مرحبا الساع
اذا تبي تسير بوكيت لازم تطير مو تسير لان بوكيت تروح لها بطياره من مطار بانكوك الداخلي ومده الرحله ساعه كامله انصحك في بوكيت لانها جميله جدا وفوق الخيال وتقدر تاخذ الفندق مع التذاكر والمواصلات من المكاتب الموجوده في المطار وياكثرهم وانصحك في هوليدي ان باتونج بيتش روعه وسعره مو غالي
اما عن بانكوك اذا تبي العرب وياكثرهم هناك عندك منطقه سكومفيت او شارع نانا كله عرب من مطاعم ومحلات وبضايع وبخور وكل شي يطري على بالك
اتمنى اني افدتك يا ولد دبي

تطلع بوكت على طيران
بانكوك
التايلندية
ون تو قو
اسيا
خطوط كثيرة تقدر تطلع على بوكت .
السكن في بوكت
عندك هوليدي ان تقريباً 80 دولار اكثر شوي يمكن
واذا انتو شباب
فيه فندق نظيف وهادي على البحر في الباتونق بيتش
اسمه ( باتونق باي قاردن )
هذا سعره تقريبا 130 ريال باليوم .
وجنبك كل شي .
رحلة موفقة .

السلام عليكم
مرحبا الساع
عندي بعض الاستفسارات عن تايلند
انا بسير مده 11 يوم تقريبا من 144 كيف ارتب الرحله شو احسن المناطق الي عندهم
في بنكوك كم يوم ايلس ووين الاسواق شو الفنادق الزينه الجريبه من المدينه يعني في حركه وجي ونظيفه وامان
شو المنطقه الي فوق الجبل وبارده وحلوه شو اسمها وكيف اتنقل بين المناطق لاني اول مره اسير وما اعرف شي
فساعدوني السفر السبت الياي

دبي7887
من اجمل المناطق في تايلاند بعد بوكت ( مدينة شنقماي )

حجزت في هوليداي ان ب 570 ريال سعودي الليلة 80 دولار جان زين
في بانكوك في اماري ووتر جيت ب 730 ريال الليلة هل الاسعار هذي غالية والله اني اشوفها غالية
تقولون بانكوك رخيصة والسكن وايد غالي

اماري ووتر جيت موقعه جريب الاسواق بس غالي
اذا السفرة بغرض التسوق فيه فنادق رخيصة
فندق جراند دايموند موقعه مناسب وسعره مناسب
http://www.sawadee.com/hotel/bangkok/granddiamond/pictures.html
أو بايوك سكاي
http://www.sawadee.com/hotel/bangkok/baiyokesky/pictures.html

مشكورين ع الرد والله صدق ما قصرتو

والله بانكوك ماعادت مثل اول غلت وصارت نار