ديــامه
16-10-2022 - 01:15 pm
سلام و تحيه لكل اهل هذا المنتدى الطيب ..
بصراحه كل الي موجود من معلومات عن النمسا و سويسرا اكثر من رائعه تسلمون على هذا الجهد الطيب ..
بس حبيت اسل الاخت سفريات اذا ممكن تساعدني دورت شقق فندقيه في النمسا و لقيت مو اني ما لقيت بس الصراحه ادور غرفتين نوم و حمامين و هذا اهم مال في الموضوع ..كل الغرف عباره عن 2نوم و حمام او 3 نوم و حمام اذا تريد حمامين لازم 5غرف نوم و انا مابا هل القد من الغرف شوه الحل ..
و سؤال لاهل الخبره شوه احلى زلام سي السكن فيها ام انسبورك ..يعني افكر تكون رحلتي 4ايام في فينا و 5في زا لام سي او انسبورك و 5في سالسبرغ ..وبعدين عندي اطفال صغار شوه المدينه المسليه للاطفال اكثر ..
و تسلمون
ممكن تخبريني كم عددكم ؟؟
لأني كنت ساكنه في استرون سويت ... يقع في شارع التسوق الماريا هلفر .
والغرفه عباره عن سويت ... وحجمها ممتاز جدا ... يعني غرفه وصاله و مطبخ امريكي يوجد باب بين الغرفه والصاله ... والحمام( الله يعزك ) مقسوم الى قسمين للأستخدام ... قسم فيه المغسل لليد وغرفه للملابس ... والقسم الثاني به المرحاض والبانيو .
هذا بيناسك اذا كنتي انتي والاولاد الصغار من دون خادمه .. خاصه انه المطبخ به مغسل لليد ايضا .