Bascheel
07-10-2022 - 03:32 am
مساء الخير على الجميع
تحيه طيبه لجميع منتسبي هالمنتدى اللي اكثر من روعه بصراحه بصراحه الشكر موصول لكل شخص ساهم في نجاحه
عشان ماطول السلافه انا اتابع هالمنتدى من زمان عمري ماسجلت لأنه مو من زود سفراتي
اليوم ياييه ابشركم بسافر لبنان ,,,, وحابه منكم ياناس يالطيبين اذا ن تقدرون اتفيدوني
أولا بسافر لأني فتحت محل شوكلا وزهور في البحرين وكان الافتتاح الرسمي في يوم الفلانتاين
وحابه اتميز عن باقي المحلات لأنه مخططي اللي راسمته في بالي اني اسوي اسم علامه تجاريه للشوكولا لو اسافر للمريخ ههه وثانيا بالأيتم ابيه يكون راقي واسعاره في متناول الجميع
احتياجاتي تجاريه وقلت يمكن اللي نزل على لبنان يفيدني بالأماكن اللي ممكن اشتري منها شغلات المواليد واكسسوارات الأعراس وكافة المناسبات وطبعا ادور على مطابع لعمل اكياس وعلب
وارواق تغليف وكل شي كل شي خاص بطبيعة النشاط التجاري
اتمنى تفيدوني ماعرف حد باروح بجهود خاص اذا تفيدوني بأرقام شقق او فنادق سفرتي حد اقصى 10 ايام بين لبنان وسوريا واحتاج شوفير
وماعرف اي احسن انزل على فندق او شقق مفروشه
وسامحوني ادري طولت بانتظار ردكم بأذن الله
وسلام يالغالين
يمنع طرح الايميلات الشخصية
المراقب
