1- افضل منطقتين لزيارتهم : اذا يهمكم الطبيعه توجهوا للشمال مثل سان سيباستيان ولو يهمكم المدن برشلون اسبوع ومدريد 3 ولو تحبون التراث او الاندلس فعندهم مقاطعه اندلوسيا وفيها ملقا وماربيا وومكن تسوون مكس مدريد ملقا ماربيا او برشلون سان
2- الجو في اسبانيا من 1سبتمبر لمدة عشر ايام : حلو
3- افضل الطيران من البحرين الى اسبانيا وافضل الاسعار : ارخص خاجه بتلقونها التركيه ومدري طيران الخليج وش اسعاره
4- افضل السكن شقة او فندق واهم شي السعر يكون معقول مابي غالي ابي اسعار جدا مناسبه : عيالكم كثير شوفوا شقه بس ماراح تكون بنفس فخامة الفندق
5- افضل الاماكن زيارتها للاطفال والكبار : حددي المدينه ونقولك بعدين
6- افضل الاسواق : سيم سيم 4

mezajee_ksa
مشكور اخوي وجزاك الله الفخير عالرد
بالنسبة للمنطقة افضل زيارة برشلونة ومدريد بس ماعرف وين نسكن وافضل الاماكن والاسعار والاماكن الترفيهية للزيارة
ارجو افادتي ولكن مني جزيل الشكر

انسب واشهر الاماكن السياحيه هي ساحة كاتالونيا في شارع لا رامبلا La Rambla
وفيه مدريد ساحة قران فيا او بالقرب منها Gran Villa

هلا اختي انه صار لي يومين من رجعت من برشلونه ..
اقدر اقولج انها روعه من خلال تجربتي .. واتوقع 4 او 5 ليالي كافيه ..
الطيران في التركي وعن نفسي فضلت القطري لان الترانزيت قصير ساعتين بس فالروحه والرجعه ..
يوم الوصول راح تكونون تعبانين شوي فراح تقضونه تمشيه وممكن تروحون الاكواريوم قريب من شارع الراملا ..
في باص سياحي ياخذكم على اهم العالم والاماكن السياحيه وممكن تاخذون تذاكر ليومين متتاليين
وتخلون يوم للخط الازرق ويوم للخط الاحمر
الاسواق عندج بشارع الراملا وساحة كاتالونيا(قراب من بعض وايد) محلات كثيره ومجمع الكورت انجليس ..
ورحنا الاوت لت (la roca village) بواسطة باص يمشي من عند مول الكورت انجلس وله اوقات للروحه والرجعه
ممكن تحجزون من اي كشك باصات في ساحة كاتالونيا ..بس نصيحه لاتطولون فيه مايسوى
يعني 3 ساعات فيه اتوقع كفايه وطبعا هذا شي راجع لكم
اما السكن فعن نفسي سكنت فندق رويال وكان حلو وموقعه روعه .. لكن بما انكم عايله من 6 اشخاص
راح يصير غالي عليكم .. شفت وانه افرفر بمواقع الحجوزات هالشقه بس ماقدر افيدج فيها لامن حيث الموقع ولا
النظافه .. http://www.fendeq.com/hotel/239907/فندق-Ramblas-Residence
وعجبني فندق له فرعين قراب من بعض وهو hotel rivoli
وهذا كل شي اقدر افيدج فيه .. وسامحيني عالقصور اختي

مشكور اخوي مشرف اسبانيا عالمرور وافادتي ومشكور اخوي نواف عالمعلومات
بس اذا ماعليكم امر احنا خلاص قررنا باذن الله نروح اجازة العيد بس للحين ماعرف وين نسكن في برشلونة لان افضل شقة عشان الاطفال وابيه تكون في شارع حيوي وفيه مطاعم وسهل نتمشى فيه بليز فيدوني
وجزاكم الله الف خير

جاوب عليك الاخ نواف في الشقق فوق
مع اني اذكر ان الاخت قطريه تخالف الراي

السلام عليك ورحمة الله وبركاتة
اسعد الله صباحك بكل خير
حبيبي انا ابي اسافر مدريد يوم 9 سبتمبر باذن الله سياحة واول مرة اروح اوروبا وحاجز فندق عن طريق النت لمدة 15 يوم بمدريد ابي اعرف وش اللاماكن الي اقدر ازورها وقريبة من مدريد اقصد مدن قريبة مرة ولا القرى وليش تذاكر المباريات غالية مرة عندهم ولا فية ارخص من كذا بذات عندي ولد يبي مدريدي متعصب ويبي يشوف مباراة الريال وخيتافي وتنصحني استاجر سيارة لاني لقيت سيارة بقيمة 1000ريال مدة السفرة كلها ارجو الرد ولا تنساني من البهارات يعني المولات والمطاعم الرخيصة يعني ابي الكويس والرخيص وابيك اذا تعرف اماكن عيال عمنا طارق بن زياد وعبدالرحمن الداخل ابي ازور مضاربهم وشكرا لسعة صدرك ادري اني غثيتك بس ادري ان اليوم مزاجك مسفهل ودوم يارب

alii_9271
ياهلا فيك اخوي
بالنسبه للتمشيات في مدريد شوف هالموضوع يفيدك
https://artravelers.com/p/re/43812
المدن القريبه مره مافيه الا اقرب حاجه نوفاليوس حوالي 200 كيلو وبعدها غرناطه جنوبا 400 كيلو لكن ممكن تخصص جزء للجنوب ترى 15 يوم كثيره على مدريد وحدها اسبوع بالكثير
بالنسبه للتذاكر موب رخيصه ولكن مباراه مثل خيتافي رح يوم المباراه واحجز من الملعب مباشره بتلقى اسعار زينه لان المباراه ماتعتبر قويه ومايتعبى الملعب
مضارب الداخل وبن زياد بالجنوب تلقاهم في ملقا وغرناطه وقرطبه واشبيليه ولو استأجرت سياره بتستفيد مره بالتنقل بين هالمدن ولكن تحتاج تسكن بالجنوب 5 ايام في ملقا مثلا
سعر السياره طيب ولكنه قليل على 15 يوم مستغرب هالسعر انا .. حاول تتأكد من مصداقيه الشركه وسمعتها
الاسواق عندك هالرابط فيه لستة الاسواق ومن اهمهم كسنديو وكورت انجليس وقرية روزا
http://www.madridinfosite.com/en/shopping/madrid-malls.aspx

كل عام وانت وانتم بخير
انا حجزت على طيران المصرية ب 2828 انا و زوجتي الخط الدمام - القاهرة - برشلونة و العودة الى الدمام
انا حجزت قبل ثلاثة شهور و اتوقع السعر الحين حوالي 3740