والله ما ادلها بس اسمع انت خذ طريق الملك فهد تقريبا تسعين كيلو ثم سينتهي
فيك الطريق باشارة فيها اكثر من خيار ومنها دسمان انت خذ دسمان وبعدين شف لك
تاكسي وسفرة سعيدة ولا تنساني من قطعة قماش شتوية من سوق المباركية

و عليكم السلام و رحمة الله...و انت بخير و صحة و سلامة ان شاء الله...
حياك الله أخي الكريم في بلدك الكويت, و تمنياتنا لك بقضاء اجازة سعيده.بالنسبة للطريق من منفذ النويصيب...

ستسلك طريق الملك فهد "الموضح باللون الأزرق" حتى نهايته...
(خط واحد من منفذ النويصيب إلى مدينة الكويت)
حينها ستكون في اشارة مرورية.
تأخذها "فرعي يمين".
حينها ستكون في طريق الدائري الأول السريع
الموضح باللون الأحمر.

و هذه صورة أقرب للوضع...
ستكمل طريق الدائري الأول حتى تجد أول اشارة مرورية.
ستكملها للأمام, ثم سيأتيك دوار دسمان الموضح بالصورة !
لن تكمله للأمام, و انما ستأخذ المنعطف الثاني...
و الموضح باللون الأصفر, ثم اول يمين...
و بعدها دوار صغير لليمين كذلك.
و ستجد الفندق الموضح باللون الوردي...
في الصورة أعلاه.و كما هو الواضح يمكن الوصول للفندق...
من شارع الخليج العربي, و ذلك بسلك الإشارة المرورية القريبة من سوق شرق.تقبل تحياتي عزيزي.

السلام علبكم ورحمة الله وبركاته
أخوي محب المباركيه
ماقصرت على الوصف والله لايهينك وأبشر بسعدك وبالقماش اللي تطلبه بس علمني كيف أوصله لك وأبشر من عيوني وماطلبت شي يالغالي.
أخوي ضاري
بيض الله وجهك على الوصف الدقيق
بس طال عمرك لو قلت لك إني جاي على شارع الخليج وخليت المارينا مول عل يساري وأنا رايح باتجاه الكويت
هل أكمل طريقي الى الأشاره اللي قبل سوق شرق أو اللي بعدها؟
تراني قريب طال عمرك
الله يجزاك بالخير

أهلا عزيزي.
صحيح لو تخلي المارينا على يسارك و تكمل للأمام...
الإشارة اللي قبل اشارة سوق شرق تاخذها يسار.
و حتى لو اخذت اشارة سوق شرق يسار...
ممكن تكمل للأمام و تاخذ الدوار يسار...
بيطلعك للأمام على دوار دسمان...
تقبل تحياتي.

بيض الله وجهك وهذه دعابة العيد واوصيك تدف زين ترى الكويت بردها مايرحم

السلام عليكم ورحمة الله وبركاته
شكرآ أخوي ضاري ويامرحبا فيك أخوي محب المباركيه