السلام عليكم ورحمة الله وبركاته اخواني واخواتي ...
باذن الله بتكون زيارتي لبروكسل والدول المجاوره لاول مره وبيكون السكن في بروكسل لمدة 6 ليالي خلالهم بزور دول مجاوره وبرجع في نفس اليوم
كما يلي : يومين لبروكسل + يوم دوسلدروف + يوم كولون + هولندا
وطبعا محتاره ومافي مجال اضيع اي وقت لان المده قصيره واريد اغطي كل شي
ياريت تساعدوني .. في يوم من الصبح لحد المساء في هولندا واكيد العوده لبروكسل
ساحة الدام سكوير + الطواحين + مصنع الجبن + متحف الشمع مدام تيسو
حسب اغلب التقارير هاي اكثر مناطق سياحيه في هولندا فياريت تعطوني رايكم
بالاضافه ياريت العناوين باالانجليزي والاحداثيات لهم .. وهل يكفي يوم واحد اغطي هالمناطق .. وارجع بروكسل
بروكسل حددت فيها هالاماكن ..
ميني يورب + ATOMIUM الأتوميوم
Garden of theChinese Pavilion الحديقة الصينيه
المتحف الياباني Garden of the Japanese Tower
قصر THE ROYAL RESIDENCE
متحف الشوكلاته MUSEUMOF COCOA AND CHOCOLATE
حديقة نصب الأقواس الثلاثة parc de Cinquantenaire Jubilee Park
متحف العلوم الطبيعية و الدينصورات Natural sciences museum
متحف السيارات AUTOWORLD
طبعا ساحة Grand Place هاي مقر السكن فيها فاكيد بتمشى فيها وايد
اتمنى ترتبون لي جدول ليومين في بروكسل من هالاماكن يكون حلو واقدر اغطي
اهم المناطق السياحيه فيهم لاغلب هالاماكن .. وياريت تعطوني فكره عن الاهم والافضل
في هالاماكن المذكوره يعني اجباري ازورها لان مااريد اضيع اي وقت على شي مايسوى
وياريت تساعدوني بعد في اهم المناطق في كولون ممكن ازورها في يوم
واهم الاماكن في دوسلدروف ممكن ازورها في يوم
ادري مزعجة وطلباتي كثيره بس عشمي فيكم كبير وادري مابتقصرون وياي
تحياتي وشكري واحترامي للجميع