جنتق يكفيها زياره من الصباح حتى المساء واضيفي اليله على بورت ديسكون او على لنكاوي جزيرة العرسان وانشالله يفيدوك المشرفين اكثر

أبوسعود222
مشكوره اخوي ابوسعود لكن تعرف الجو حر ولاني سمعت جو ماليزيا بشهر 6 يونيو حر ورطوبه ماادري وحبيت نزور جتنق واجلس فيها ليله
مدري !!! ازود ليله على لانكاوي وتصير 4 ليالي وكوالالمبور اخليها 3 ليالي

هلا أختي الكريمة ( نوال )
أسأل الله لك التوفيق أختي الغالية ... في رحلتكم القادمة ...
الجدول حلو ومرتب ... لكن يحتاج حركة فنية ...
ألغي ( البورت ديكسيون ) ... ويصير الجدول كذا :
يومين سلانجور - ثلاثة لنكاوي - يومين جنتنغ - أربعة كوالا
ميزة هذا الجدول :

• سهل في التنقلات ... ومريح جدآ ... والمسافة بين كل هالمدن ( أقل من ساعة )
• متنوع مابين ( سلانجور الراقية - ولنكاوي البحر والسحر - جنتنغ الطبيعة - كوالا المدينة العصرية )
• طبيعة البورت ديكسيون مثل ( لنكاوي ) ... وغير كذا ترتاحين من المشوار لها ...

اهلن وسهلن فيك اخوي وافي
انا متابعه مواضيعك ومشكور على جهدك في الموقع كامل وردك على موضوعي
اوك حلو تم
طيب الفنادق اخوي ودي تكون نظيفه واسعارها مناسبه
وجزاك الله كل خير انت وجميع المشرفين والاعضاء

هلا اختي الكريمة ..
ارشح لك الفنادق التالية :
سلانجور ( فندق البيراميد او إمباير )
لنكاوي ( فندق لنكاوي لاقون او هوليدي فيلا )
جنتنغ ( فندق الفيرست وورلد او آوانا )
كوالا ( فندق الرويال شولان او الدورسيت ريجنسي او فيوراما )
وافي

الله يجزاك كل خير
فنادق لانكاوي داخل المدينه صح ؟
وترتيبك للفنادق معناها الاول هو الافضل
وياليت لو سمحت الجدول اليومي
معليش تحملني كثرتها عليك

هلا أختي الكريمة ..

• فندق ( لنكاوي لاقون ) ... يقع على شاطي ساحر ... ولنكاوي أصلا جزيرة تحيط بها المياة من كل مكان
• الفنادق اللي رشحتها لك ... مثل بعض ... ومن باب التتويع ذكرت لك كذا فندق
• الجدول اليومي ( أبشري به ) ... موجود ... راح أكتبه بعد أنتهاء الحجوزات لاتشيلي هم أختي الغالية

هلا اخوي وافي لقيت اسعار حلوه في موقع اقود
لكن ماادري انا احجز الان او انتظر المعرض اللي يكون فيه خصومات
لقيت اسعار حلوه اشوفها خياليه لكن مدري وش الراي
مثال لقيت فندق هوليدي فيلا في لانكاوي في تاريخ 16يونيو حتى 19 ثلاث ليالي في 521 ريال مو مصدقه يعني الاجمالي 521 لثلاث ليالي
ومثال ثاني لقيت في جنتنق ليلتين في فيرست ورلد من 19 الى 21 ليلتين
موقع اقود غرفة ديلوكس سوبريور بسعر269 ليلتين
وتحتها نفس اسم الغرفه بسعر 299 مدري وش الفرق وهل اسعارها مناسبه
او انتظر المعرض

هلا أختي الغالية ...
والله الأسعار طيبة وممتازة ... لكنه بدون الضرايب 16%
أنصحك بالحجز منه مباشر ... وماأعتقد سعر المعرض أفضل منه