بسم الله الرحمن الرحيم السلام عليكم ورحمة الله وبركاته اليوم رحت لموعدي في سفارة النمسا وقدمت اوراقي والحمد لله . كن بعد تعب صراحه يوصف وتعامل سيئ جدا جدا ، رحت للسفاره الساعه تسعه ونصف صباحآ وموعدي كان الساعه عشره ونصف صباحا ، لما وصلت للسفاره حصلت مافيه زحمه ابدا كان فيه واحد وزوجته بس ، رحت للأستقبال عند البوابه وانتضرت الي قبلي يخلص ولما خلص قدمتله الموعد قال موعدك الساعه عشره ونصف باقي ساعه قلت قلت يارجال حاول بس والحين مافيه احد قال اوكي هات الجوازات عطيته وعبا البيانات وقال تفضل رحت جوا انا وزوحتي ، فدخلت الصاله وكان فيها شباكين شباك قي الي قبلنا هو وزوجته فذهبت للشباك الثاني كان في سوريه كانت مو منتبهه للشباك ، طقيت خفيف علشان تنتبه وناضرت ونفصت عيونها قالت خلاص روح استريح هناك انتضر وقامت وسكرت الستاره وهي تتكلم مع نفسها وعيونها علي . بغيت ارد عليها ، قلت اسكت بس تحوس وضعنا ولما خلصو الي قبلنا رحت للشباك الثاني عند الموظفه الثانيه سوريه وسلوبها خايس بس مقارنه بلأوله اسلوبها عسل (-: *عطيتها الاوراق والابليكيشن ، قامت ردت الاوراق وقالت شو هذا الابلكيشن مو*تبعنا وعطتني نسختين ابلكيشن اعبيهم قالت عبهم بعدين شرف لعندنا وهي مكشره وجها وحالتها حالها طبعآ الابلكيشن الي كان معاي طابعه ومعبيه لي مكتب الطيار وماخذ عليه 100 ريال لشخصين رحت وجلست اعبي الأبلكيشن تقريبآ نصف ساعه ورجعت لها اخذت الاوراق ونفسها*بطرف خشمها وجلست تعبي اوراق عندها خمس دقائق تقريبا وقالت 94 الحساب استغربت قلت لزوحتي كم تقول قالت تقول 94 *طلعت 100 وعطيتها قالت شو هاذا انا اقولك 594 ، طبعآ كانت تقول 500 مع خشمها و 94 مع فمها علشان كذا سمعت 94 بس وقالت خلاص اكلمك اذا خلصت قلت متا تخلص قالت عشرة ايام كذا وطلعت . * صراحه تعاملهم كانك تشحذهم وشي يضيق الصدر*بكل ما تعنيه الكلمه .