نشر في سويسرا

ساعدوني جدول شهر عسل

classic_yaya

24-04-2022 - 11:36 am

"
السلام عليكم اخواني واخواتي ..
اهنيكم على هالمنتدى الرائع جدن .. المرجع الاساسي لاي مسافر ..
حابه تساعدوني ببرنامج لشهر عسل في سويسرا لمده 15 يوم ..
ووشي افضل المناطق اللي لازم نزورها ...
المناطق اللي نبي نروح لها نبيها خضرا وارياف وبحيرات ..
وابي اماكن فيها اوت لت
مصانع تشوكلت
واهم المعالم هناك ..
وفي تقرير للعضوه سويس هايدي .. في منطقه هي كانت زايرتها وكانت بمطعم شكله زي الكوخ ولما طلعت من المطعم اكلت بطاطس مشوويه واشياء زي كذا ..
دورت على هالشي بالتقارير ماللقييته ..
فياليت اللي يتذكر وش هالمنطقه والمطعم يقوولي ..
طبعا في منطقه جميله فرنسيه ابي نروح لها وهي انسي الفرنسيه
ياليت تساعدوني بالجدول ..
الرحله راح تكون في سبتمبر ..
وشكرا جزيلا لكم ..

التعليقات (9)

لتين

24-04-2022 - 02:36 pm

5 ايام جنيف = زيارة الشامونيه - آنسي -ايفيان ولوزان - زيارة مصنع التشوكلت والجبن
6 ايام انترلاكن = شلال تروميل باخ واخن باخ - قمة جنقفرو - بلو سي واوشن سي - زيارة لوزيرن نهار كامل - زيارة شلالات الراين
3 ايام لوقانو = ومنها زيارة بحيرة كومو الايطالية - زيارة ميلان
لوقانو فيها الفوكس تاون وفيه اوت لت قريب من جنيف ممكن تزيدون يوم فيها لزيارته
وياليت تقولين لنا الذهاب على وين والعوده من وين

classic_yaya

24-04-2022 - 03:37 pm

الله يعطيك الف عاافيه ..
م ماتحسين ان جنيف 5 ايام كثيرر ..
ودي بس ازور انسي بفرنسا وخلاص ..
واحس المناطق اللي ذكرتيها قليل .ياليت اذا مافيها كلافه تقترحين اماكن اخرى
يعني مثلا انسي يوم او يومين
والباقي منطقه ثاانيه .
وودي اروح اكبر عدد ممكن من المنتاطق
الذهاب والعوده مدرري لساا ماقررنا شي ..
اختي الحين لوزان والشامونيه بسويسرا والا بفرنسا ؟
ترا ماعرف شي
ياليت تساعديني
الله يعطيك العاففيه

لتين

24-04-2022 - 04:38 pm

شوفي هذا الفوكس تاون من الأخت سويس هايدي
https://artravelers.com/p/re/245934
بالنسبه للمناطق اللي ذكرتها الشامونيه وآنسي وايفيان فرنسيه - ولوزان سويسريه
ايفيان تزورينها مره وحده اذا رحتي لوزان وتمشيتي فيها تطلعين من بحيرتها لإيفيان
آنسي يكفيها نهار كامل تروحين من جنيف الصبح وترجعين اخر النهار لجنيف
يعني كل المناطق اللي ذكرتها لك تروحينها من منطقة السكن سواء جنيف او انترلاكن
بس مافهمت انتي ماتبين الا آنسي فقط ؟؟ طيب كيف تبين تزورين اماكن كثيره وماتبين الا آنسي
ياليت توضحين اكثر

لتين

24-04-2022 - 05:39 pm

طيب شرايك ماتفكرين بباريس ؟ وتكون 6 ايام باريس و 4 جنيف و 5 انترلاكن ويصير الذهاب والعوده من باريس او جنيف
او ممكن جنيف 4 ايام و 5 ايام انترلاكن و 3 ايام بادن بادن الألمانيه ومنها زيارة يوروبا بارك و 3 ايام لوقانو

classic_yaya

24-04-2022 - 06:40 pm

اللي اقصده ان بفرنسا بس ابي ارووح لانسي فقط ..
والاماكن الكثيره اللي ابي اروح لها بسويسرا ..بيت هايدي والبحيره الزرقاء هذي باي منطقه ؟؟
ياعمري بتعبك معي ..
عندي استفسار انسي لو بروح لها اقدر اروح لها بالقطار ؟
ياليت توضحين لي اكثثر ..
هل لو رحت للمناطق اللي قلتيها بفرنسا ... التكلفه هي نفسها لو تنقلت بين مناطق سويسرا ؟؟
والا تحسب لي دوله جديده ورحله وتذاكر وكذا ؟؟
اسسفه جدا اختتي

classic_yaya

24-04-2022 - 07:41 pm

لتين
م ماتوقع مميزانيتنا تكفينا لو رحنا بااريس ..
انا ابي مناطق ريفييه اكثر
انا بس ابي سويسرا فقط وانسي اروح لها يوم وارجع لسويسرا

لتين

24-04-2022 - 08:42 pm

المناطق اللي ذكرتها اكيد بتكون نفس التكلفه واللي يروح لجنيف لازم يزور المناطق الفرنسيه اللي حولها لأن سويسرا ميزتها بمناطقها الرئيسيه وتزورين المدن الفرنسيه او الايطاليه أو الالمانيه منها
طيب خلاص جدولك يصير جنيف وانترلاكن ولوقانو شرايك
ومن هالمناطق تزورين الأماكن السياحيه
بالنسبه للبحيرة الزرقاء هذي بمنطقة Mitholz تبعد عن انترلاكن 39 دقيقه
اما بالنسبه لبيت هايدي يقع بمنطقة maienfeld تبعد عن انترلاكن ساعتين ونص

classic_yaya

24-04-2022 - 09:43 pm

ياحبي لك اسفه ههه ترا خبصت شوي .. نسيت ان جنيف بسويسرا ..
طيب اوكي ..
يعني من جنيف اروح لانسي وبعض المناطق الفرنسيه ..
بصراحه لوقانو ماقد شفت لها صوور ..
هل هي افضل شي بعد انترلاكن وجنيف ؟؟

لتين

24-04-2022 - 10:44 pm

اذا ودك كذا يصير الجدول
4 ايام جنيف - 5 ايام انترلاكن - 3 ايام لوقانو - 3 ايام لوزيرن
لوزيرن جنب انترلاكن وتقدرين تزورينها من انترلاكن بس تحتاجين تزورين القمم اللي فيها واقرب من انترلاكن ومنها تجربين السكن هناك حلو
تفضلي هذا الموضوع عن لوقانو

سويسرا المسافرون العرب

ساعدوني جدول شهر عسل