افا يا اخوان مافي ولا رد

20 ليله يعني 21 يوم
3 ليالي ميونخ - 3 ليالي سالزبورغ - 6 ليالي زيلامسي- 5 ليالي انترلاكن - 3 ليالي جنيف والريف الفرنسي
محطه الوصول ميونخ والاقلاع جنيف

انزين المبلغ اللي حاطه كافي

ما اعرف بصراحه بالتكاليف

اول شي انكم عزاب وهذي نقطة اكثر من رائعه ان كنتم على قلب واحد.
يعني اشوف ان تكون محطة الوصول الي فينا بالطائرة
يكون البرنامج (فينا - سالزبورغ وهنا تستأجرون سيارة من فرلايسنج الالمانيه - بعدها الانطلاق الي كابرون- وبعدها
الانطلاق الي انسبروك لتجول في ارياف سويسرا بعدها الانطلاق الي ميونخ والتجول بها وبعدها التجول في ارياف
المانيه بعدها تكون العودة من اي مطار من مطارات المانيا مثل ميونخ او شتوت قارت او فرانكفورت)
المبلغ الي انتم حاطينه جيد جداً لانكم عزاب وانصحكم بالشقق علشان توفروا على انفسكم
وان كنتم تحبون الطبخ فالموضوع احلا واحلا وراح توفرون عليكم مبالغ كثيرة.
فرنسا بعيده جداً ولكن اذا انتم تتعاونون بالقيادة ف اتوقع المووضوع راح يكون حلو
والامر بسيط , انا طلعت من زلامسي الي فينينا 444 كيلو الصباح ورجعت المغرب
الصراحه كانت متعبه لكن اذا انتم شباب فالموضوع بسيط ان شاء الله
المدة على حسب حجز الطيران المتوفر
اولاً عليك حجز الطيران بعدين الفنادق والسيارة والقطارات

جزاك الله خير
بس بنتظر رأي الاخوان اللي بالمنتدى بعد

تروحون وتردوون بالسلامه
الله يسلمك دام انتو شباب ترا شي طيب وبعدين الميزانية وايد حلوه
اول شي شرات ما قال اخوي *انسان ولهان* لو تشوفون الشقق افضل عسب توفرون وتسيرون كل مكان ولا تشيلون هم القطية
ومن ناحية البرنامج اشوف راي اختي *بنت حواء* جيد بس حبيت اني اعدل عليه وترا الموضوع يردلك
3 ليالي ميونخ - 3 ليالي سالزبورغ - 5 ليالي زيلامسي- 5 ليالي انترلاكن - 4 ليالي جنيف والريف الفرنسي
لان زيلامسي 4 او 5 ليالي راح تكفيكم دامكم شباب
4 ليالي لجنيف وفرنسا لان ليله راح تروح كلها سفر وتعب واليوم الخير راح تسافرون يعني ماراح يكون وقت اكثر فا عسب جي زدتها ليله
وان شاء الله ما راح يقصرون وياك الاخوان اذا في تعديل او اضافات
موفق

الف شكر لك اخوي
اللي بعرفه هل القطيه نوعا ما كافيه مجموع قطيتنا 4الاف دينار مايعادل50الف ريال تشمل الاكل والسكن واجار السياره فقط

توقعي انها تكفيكم وبالراحه خصوصا انكم 4 شباب