أخوي انت قصدك انك تبي فندق له اطلالة حلوة لأنك منت تحب تطلع من الفندق صح كلامي
طيب الحين ماقلتلنا اش ببالك دمشق ولا ضواحيها ولا الاذقية عشان نحسبها معاك ونفيدك اكثر
انا أفضل ان يكون معك زميل تدردش معاه يعني لحالك موبحلوة
وبالسلامة انشالله

هلا بك اخوي
خذ لك جولة على المواضيع والتقارير المصورة من قبل الاعضاء وراح تحصل فيها اللي يناسبك
نصيحة اخوية خذ معك خوي يونسك في السفرة .............اتمنى لك من كل قلبي سفرة سعيدة وان شاء الله راح يروح الطفش منك اول ماتنزل سوريا ................تحياتي

مواعد
أشكرك على ثقتك الكبيرة وكتابة العنوان باسمي والأخوة الأعزاء، ان شاء الله أكون قد الثقة ياغالي..
التفاصيل، بما أنك طفشان من العمل، ورغبتك في مكان هادئ ولن تطلع من الفندق.. أنصحك بفندق
الفورسيزون، تقدر تاخذ غرفة مزدوجة أو سويت صغير،ويتميز الفندق بقربه من الأماكن الحيوية، المطاعم، المقاهي، الأسواق والحدائق..
على فكرة
انا جاوبتك بشكل سريع بحكم ان سؤالك مختصر، اذا وضحت لي مثلاً الميزانية وبعض الأمور ف تحسب لي النسبة،، قصدي أقدر أفيدك أكثر

ياسمينه سيتي
شاكر ردك
فندق او شقق راقية
وفي داخل دمشق
mxxo
شاكر لك أمنياتك
سعيد الحمادي
فندق الفور سيزون ما قد جربته واخشى أني احجز فيه بعدين أتوهق ما يعجبني جوه
اش رايك احجز اليوم الاول واجرب ؟؟؟؟ بس برضه ثلاث ايام بتروح تجارب
بخصوص الميزانية أعتقد ثلا ايام مو مستاهل كثير اربعه خمسه الاف كفاية ولا ...
واذا عندك رقم شقة فاخرة كدا ترسل لي رقمه بس يكون ثقه أكون متشكر
ولو على الخاص
ان شاء الله وضحت الصورة

ياخي شوف
اذا المدة ثلاثة أيام فقط أنصحك تروح فندق الفورسيزون أو فندق الشام، الأفخم هو الفورسيزون وتعود ملكيته للأمير الوليد بن طلال ويتميز بفخامة لاتخطر على بالك.. ايجار الغرفة اليومي بما يقارب 700 ريال واعتقد انه من فئة الفنادق 7 نجوم ..
فندق الشام من أشهر فنادق دمشق وهو 5 نجوم وله جو خاص وهو أقدم من الفورسيزون.. سعر الغرفة اليومي مايقارب 500 الى 600 ريال..
عموماً لما توصل دمشق خذ تاكسي على الفورسيزون،قيمة التاكسي من 1200 الى 1500 ليرة بالكثير، يمكن يزود السعر لما تقول له الفور سيزون لكن لاتدفع أكثر من المبلغ اللي ذكرته قبل قليل ولما توصل الفندق احكم عليه بنفسك، ممكن تجلس في الكوفي شوب و تشرب القهوة بعد الوصول.. اذا ما ناسبك تاخذ تاكسي ب 25 ليرة الى فندق الشام ..
هذا رأيي وأنت صاحب القرار الأخير، طبعاً أسعار الفنادق غالية لكن أنت ظرفك خاص وهو الإبتعاد عن ضغط العمل وكمان الفترة اللي بتقضيها هناك قصيرة،.

بالنسبة لي لوكنت بدالك ماآخذ شقة الفندق افضل وآمن أكثر وبيريحك من اللف والدوران على الشقق وراح تضيع اجازتك السريعة وانت تدورلك شقة ومدري تعجبك من داخل ولا لا
فندق الفور سيزن مادام ماعندك مشكلة بالميزانية مثل ما قلت خمس آلاف تكفيك وزيادة
وهذا الفندق اكيد بيعجبك جديد ونظيف وموقعه بوسط البلد ليه متردد منه
عموما : أجازتك قصيرة لا تضيعها على الفاضي والقرار راجعلك بالنسبة للفندق ؟
خذلك معلومات من موضوع الاخ النورس العربي المثبت فوق وهو رح يفيدك جدا
بالنسبة للفنادق
تحياتي لك وتروح وترجع بالسلامة