والله نفس السؤال ياليت نلقى اجابه

بكل بساطة إسألي الوايتر
Contain Wine , Alcohol
يحتوي على خمر , كحول
It is a Ham
هذا لحم خنزير
وإذا إنتي محجبة فغالبا هم عارفين المسلمين وتعاليم الإسلام
سبق وإن حصل لي هذا الموقف كنت في مطعم وجاب الوايتر المقبلات
وكانت عبارة عن معجنات بالخضار والصوص
وقال لي عادة إحنا نقدم المقبلات مع شرائح لحم الخنزير
لكن أنا عرفت إنك مسلمة فقلت للشيف إستبدل اللحم بالخضار
وطبعا شكرته على تصرفه وزدت إكراميته لما جيت أدفع الحساب
وإنتبهي لا تتوهقين عند الطلب وتطلبين (مارجريتا) قولي (بيتزا مارجريتا)
لأن الأولى نوع من أنواع الخمر والثانية البيتزا المعروفة عجينة بالصوص والجبن
وسلامتك

يسلمو حبيبتي ماقصرتي ..
وخوش معلومة اللي عن المارجريتا
انشالله ما انساها =)
الف شكر حياتي

اي والله ماشاء الله عليهم
انا نفس الشي كنت معجبه بكيكه كان شكلها خرافي واقولها ابي هذي نسيت اسال عنها قالتلي نو كهول
ناس راقيه من جد
الله ديمها
بالتوفيق يارب

يسلمو حبيبتي عالمداخلة الحلوة
حتى الكيك ماسلم من هالكحول :/
بس فعلا راقين اذا هذا تعاملهم مع المسلمين
عاد مشكلة اللي مو ذاك الزود بالانجليزي :/ لازم اسأل عن كل شي قبل لا اشتريه حتى الكاكاو (الشوكولاته) ؟؟؟

hdeel
فعلا لا بد من التأكد والسؤال
وشوفي قصتي في مصنع الشوكلاته
وصادف دخولنا مع جروب وإنشغلت المرشدة معاهم
وصرنا نمشي ونتذوق من هنا وهناك من غبر ما أحد يرشدنا أو يفيدنا بمعلومة

وبعد ما إستمتعنا بتذوق أنواع الشوكلاتة
حطيت عيني على هذي المجموعة وقررت أشتري منها

وأخيرا وصلنا إلى ركن الشراء

وكانت الصدمة لإن المنتج إللي أعجبني وكثرت منه وقررت إني أشتريه
كان يحتوي على كحول " > " >

فعلا صار زي كذا موقف لزوجي مع اني ماكنت معه عشان يشوفون الحجاب الا انهم نبهوه ان الايسكريم فيه كحول !

عدم التركيز وقراءة المحتوى والكسل على الاقل من السؤال
جعلني اشتري شوكولاته بالكحول واجيبها معي للمدينه واكلها بعد ههه
لكن كان طعمها سيء

هايدي السويسرية ..
قوية الصدمة ! بس ماسكرتي بعد كل هالكاكاو اللي اكلتيه ؟؟ ؛)
همة عالية ..
حتى الايس كريم فيه كحول !!!
المزيد ..
عاد و انت صاحب الخبرة طافت عليك .. احنا شنقول :/
س : هل القهوة بانواعها - ستاربكس وربعه - عندهم تحتوي على الكحول بعد ؟؟