يسر
وعليكم السلام
وأنا معك أنتظر أسمها وعنوانها وسعرها مغري

1. والله عنوانهم او رقم تلفونهم ما اعرفهم اللي جابوه لي الانفورميشن سنتر


2. مستواها اعطيها 3 نجوم او نجمتين ونص


3. رقم تلفونها 0043654268755

هلا
السموحه صارلي كم يوم افتر بقسم سويسرا مخطط الصيف هذا بعد زل ام سي انترلاكن

والله عنوانهم او رقم تلفونهم ما اعرفهم اللي جابوه لي الانفورميشن سنتر

بس اعرف اطريقا اذا جيت زل ام سي شوف الصيف اللي طاف اول ماجيت رحت الانفورميشن سنتر لزل ام سي قلتلهم ابي شقه عطوني شقق والله واجد بس ارخصهم شقه بمنطقه سالفدين تبعد عن زل ام سي 2 كيلومتر تصلح اللي عنده سياره مثل ماكان وياي
عباره عن 3 غرف وكل غرفه سريرين وانت بكرامه حمامين واحدمع شور والثاني تواليت عادي ومطبخ تحضيري وصاله كويسه وبلوكونتين ب 60 يورو باليوم

مستواها اعطيها 3 نجوم او نجمتين ونص

رقم تلفونها 0043654268755

بعدها رحت فينا ولما رجعت مره ثانيه رحت منطقه الكابرون وتبعد عن زل اك سي 6 كيلو تقريبا ورحت الانفورميشن سنتر وقلتلهمابي شقه ل 5 اشخاص عطوني 3 استديوات كل استيديو غرفه سريرين وصاله ومطبخ تحضيري وحمام وبلوكونتين وارضيات خشب سويدي وليتات سبوت شغل حيل ممتاز اعطيها 4 نجوم سعر 3 سويتات باليوم كلهم جميعا ب 80 يورو
ادري اسعاري رخيصه لانكم تحجزون دايركت عن طريق مكتبالسفريات انا احجز عن طريق الانفورميشن سنتر لانه بالسستم عنده جميع الشقق والفنادق ويشوف شنو المتوفر عندهم ويعطيني سعر محدد من قبل البلديه وحتى عطاني الانفو سنتر مره بيت رحت شفته يصلح لعائله ل 8 اشخاص باليوم ب160 يورو
بس شوف بعطيك موقع هذا قبل سنتين كنت ساكن عندها موقع الشقق بقلب زل ام سي مقابل الماكدونالدز ويبعد 200 متر عن البحيره حجزت عندها ب 100 يورو مع التنظيف اليومي وخدمه الانترنت عباره عن شقه من غرفتين وصاله وكل غرفه فيها سريرين وفي كل غرفه بعد كنبه كبيره تصير سرير وانت بكرامه حمام انا اعطي الشقه هذي 3 نجوم بس الموقع الشقه 5 نجوم مايحتاج سياره كل شي جنبك مطاعم بحيره تكاسي مواصلات كل شي مشي
http://wwwstjernholm.at
رقم تلفونها
7وسامحوني على القصور

هلا اخوي
الله يجزاك خير ويريح قلبك
بصراحه أفدتنا ماشاء الله لاقوه إلا بالله
ياليت كمان إدا عندك فكره عن شقق في فينا بهالأسعار الحلوه حتى لو قريب منها لأنه والله حرام الواحد يصرف بهالسكن مصاريف هالكثر والواحد في السفر مايجلس في الفندق يدوب ينام الليل انا معاك لازم يكون نظيف موقع جميل آمن والآمان بالله لكن السعر لازم يكون عقلاني إدا بدفع بالسكن هالقد إيش بخلي للأماكن السياحيه بالأخص لما يكونوا عائله متوسطه أو كبيره
أنتظر ردك أخوي والله يجعلها في موازين حسناتك لأن بجد لو ضبطت الشقق معانا تكون خدمتنا خدمه رائعه والله سخرك لنا بالخير إن شاء الله إحنا وكل من وده يسافر

يسر
والله مادري ياخوك أنا حبيتك في الله بس لاتبخل علينا بدعوتك أنا مقبل على أختبارات أخر سنه هندسه وغربه في بريطانيا أدعو لي أني أنجح من غير دور ثاني أنت واللي يعز عليك والاهل علشان اروح للنمسا قبل لا ارجع الكويت انا ويا الاهل ونشوفك اهناك
أنا صارلي 4 سنين كله بالنمسا ويسويسرا ترى فينا حلوه بين 3 ايام الى 5 ايام
بعطيك مواضيع عن الشقق في فينا مره حلوه موقعها قريب واسعارها زينه واذا حاب اعطيك رقم واحد تكلمه يجيبلك شقق وسواقين بالخاص
https://artravelers.com/p/re/74173
هذول الرابطين شوفهم وبعدين احكم
واذا استعصى عليك شي انا بالخدمه

الله يجزاك خير اخوي ويعطيك ربي العافيه
بدايه معاك أختك في الله يسر
الرابط الاول قد شفته لكن ماينفع لأنه كله استديو واحنا نبغى غرفتين لأن الوالده بحول الله طالعه معانا
الرابط الثاني بشوف كم بيكون سعر الغرفتين أكيد الدبل ولا لا؟
وبالنسبه للرقم الله ييسر أمورك بشوف زوجي إدا قال لي جيبيه بعطيك خبر
والله يوفقك أخوي وينجحك ويردك لبلدك سالم غانم إنت وكل مغترب اللهم آمين

المشكله ماعمري زرت فينا وسكنت بشقه انا كل مره اسكن بالماريوت والماريوت غالي صراحه على عائله
سعر الغرفه 200 يورو للغرفه الستاندر
ما انصحكم والله ولا انصح بعد تتعاملون ويا عرب لانهم اكبر نصابين خلي تعاملك مع النمساوين افضل واامن
بس عندي رقم واحد عربي بفينا هذا ما الجأ اليه الا اذا استعصت الامور يمكن يفيدكم
ومشكره على الدعوه وكثري منها ههه

جزاك الله خير اخوي
والله ييسر أمورنا وأمورك وأمور المسلمين على خير اللهم آمين