1. السلام عليكم ورحمة الله وبركاته ..


2. قلت خلاص الوجهه الاولى هي السويد .. ستوكهولم


3. حلو الاحساس انك في مكان بارد ومغيم في عز الصيف ... احساس فعلا نفتقده


4. .. بدت اجرائات المطار

السلام عليكم ورحمة الله وبركاته ..

كانت الدول الاسكندنافيه بالنسبه لي مكان يستحق التفكير فيه وزيارته ... كنت متردده ومحتاره بين الدنمارك كوبنهاجن ، ستوكهولم ، اوسلو او روسيا ... والسبب في اختياري هذه الدول او المدن هو اكمال مخطط سفرتي الصيفيه ...
قريت بصورة عامه عن هالمدن استثنيت روسيا لانها تحتاج فيزا خاصه وغير سالفة الامان ..
قريت ان ستوكهولم فايزه كاحد احسن 10 مدن في العالم ..
فعلى طول

قلت خلاص الوجهه الاولى هي السويد .. ستوكهولم

والحمدالله القطرية تسير رحلات الى ستوكهولم ومدة الرحلة 5 ساعات تقريبا ..
طرنا من الدوحة الى ستوكهولم وكانت الرحله خفيفه جدا ماحسينا فيها ولا تعبنا ووصلنا الى ستوكهولم الي من اول مانزلنا فيها وشفنا جوها من شباك الطائرة انبسطنا جدا ولما اعلن الكابتن ان درجة الحرارة 18 درجة سيلزيه وجوهنا صارت هكذا .

حلو الاحساس انك في مكان بارد ومغيم في عز الصيف ... احساس فعلا نفتقده

.. بدت اجرائات المطار

كانت فيزنا من السفاره الهولنديه (( فيزا شنغن )) ووقت التشييك عالجوازات .. الشرطي الي ختم جوازي ماسألني اي سؤال ... لكن الشرطي الي الاخر وقف بنت خالتي وتم يسألها ليش فيزتكم من الهولنديه .. قلت لها تقول له لان احنا بنروح هولندا اطول مده في الرحله (( طبعا كذبه لاسكاته )) طلب حجز الطيران وشاف العوده من زيورخ .. فقالت له لان عقب هولندا بنروح زيورخ .. وطلب حجز الفندق قلت له ماعندنا ورقه مطبوعه بس عندنا رقم الحجز .. وبعد مليون سوال ختم الجواز وخلاهم يعدون ...
والحمدالله مرت الامور بسهاله ورحنا استلمنا شنطنا واتجهنا الى بوابة الخروج ..
يتبع