السلام عليكم ورحمة الله وبركاته
انا أمورة جديدة في منتداكم ومحتاجة مساعدتكم لدرجة ما تتصوروها
أنا عروسة ملكة وزواجي في رجب 1430ه / july 2009
وأنا وزوجي مقررين نسافر أسبانيا شهر عسل بس حابين مساعتكم ووقفتكم معانا
إحنا نبغى منكم تسوولنا جدول الرحلة مع شوية طلبات حنتعبكم فيها شوية بس بليز اتحملونا
مع العلم انو رحلتنا حتكون من مطار الملك عبدالعزيز بجدة
1- كم تكلف الرحلة مع التذاكر اذا كانت 20 يوم
2- كم تكلف الرحلة مع التذاكر اذا كانت اسبوعين
3- كيف الطقس في كل منطقة في الجدول
4- اسعار الفنادق 4 أو 5 نجوم
5- ايش الوجبات اللي داخلة مع البكيج
6- ابغى ليلتين في جزيرة
7- وكيف يتأكد مسار الرحلة ومن فين
8- اتمنى مع الرحلة تعطوني اسماء مطاعم واماكن ترفيهية وكفيهات واسواق ومعالم تاريخية جميلة
9- كم ساعة الرحلة وهل في ترانزيت في أي بلد قبل ولا لأ
10- هل في مجال انو الرحلة لاسبانيا تكون اسبوعين والاسبوع الثالث تكون في فينيسيا ومو مشكلة لوكان العكس يعني اول فينيسيا وبعدين اروح على اسبانيا مع الطلبات اللي فوق لدي الرحلة كمان ومرة مشكورين يا احلى منتدى
مع خالص تحياتي وشكري ومن جد اتمنى انكم تردوا عليا منونة حبيبها