة جرينوالد وفيها زحليقة بفينستيج ومن ثم شلال تروميل باخ وشلال ستوخ باخ
اليوم السادس ,, شلال جيس باخ وبعده شلال ريخن باخ ومن ثم حديقة جونغفرو وفيها العاب للصغار
اليوم السابع ,, زيارة قرية غشتاد الجميلة وفي طريق الرجوع تمرون على شلال لينك الرهيب
وانصحكم مرة اخرى بقراءة التقارير لاختيار ما يناسبكم من اماكن
مع العلم ان جميع الاماكن السياحية والزحليقات الصيفية بتكون فاتحة في فترة سفركم ولا تشيلون همها
وبالتوفيق