السلام عليكم ورحمة الله وبركاته ...
الأخ خالد الفيلكاوي ...
حاليا انا موجود في بتايا وتحديدا اسكن في فندق ماريوت .. تم افتتاح فندق قريب جدا وعلى بعد خطوات من فندق ماريوت انصحك فيه وبشده حيث قمت امس ومن باب الفضول بالدخول ورؤية الغرف المختلفه حيث يتميز بالقرب من كل ماتريد وخصوصا شارع العرب وهو من فئة فور ستار كما انني قمت بالمقارنه بينه وبين غرف ماريوت فهو افضل بكثير على الرغم من ان ماريوت فايف ستار واسم الفندق FRASER RESORT وبامكانك الحجز عن طريق احد مواقع حجز الفنادق كما في الرابط التالي :
http://www.agoda.com/asia/thailand/pattaya/fraser_resort_pattaya.html?cid=1410066&urltogo=/asia/thailand/pattaya/fraser_resort_pattaya.html
كما انني انصح بعدم الحجز من الفندق مباشره حيث سعر الغرفه اغلى من موقع اقودا .
واي استفسار حاضر ولا تتردد يالغالي .
ورحلة سعيده إن شاء الله .

تسلم اخوي ابي اعرف بجم ماخذ الليله ويعني اوصل واحجز من الفندق مباشره

انا ساكن بالماريوت وليس في الفندق اللي نصحتك فيه ولكنه قريب مني وعلى بعد خطوات وهو اقرب لشارع العرب من ماريوت وبسؤالي منهم امس عن اسعار الغرف حيث الغرفه مباشره بمبلغ 2500 بات بعد الخصم ومن خلال موقع اقودا كما رايت ارخص بكثير انصحك بعمل حجز قبل الوصول من خلال الموقع ... واي شي بالخدمه موجود حاليا بالقرب منه .

تسلم اخوي وماقصرت عساك عاالقوه

انا بعد شوي بمر يم الفندق وانا رايح الماريوت وان حبيت اسويلك حجز باسمك بعدد الأيام اللي تبيها .

اي والله اذا ماعليك كلافه التاريخ من 6-11 الى 12_11 غرفه شخص واحد جيكلي جم يحسبون 6 ليالي
والصراحه منحرج منك انت مسافر تستانس مو اجيكلي مشكور حبيبي

باي اسم تبي اسوي الحجز ؟

حاضر ما طلبت شي انت تامر مع اني انصح بعمل الحجز عن طريق الموقع ارخص .. اعتبر الموضوع تم ان شاء الله وبس اطلع من النت اروح الفندق لأني قريب مو بعيد وساكن يمه ولو يسمحلي الموقع بوضع رقم هاتف او ايميل جان ساعدتك اكثر ولكن للأسف تقيد بشروط المنتدى .. الا عن طريق رساله خاصه وبيني وبينك ما اعرف شلون تصير .
اكتبلي اسمك بالأنجليزي لو سمحت علشان لا يصير غلط بالسبلنق نيم .