اللي أعرفه أن جامعة البحرين بها كلية الحقوق

و كمان الجامعه الخليجيه ...
بالتوفيق ان شاء الله

سبق لي الحصول على مختصر تعريف لجميع الجامعات الموجودة في مملكة البحرين وفيه نبذة عن كل جامعة وتخصصانها شاملا الدراسات العليا وكذلك نبذة عن الرسوم .. ولكن بكل اسف فقدتها
بامكانك الحصول على نسخة من هذا التعريف عن طريق احدى الجامعات او عن طريق وزارة التعليم او لدى بعض المؤسسات التعليمية.
تحياتي

الجامعة الخليجية فيها قانون بأقسامه.. قانون دولي ,, جنائي,, تجاري,, اللي تبيه موجود

هلا بيك أخوي أبو الجوهرة ...
انا جبت لك مواقع تقدر تدخل وتتفرج وتشوف اللي تبغاه ...
جامعة البحرين جامعة البحرين http://www.uob.bh/
الجامعة الخليجية http://www.gulfuniversity.net/
جامعة المملكة http://www.ku.edu.bh/b/index.php
أتمنى اكون ساعدت بشي .. وبالتوفيق ..

أشكركم جميعا يامال العافية ماقصرتوا
الأخت الغالية الغالية/ ماقصرتي كفيتي ووفيتي والروابط أفادتني كثير تسلم يديك
على الله يردون علي

كذلك جامعة المملكة فيها كلية حقوق ( موقعها جنوب المنامة بالقرب من السفارة الأمريكية ) ، الحقوق في جامعة المملكة بدرجات البكالوريوس + الماجستير + بالإضافة إلى الدبلوم المشارك ( الدبلوم العالي ) ,,.
جامعة العلوم التطبيقية فيها كلية حقوق وموقعها في الجفير / الجامعة الخليجية في مدينة عيسى كذلك فيها كلية حقوق.
ملاحظة :: جميع الجامعات أعلاه جامعات خاصة ( يعني أهم شي مؤثل ثانوي وكل شي يهون لها مقابل المادة ) ..
علماً أن هناك العديد من الكليات مثل ما تفضلوا الاخوان وذكروا ..
عموماً كلية الحقوق في جامعة المملكة سعر المادة = 195 دينار لمدة 8 فصول وفصل تدريبي واحد .. (( الجدير بالملاحظة أن الجامعة 3 فصول في السنة يعني مدة الدراسة الفعلية 3 سنوات )) .. يعني تكون الاجازات في شهر يناير + شهر أغسطس فقط .. إضافة لإجازات جانبية اسبوع على الأكثر ..

الله يسلمك أخوي العزيز بحريني غير وماقصرت
أنا اهتمامي في الدراسات العليا..فهل في جامعة المملكة برامج ماجستير ودكتوراه وبحوث وأطروحات أكاديمية في القانون؟؟ ربي يعطيك ألف ألف عافية

هلا أخوي ابو جوهرة ..
بالنسبة للحقوق فيه برنامج ماجستير فقط أعتقد .. بسألك أكثر عن الجامعات الأخرى وان شاء الله نحصل الي يناسبك