سؤالي بسيط .. ما يخذ من وقتكم دقايق ..
غريبه مافي أحد حاب يتعاون ويرد علي ..
تصلح للسكن أو لا؟ واذا لا ليش؟

أنا ما أدري ليش الناس ما فيهم صبر
أكيد لو فتح المنتدى أي عضو وعنده إجابه ما راح يبخل بها
شكلكم تعتقدون أن المنتدى فيه ناس فاتحينه وعندهم أجوبة مجهزينها وقاعدين ينتظرون بس أحد يسأل ويجاوبون
عموما
سالفادين تبعد عن زيلامسي في حدود 10 كلم ويوجد بها 2 سوبرماركت كبار وهي أكيد مناسبة للسكن

مثل ما قال بو خالد فيها سكن وبعض الخدمات,
لكن لو تخلون السكن بكابرون وهي اقرب لزيلامسي, خمس دقايق وواصل,
وكابرون رخيص السكن فيها, سكنت بشقق لمدة ست ليالي ب 1250 ومن احلى ما يكون, وفيها خدماات.
تحياتي

zaman99s
السلام عليكم ورحمة الله و بركاته ،،
أخوي .. مشكور و ما قصرت على الرد ..
وانا يوم سألت متأكده أن أعضاء المنتدى ما بيبخلون علي في الرد ..
بس الوقت اللي سألت فيه كان في فندق عاجبني و فيه آخر غرفه للحجز ..
حبيت اتأكد من الجواب و احجز عن تروح علي ..
ع العموم مشكور مره ثانيه ..

أبو مريم 84
أخوي أبو مريم ،،
الحمدالله على السلامه و ان شاءالله كانت رحله سعيده ..
أنا أفضل كابرون .. لكن للاسف كل الفنادق الممتازه فل بوقت رحلتي ..
ولها السبب فكرت بمناطق ثانيه مثل ماريا ألم ، بادجاستن ، بادهوف جاستن ..
بس ما لقيت فندق عجبني إلى بسالفدين ..
ولهالسبب سألت عن المنطقه إذا تصلح للسكن .. وبعيده أو لا ..
تنصحني فيها؟
ننتظر تقريرك ،،

الله يسلمج أختي نبضة قلب,
وان شا الله يمديني هالايام اكتب تقريري وتستفيدين منه,
بالنسبه لسالفدين للاسف مارحنا فيها, لان تعرفين اغلب الناس تروح فيها للزحليقه الصيفيه,
لكن قبل ما اروح شيكت على موقعهم ولقيت انها مسكره من 15 اكتوبر تقريبا,
وعلى حظنا احنا وصلنا كابرون في 16 اكتوبر, وش هالقراده هع..
فمارحت لسالفدين لكن قرأت عنها وان فيها اشياء حلوه حتى غير الزحليقه, سنترها حلو..
الزحليقه ركبنا اللي بكابرون, نسيت وش سمها والله, حلوه ..
لكن بصراحه ماعلى الزحليقه اللي بهشتات, روعه شي مو طبيعي..
هشتات لو تقدرون تضيفونها بالجدول, يا انها روعه والله. 80 كيلون من سالزبورغ
0كيلو يمكن من كابرون, بس تستاهل.. انا رحت لها من كابرون..
بالنسبه لكم, فيه منطقه اسمها فوش, تبعد عن زيلامسي 11 كيلو , مريت عليها بس للتمشيه... قريه روعه
خصوصا ان سفرنا كان بخريف, الوان عجيبه بالشجر اصفر احمر اخضر (اشارة مرور هع)
فيها خدمات, واتوقع ان السكن فيها رخيص..
بالنسبه الشقق اللي سكنتها بكابرون, حلوه ورخيصه , تستاهل اكثر,
لكن على حظنا صرنا بالدور الثالث, هي ثلاث ادوار ومافيها لفت..
موقعها حلو وتطل على الجبل..
بالنسبه لي اشوف المشكله الوحيده تكرمون في دورة المياه..
مفصولين عن بعض فقط..
ان شاء الله قدرت افيدك
تحياتي

مرحبا ابو مريم ،،
ممكن تعطيني اسم القريه فوش بالانجليزي، ماعليك أمر. ..
وممكن احداثيات الزحلاقيه اللي بهالشتات ..
أنا افضل السكن بفندق لان نحن شخصين وما معنا اطفال .. و خدمة التنظيف اليومي ضروريه بالنسبه لي ..
شاكره ردك و مشاركتك .. واكيد فدتني ما قصرت ..

الزحليقة الصيفية في قرية Abtenau
Sommerrodeln in Abtenau
الاحداثية N47 33.371 E13 21.003
معذره هي مو بهشتات, هي بقريبه قريبه من هشتات, انا بعد ماطلعت من هشتات, مريت على الزحليقه
بالنسبه لاسم قرية فوش بالانجليزي
Fusch
تحياتي لك

الله يعطيك الصحه والعافيه