توبليرون
10-12-2022 - 03:55 pm
السلام عليكم احبابي اعضاء وزوار البوابة الكويتية
اليوم جبت لكم مكانين وان شاءالله يعجبونكم
اول مكان
سبونز
ومركز سلطان
نبدأ بسبونز وهو مجمع مطاعم يقع في منطقة ابو حليفةعلى الشريط الساحلي
يتكون من عدة مطاعم وفيها جلسات داخلية وخارجيه ومع الاجواء الجميلة
القعدة برة تهبل ....
رحنا لمطعم فرايديز للعشاء ....تدرون خل نشوف الصور ونتكلم عنها
مطعم فرايديز من الخارج
منيو فرايديز...نشوف طلباتنا
بيبسي كولا ...شوفوا ترى بس للعشاء اشرب بيبسي
المقبلات من 3انواع ..بطاطس محشوة بالجبن...واصابع الجبن ..وشيكن وينجز
على ما توصل الطلبات .... نصور
النافورة جدامنا لان احنا قعدنا برة والجو كان روعة ..
الطبق الاول ...تشيكن مشروم لبنتي
الطبق الثاني ...باستا لبنتي الثانية
الطبق الثالث ...تشيكن مشروم نفس الاول الاختلاف في نوع البطاطا
الطبق الاخير طبعا طبقي ...ستيك مع المشروم و لوبستر
وهني نشوف النافورة مرة ثانية....مع الشارع والبنايات اللي تطل عليها
والحين نشوف المطاعم الموجودة ...ونظرة عليهم
مطعم فيش ماركت ...
مطعم آشاز الهندي
بعض المطاعم الموجودة ...مثل شوكليت بار ...ميس الغانم ...فات بورغر
والقعدات الخارجية ...
صورة اقرب
هني جهة فرايديز
وهني تحسون ان المواقف مو كافية وما تقدرون تصفطون السيارة
بس تدرون ان في خدمة الباركينغ للسيارات وبلاش بدون دينار خ
المهم ان حسابنا بالمطعم طلع
والحمد لله على النعمة
نشوف الحين مكان ثاني وهو فرع جديد لمركز سلطان ويقع في حديقة الشعب
وعنده كذا مطعم وكلهم بمدخل الحديقة وعند المواقف الجديدة...يلا نشوف بس
سامحونا ترى الصور بالليل
اعلانات منتزه الشعب الترفيهي
المواقف فاضية ...لانه يوم من ايام الاسبوع
المطاعم الموجودة بالقرب من مركز سلطان تكاو بل وماكدونالد.... وهي مفتوحة من داخل على
مركز سلطان وبعد في مطعم تابع لمركز سلطان نظام بوفيه ومطعم بيتزا
منظر عام للموقف والملاهي ومركز سلطان
وهني بعد ما طلعنا بوابة حديقة الشعب
بقولكم عن مركز سلطان هني وايد حلو وهادي وتحس انك بسوبر ماركت اوروبي
لتنوع البضايع وطريقة عرضهم .......ويتكون من دور واحد بس
ان شاء الله استمتعتوا بمتابعتي لهذه الاماكن
وترقبونا لكل ما هو جديد
تحياتي ام يوسف
رحلتي الى الكويت
