السلام عليكم اختي
بالنسبه لنقطة الوصول ماادري ليه مختاين فرانكفورت ( هل فيه سبب ضروري لها ) لان المسافه بتصير بعيده عليكم شوي
من رأيي تخلين نقطة الوصول ميونخ ومن ثم نزولا على النمسا مرورا بسالزبورغ وزيلامسي والمناطق القريبه منها وماشاء الله مدة الرحله زينه وتكفي وتزيد وبتستمتعون ان شاء الله في رحلتكم
وبالنسبه للفعاليات كلها مفتوحه وروحتكم في بداية الاجازة الصيفيه والجو بديع ورائع في هالوقت من السنه في اوروبا عامة
واي خدمة او استفسار تفضلي

فارس الجبيل
والله الوصول بسبب ان زوجي لايريد الا الخطوط السعوديه
والخطوط السعوديه لا تنزل الا لفرانكفورت وبرضو السعر ممتاز فيها
هل ممكن تجد لي حجز لميونخ لنا 3 بالغين وطفلين 6-2 سنه بسعر 8000 ريال ؟!
وبرضو ايضا الكل مدح فرايبوغ
وش الحل طيب معناته ان خطتي للرحله متعبه كذا ؟
وهل الطرق بالمانيا متعبع وصعبه لان زوجي اول مره يسوق فيها
احتاج نصائحكم لان التذاكر لازم اقصها اليوم ولا تروح علي

والله يااختي سعر التذاكر مغري بصراحه .... الطريق ممتازة في المانيا وخاصة الطرق السريعة واذا انتم من هواة السفر بالسيارة مااعتقد ان بعد المناطق سيكون حائل للوصول للهدف المنشود بالعكس انا شخصيا افضلها عن اي وسيلة مواصلات اخرى
في سفرتي مشيت بالسيارة مايقارب 4800 كيلو متر والحمد لله استمعت برحلتي لله الحمد من ميونخ لباريس مرورا بكذا دولة ومنطقة ... لهذا توكلي على الله وشوفو وش الانسب لكم
ياليت تحددين المدن اللي تبينها او تفضلينها للسكن وبعدها نشوف وش الانسب والاريح لكم بأذن الله

شوفي اختي هذا خط سيركم
http://maps.google.com/maps?hl=ar&tab=wl
ماتلاحظين ان الشغله ملخبطة شوي يعني من فرانكفورت الى فرايبورغ 280 كيلو تقريبا وبعدين بتروحون على زيلامسي وهي بعيده شوي يعني تقريبا 400 كيلو وبعدين بترجعون لفرانكفورت مرورا بميونخ !!! ماادري احس انها تعب شوي ومصاريف بتكلفكم زيادة ( مثل حجز تذكره على قولتك طيران داخلي من ميونخ الى فرانكفورت ) يعني الي بتوفرونه من قيمة التذكرة السعودية بتخسرونه بمواصلات اخرى !!
انا اشوف تخلينها خط واحد يعني اذا مصره تبين فرانكفورت تكون كالتالي فرانكفورت --> فرايبورغ --> زيورخ--> انترلاكن مثلا لانها اقرب واذا حبيتي تزورين مدينة اخرى ماعليك الاتحدديها على الخارطة وتشوفين طريقها
وبعدين تشوفين نقطة للعودة اقرب مثلا الوصول فرانكفورت والعوده من جنيف او من زيورخ لجل مااتتعبون بالرجوع لفرانكفورت وتستمتعون بمدن اكثر واحلى من وجهة نظري
هذا والله اعلم وان شاء الله الاخوان اللي زارو هذه المناطق مايقصرون وبيوصفون لنا اذا هي تستاهل او لا
هذا والله ييسر امركم ان شاء الله

فارس الجبيل
الله يجزاك خير لتعاونك معي
لا خطتي فرانكفورت - فرايبوغ - ميونخ -زيلامسي- ثم نرجع لميونخ لتسليم السياره وركوب طائره لفرانك ونجلس كم يوم وبعدها العوده للوطن
او فرانكفورت -فرايبوغ- ميونخ- زيلامسي -فرانكفورت وكلها بالسياره
وش رايك ؟؟
وترى فرق التذاكر كبير لقيت اقل شي حجز لميونخ كلنا لخمس اشخاص ب16000 !!!
اما ررحلتي بالضبط بالضبط 7701
وش رايك ؟؟

من فرانك لفرايبوغ --> ساعتين ونص
ومن فرايبوغ لميونخ --> اربع ساعات
ومن ميونخ لزيلامسي --> ساعتين ونص
ومن زيلامسي لفرانك --> خمس ساعات
درستها كذا او اني ارجع بطيران لفرانك زي إذا رجعنا بماليزيا من لنكاوي لكوالالمبور وجلسنا كم يوم ورجعنا للوطن

طيب شرايك ماادام وصلتو لفرايبورغ كملوها لزيورخ وهي على طريقكم للنمسا
http://maps.google.com/maps?hl=ar&tab=wl
يعني فرانكفورت + فرايبورغ + زيورخ + انسبروك + زي لامسي + ميونخ + فرانكفورت وكلها بالسيارة راح تطلع كامل المسافه 1200 كيلو اذا فيكم شدة الله يقويكم تصير رحلة طويلة ( انا شخصياً مااحبذها لان معكم اطفال والتنقلات كثيرة ستكون ولكن فيه ناس تحب التنقل !!هذا شي راجع لكم انتم والي يريحكم سووه ) . او تسلمون السيارة في ميونخ مثلا وتطلعون بالطيران الاقتصادي وهذا اكيد اريح
وفرق السعر حتى لو كان كثير شوي بتصرفونه في السكن اذا بهالطريقة بتكون
والله يااختي ماابي احيرك زيادة لكن جربو غيروا من السعوديه عندكم المصريه اسعارها حليوه وتروح كذا منطقه على مااعتقد او التركية وانتي براحتك استخيروا بالله والله يوفقكم
وتدرين توكلي على الله لجل ماتحتارين زيادة حلو مخططك
زي ماقلتي كملوها لميونخ ومن هناك طيران لفرانكفورت
عليك الحين تحددين نقاط المبيت لجل تبدين تختارين السكن وشوي شوي بتخلصين من كل شي ويصير تنتظرين موعد السفر بس واموركم جاهزه من بدري
احلى شي انتظار وقت السفر وامورك كلها جاهزة وناسه الله يسعدكم ويحفظكم

فارس الجبيل
الله يجزاك خير عالرد السريع وتعاونك معي
لا والله مابي تنقلات كثير عندي امسك خط احسن من اني كل شوي انزل منطقه
وبالنسبه للخطوط العربيه رافضها زوجي بتاتا بسبب الأوضاع عندهم والتركيه غاليه جدا مالقيت فيها سعر كويس
وبالنسبه لنقاط المبيت اول شي
فرانكفورت راح يكون المبيت بالبدايه او بالنهايه لم اححد ذلك للان !
المبيت الثاني فرايبوغ
المبيت الثالث ميونخ
المبيت الربع زيلامسي
ثم العوده لميونخ لتسليم السياره وطيران لفرانك او نعود بسيارتنا >> هذي النقطه يحددها زوجي
بس كيف راح اقسم الأيام مارأيك؟؟
وبس احدد مساري راح احجز السكن والسياره وكل شي بدرري وارتاح ولا عاد افكر الا بموعد طيارتنا

عندك 17 ليله ممكن تخلون المخطط
فرانكفورت وصوول فقط - 4ليالي رست اوفرايبورغ - ليله قارمش - 7ليالي زيلامسي - 4ليالي ميونخ - ليله فرانكفورت
قارمش للراحه لان المسافه طويله بين رست وزيلامسي
رست الى قارمش 5 ساعات
من قارمش الى زيلامسي 3 ساعات
من زيلامسي الى ميونخ 3ساعات
من ميونخ الى فرانكفورت 4ساعات
لوتبغين رايي تخلين الوصول فرانكفورت والعوده ميونخ يعني تروحون بطيران غير السعوديه عشان تقللين التنقلات شوي