السلام عليكم اخوي انا يسرني اني ارد اول واحد وبالنسبه للسكن انا انصحك بالشقق في بودل انا جربته بصراحه روعه والخدمه 100% والنظافه كل ما تدق عليهم يجون وهاذا رقم الرسبشن ت/ 0096525757999 موقع بودل بشارع المطاعم بالسالمية شارع عمرو بن العاص في وبالنسبه للاماكن عندك المركز العلمي وذا عندك اطفال في الاكوابارك المائيه وفي مجمع الافنيوز والمارينا و360 وفي المباركيه وبالنسبه للمسرحيات ما عندي فكره عنها تقبل مروري

الاكوابارك في ايام حق بنات في ايام حق شباب في ايام حق العوائل خل اسال و اقولك ..
عندك الافنيوز يجمع كل المحلات
السينما ممكن تلاقي في هالمجمعات : افنيوز , مرينا , مهلب , الفنار , سوق شرق
مركز العلمي يكون عالبحر .. تقدر تشوف الحيونات و فيه داخل مطاعم و سينما بس مو نفس اي سينما لا .. السينما الي داخل نسيت شسمه الي تلبس نظارات يعني كله عن حيونات او اشياء قديمة بس وايد حلوو

• مركز سلطان .. نفس جمعية و فيه شغلات حلوة يعني اذا بنغير محنا رايحين جمعية نروح مركز سلطان ..

في اكثر من واحد بالكويت
وعندك اماكن ترفيهية مثل اللعاب : حديقة الشعب .. مدينة الترفيهية
بس حديقة الشعب اشوفه احلى
مجمعات للماركات : الصالحية , الراية , فيلا مودا

شوف يا الهلي ( رحلتي الي الكويت )
يفي باغرض و تقارير الاعضاء
و ان شاء الله تجي باسلامة